Լրամշակման փուլում է
«ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ», «ՈՍՏԻԿԱՆՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՕՐԵՆՔՆԵՐ
-
4 - Կողմ
-
0 - Դեմ
ՀԻՄՆԱՎՈՐՈՒՄ
«ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ», «ՈՍՏԻԿԱՆՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՕՐԵՆՔՆԵՐԻ ՆԱԽԱԳԾԵՐԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ
- Ընթացիկ իրավիճակը և իրավական ակտի ընդունման անհրաժեշտությունը
Դատարանների կողմից կայացված որոշումներով ոչ հոժարակամ բուժման ենթակա անձանց վերաբերյալ, ովքեր խուսափում են ոչ հոժարակամ բուժումից օրենսդրական կարգավորումներն ամբողջական չեն: Մասնավորապես.
Ոստիկանության վրա դրված չէ ոչ հոժարակամ բուժումից խուսափող անձանց հետախուզում իրականացնելու պարտականություն: Ընդ որում, անձանց հետախուզման անհրաժեշտություն է ծագում ինչպես արտահիվանդանոցային հարկադիր հսկողությունից և բուժումից, այնպես էլ հիվանդանոցային ոչ հոժարակամ բուժումից խուսափող, հոգեբուժարաններից փախուստի դիմած անձանց նկատմամբ «Ոստիկանության մասին» օրենքով սահմանված գործառույթն իրականացնելիս: Նման անձանց նկատմամբ հետախուզում հայտարարելու իրավասություն չունեն նաև դատարանները, այն դեպքում, երբ պատիժը կրելուց խուսափող դատապարտյալի դեպքում դատարանն իրավունք ունի հայտարարելու հետախուզում: Կարգավորումից դուրս է մնում նաև դատարաններին նման միջնորդությամբ դիմելու իրավասու մարմնի հարցը:
Վերոշարադրյալը վկայում է, որ անհրաժեշտ է կարգավորել ոչ հոժարակամ բուժումից խուսափող անձանց հայտնաբերման ընթացակարգը:
- Առաջարկվող կարգավորման բնույթը
«Քրեական դատավարության օրենսգրքում փոփոխություն կատարելու մասին», «Ոստիկանության մասին օրենքում փոփոխություն և լրացում կատարելու մասին» օրենքների նախագծերով նախատեսվում է.
- Դատարանն իրավունք ունի հայտարարելու ոչ հոժարակամ բուժումից խուսափող անձի հետախուզում,
- Հետախուզումը դատարանը հայտարարում է անձի նկատմամբ ոչ հոժարակամ բուժումն իրականացնող իրավասու կազմակերպության կամ ոչ հոժարակամ բուժումից խուսափող անձանց բժշկական հաստատություններ բերման ենթարկելու իրավասությամբ օժտված մարմնի միջնորդությամբ,
- Ոստիկանության իրավասությունը իրականացնելու ոչ հոժարակամ բուժումից խուսափող անձանց հետախուզում և նման միջնորդությամբ դիմելու դատարան:
- Նախագծի մշակման գործընթացում ներգրավված ինստիտուտները, անձինք և նրանց դիրքորոշումը
Նախագիծը մշակվել է Արդարադատության նախարարության կողմից՝ Գլխավոր դատախազության առաջարկությամբ:
- Ակնկալվող արդյունքը
Նախագծի ընդունման արդյունքում կամրագրվի ոչ հոժարակամ բուժումից խուսափող անձանց հայտնաբերման իրականացման համար անհրաժեշտ մեխանիզմներ:
-
Քննարկվել է
07.08.2018 - 27.08.2018
-
Տեսակ
Օրենք
-
Ոլորտ
Արդարադատություն, Քրեական դատավարություն
-
Նախարարություն
Արդարադատության նախարարություն
Դիտումներ` 5824
Տպել