«Հայաստանի Հանրապետության կառավարության 2018 թվականի ապրիլի 12-ի N 405-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման նախագիծ

ա․ կետ․ Առաջարկում եմ փոփոխություն չկատարել։ Նախազորակոչային տարիքը Հայաստանի Հանրապետությունում սահմանված է 14-ից մինչև 18 տարեկանը, որում ստորին սահմանը՝ 14 տարեկանը հիմնավորված և իրատեսական է։ Նախազորակոչային տարիքի ստորին սահմանը իջեցնելը մինչև 0 տարեկան խիստ մտահոգիչ է, անիրական, ոչ կիրառելի։ Ծննդյան վկայականի հետ երեխային զինվորական հաշվառման թերթիկ տալը գործնականում անհնար է, անիմաստ է․ նաև անհասկանալի է զինկամիսարիատի գործառույթները այս դեպքում։

դ․ կետ․ Առաջարկում եմ փոփոխություն չկատարել։ 13-րդ կետում «Ամբուլատոր պոլիկլինիկական հաստատություններում, բժշկական կազմակերպություններում» բառերի փոխարինումը «Առողջության առաջնային պահպանման կազմակերպություններում, բժշկական հաստատություններում» բառերով. անորոշ է դարձնում «Բնակչության բժշկական օգնության և սպասարկման մասին» ՀՀ օրենքի 3-րդ հոդվածի 6-րդ կետի, ինչպես նաև ՀՀ առողջապահության նախարարի 09 սեպտեմբերի 2021թ․ թիվ 93-Ն հրամանի 6-րդ կետի 1) –ին ենթակետի պահանջները։ «Բժշկական կազմակերպություններ» բառակապակցությունը փոխարինումը «բժշկական հաստատություններ» բառակապակցությամբ՝ հակասում է «Բնակչության բժշկական օգնության և սպասարկման մասին» ՀՀ օրենքի մի շարք նորմերին, մասնավորապես` 2-րդ հոդվածի 1-ին մասի 30)-րդ, 39)-րդ, 45)-րդ, 63)-րդ կետերին, 3-րդ հոդվածի 4-րդ մասի 1)-ին կետին, 3․1-րդ հոդվածի 1-ին և 5-րդ մասերին, 7․1-րդ հոդվածի 1-ին, 2-րդ, 3-րդ, 5-րդ մասերին, 32-րդ հոդվածի 1-ին, 2-րդ, 4-րդ, 6-րդ մասերին, 32․1-րդ հոդվածի 1-ին, 2-րդ, 3-րդ, 4-րդ մասերին, 33-րդ հոդվածի 6-րդ մասի 3)-րդ կետին․․․․

Ը․ կետ․ Առաջարկում եմ փոփոխություն չկատարել։ Հիվանդանոցային բուժհետազոտում իրականացնող բժշկական հաստատությունների հանձնաժողովների կազմում՝ հաշվի առնելով նեղ մասնագիտական բնույթի բուժհետազոտություն իրականացնելու փաստը, իրատեսական չէ, նաև հիմնավորված չէ թե նախագահի, թե հանձնաժողովի կազմում տարբեր՝ տվյալ հետազոտության համար ոչ անհրաժեշտ մասնագետների ներառումը։