«Հայաստանի Հանրապետության կառավարության 2017 թվականի դեկտեմբերի 28-ի N 1717-Ն որոշման մեջ փոփոխություններ կատարելու մասին» ՀՀ կառավարության որոշման նախագիծ

4 - Կողմ
1 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h	Առաջարկության հեղինակը, ստացման ամսաթիվը	Առաջարկության բովանդակությունը	Եզրակացություն	Կատարված փոփոխությունը
	1	2	3	4
1	Գևորգ Սարգսյան 20.08.2018 17:12:11	Այդ դասընթացները և տեղեկատվական նյութերը պետք է հասանելի լինի բոլորին անվճար հիմունքներով՝ ասենք նախարարության կայքում, իսկ մարզպետարանի, գյուղապետարանի կամ նախարարության տվյալ ոլորտի աշխատակիցներն էլ թող շփվեն գյուղատնտեսի հետ հողամասում ոչ թե կաբինետում և նախարությունն էլ պետք է արդյունքների համար պատասխանատու լինի	Որոշման նախագծով նախատեսվում է «Գյուղական խորհրդատվական ծառայություններ» դրամաշնորհի ծրագրի արդյունավետությունը բարձրացնելու նպատակով վերանայել նշված ծրագրի ոչ ֆինանսական ցուցանիշները: Մասնավորապես, առաջարկվում է ծրագրի ոչ ֆինանսական ցուցանիշներում, սկսած 2-րդ եռամսյակից, կատարել փոփոխություններ՝ ցուցանիշներից հանել «Տեղեկատվական նյութեր (այդ թվում՝ տեսանյութեր և հեռուստահաղորդումներ)» տողն ամբողջությամբ և փոխարենը «Ծրագրային դասընթացներ» տողում դասընթացների քանակն ավելացնել 80-ով, գյուղատնտեսության ոլորտին տրամադրվող վարկերի տոկոսադրույքի սուբսիդավորման ծրագրի շրջանակներում ծրագրային դասընթացներին մասնակցած և վարկ ստացած տնտեսությունների մոնիտորինգի թիվը՝ 80-ով: Ներկայացված առաջարկը չի բխում տվյալ նախագծի բովանդակությունից և վերաբերում է դասընթացների (տեղեկատվական նյութերի) տրամադրման իրականացման մեթոդաբանությանը, ինչը չի հանդիսանում տվյալ նախագծի կարգավորման առարկան և նպատակը: Ինչ վերաբերում է բարձրացված մտահոգությանը, ապա դասընթացները մատուցվում են շահառուներին անվճար հիմունքներով: Կախված թեմաներից` դրանց մատուցումն իրականցվում է ինչպես լսարանային, այնպես էլ գործնական (փորձա-ցուցադրական, դաշտային և այլն) սկզբունքներով:	Ընդունվել է ի գիտություն