ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ 2020 ԹՎԱԿԱՆԻ ՀՈԿՏԵՄԲԵՐԻ 14-Ի N 40-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Բարև ձեզ իմ աշխատանքը սկսվում էր 9-ից միջև 5անց կես ։Իմ ցանկության աշխատավարձից պահվում է 1 ժամ օգտագործում եմ առավոտյան ,բայց երբ որ շուտ եմ գալիս օրինակ 9 անց կես ինձ թույլ չեն տալիս որ կես ժամը տուն գնալուց ։

Տարվա մեջ հատկացնել օրեր որպեսզի կարողանանք բուժ զննումը անցնել բոլոր կաբինետներում հերթ է , կամ որ հարազատ է մահանում 3 օր տրամադրեն այլ իմ հաշվին վերցնեմ ։Շատ շնորհակալ եմ շատ լավ նախագիծ էր։

Քանի որ 2026 թվականին նախատեսվում է դպրոցների ենթակայության զանգվածային փոփոխություն (մարզպետարաններից դեպի ԿԳՄՍ նախարարություն), առաջարկում եմ նախագծում ներառել դրույթ էլեկտրոնային հարթակի արդիականացման մասին։

• ​Առաջարկ. Սահմանել, որ թափուր տեղերի մրցույթների հայտարարությունները պետք է միասնականացվեն մեկ հանրապետական շտեմարանում՝ բացառելով տեղական մակարդակում տեղեկատվության կորուստը կամ ուշացումը։

Առաջարկում եմ նախագծի 10-րդ կետում կամ որպես առանձին դրույթ ներառել հետևյալ սոցիալական և մասնագիտական երաշխիքները.

Առաջարկում եմ սահմանել, որ հեռավոր կամ սահմանամերձ բնակավայրեր գործուղված մասնագետի աշխատանքային ստաժը տվյալ ժամանակահատվածի համար հաշվարկվի արտոնյալ գործակցով (օրինակ՝ 1 տարվա աշխատանքը հավասարեցվի 1.5 տարվա ստաժի)։

Քանի որ գյուղական դպրոցներում աշակերտների թվի պատճառով ժամաքանակը հաճախ քիչ է, սահմանել, որ գործուղվող մասնագետի համար ապահովվի նվազագույնը 1 դրույքաչափի վարձատրություն՝ անկախ փաստացի ժամաքանակից (կամ տարբերությունը լրացվի նախագծով նախատեսված բյուջեից)։

Նման իրավիչակներում մասնագետները հաճախ խուսափում են գործուղումից, քանի որ փոքր դպրոցներում չեն կարողանում լրացնել անհրաժեշտ ժամաքանակը, ինչը բերում է ցածր աշխատավարձի (նույնիսկ 25% հավելավճարի պարագայում)։ Ստաժի արտոնյալ հաշվարկը և լիարժեք դրույքաչափի երաշխավորումը կդառնան հզոր մոտիվացիոն գործոններ, որոնք կխրախուսեն բարձրակարգ մասնագետներին երկարաժամկետ կտրվածքով մեկնել մարզեր։

Նախագծի վերաբերյալ դիտարկումս առնչվում է գործուղվող մասնագետի դերին։ Առաջարկում եմ գործուղման գործընթացը դիտարկել նաև որպես մենթորության (խորհրդատվության) հնարավորություն։ Բարձր որակավորում ունեցող գործուղվող մասնագետը կարող է ոչ միայն դասավանդել, այլև իր փորձը փոխանցել տեղի մանկավարժներին։ Նման մոտեցումը կստեղծի կրկնակի արդյունք՝ լրացնելով թափուր տեղը և միաժամանակ բարձրացնելով տեղի մասնագետների կարողությունները։

Կարգում պետք է հստակեցվի, թե ինչպես է գնահատվում գործուղված մասնագետի աշխատանքի արդյունավետությունը, որպեսզի դա չլինի ձևական բնույթ կրող գործընթաց։

Առաջարկում եմ՝ գործուղվող մասնագետի ընտանիքի անդամների համար տվյալ համայնքում աշխատանքի տեղավորման կամ վերապատրաստման արտոնյալ պայմանների ստեղծում: 

Հնարավորություն տալ մասնագետներին աշխատել հիբրիդային մոդելով (մասամբ տեղում, մասամբ հեռավար), եթե տվյալ առարկայի դասավանդումը թույլ է տալիս, ինչը կնվազեցնի ֆիզիկական տեղափոխման բարդությունները:

Ներկայացված կարգը ընդհանուր առմամբ կառուցված է համակարգային և նպատակային՝ փորձելով լուծել մարզերում մասնագետների պակասի խնդիրը։ Դրական է, որ ներդրվել է միասնական շտեմարան, հստակեցված է գործուղման ընթացակարգը և նախատեսված են նյութական խթաններ։ Սա տեսականորեն կարող է բարձրացնել համակարգի կառավարվողությունը։

Այնուամենայնիվ, կարգը հիմնականում կենտրոնացած է ընտրության և գործուղման գործընթացի վրա, մինչդեռ ավելի քիչ ուշադրություն է դարձված արդյունքի գնահատմանը։ Գործուղման արդյունավետությունը ներկայումս գրեթե չի չափվում, և չկա հստակ պատասխան այն հարցին՝ արդյոք ծրագիրը լուծում է իր հիմնական խնդիրը՝ ապահովել որակյալ կրթություն տվյալ դպրոցներում։

Բացի այդ, նյութական խթանները, թեև կարևոր են, բայց սահմանված չափերով կարող են բավարար չլինել հատկապես հեռավոր համայնքների համար, ինչն ազդում է ծրագրի գրավչության վրա։ Նկատվում է նաև, որ թեկնածուների շտեմարանում ընդգրկվելը և առաջարկների մերժման դեպքում դուրս գալը ավելի շատ կարգապահական մեխանիզմ է, քան որակ ապահովող գործիք։

Առաջարկություն

Կարծում եմ՝ կարգում անհրաժեշտ է ավելացնել մեկ հստակ և գործնական բաղադրիչ՝ արդյունքի գնահատման չափելի մեխանիզմ։ Մասնավորապես՝

սահմանել, որ յուրաքանչյուր գործուղված մասնագետի համար ուսումնական տարվա ավարտին իրականացվում է գնահատում՝ հիմնված

• դպրոցի տնօրինության կարծիքի,
• աշակերտների առաջադիմության փոփոխության (օրինակ՝ առարկայի միջին գնահատականի աճ),
• և դասերի իրականացման ցուցանիշների վրա (դասաժամերի կատարում)։

Այդ գնահատման արդյունքները պետք է

• ազդեն նույն մասնագետի հետագա գործուղումների վրա,
• և օգտագործվեն ծրագրի ընդհանուր արդյունավետությունը գնահատելու համար (օրինակ՝ քանի դպրոցում է բարելավվել արդյունքը)։

Առաջարկում եմ՝ ստեղծել գործուղված մասնագետների գործունեության արդյունավետության գնահատման թափանցիկ սանդղակ: Սա կօգնի նախարարությանը հասկանալ,թե որ մարզերում է գործուղումն ավելի արդյունավետ աշխատում:

Կարծում եմ հիմնական շեշտը պետք է դնել թվայնացման և հետագա կարիերայի երաշխիքների վրա,որպեսզի գործուղումը դիտարկվի ոչ թե որպես <<պարտադիր ծառայություն>>,այլ որպես մասնագիտական աճի լուրջ հնարավորություն:

Կարծում եմ՝ նպատակահարմար կլինի նաև գործուղման ժամկետի ավարտից հետո ներդնել մշտադիտարկման գործիք (օրինակ՝ գնահատման կամ մոնիթորինգի թերթիկ), որի միջոցով հնարավոր կլինի գնահատել, թե որքանով է գործուղումը ունեցել դրական ազդեցություն ուսուցչի մասնագիտական գործունեության վրա։