ԿԱՌԱՎԱՐՈՒԹՅԱՆ ՌԱԶՄԱՎԱՐԱԿԱՆ ԿԱՌԱՎԱՐՄԱՆ ԱՇԽԱՏԱԿԱՐԳԸ ՀԱՍՏԱՏԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

__ հուլիսի 2024 թվականի N ____-Լ

ԿԱՌԱՎԱՐՈՒԹՅԱՆ ՌԱԶՄԱՎԱՐԱԿԱՆ ԿԱՌԱՎԱՐՄԱՆ ԱՇԽԱՏԱԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության Կառավարության կառուցվածքի և գործունեության մասին» ՀՀ օրենքի 12-րդ հոդվածի 1-ին մասը՝  Հայաստանի Հանրապետության կառավարությունը որոշում է.

1. Հաստատել «Կառավարության ռազմավարական կառավարման աշխատակարգը»` համաձայն Հավելվածի (այսուհետ՝ Աշխատակարգ):

2. Սույն որոշումն ուժի մեջ է մտնում հրապարակմանը հաջորդող օրվանից` հաշվի առնելով սույն որոշմամբ սահմանված դրույթները:

3. Աշխատակարգի դրույթները պարտադիր են սույն որոշման ուժի մեջ մտնելու պահից սկսած նախաձեռնվող նոր ռազմավարական պլանավորման փաստաթղթերի համար կամ գործող ռազմավարական պլանավորման փաստաթղթերում փոփոխություններ ու լրամշակումներ իրականացնելու դեպքում` բացառությամբ սույն որոշմամբ սահմանված դեպքերի։

4. Աշխատակարգի 40-րդ կետը ուժի մեջ է մտնում 2026 թվականի հունվարի 1-ից։ Մինչև 2026 թվականի հունվարի 1-ը սույն Աշխատակարգով սահմանված մշտադիտարկման վերաբերյալ դրույթները գործող ռազմավարական պլանավորման փաստաթղթերի նկատմամբ կիրառվում են այնքանով, որքանով վերաբերելի են (mutatis mutandis):

5. Աշխատակարգով սահմանված ռազմավարությունների մշակման և աշխատանքային խմբերի ստեղծման նպատակով որոշումն ուժի մեջ մտնելուց հետո 90-օրյա ժամկետում ՀՀ վարչապետի հանձնարարականով սահմանվում են․

1) Սույն որոշման ուժի մեջ մտնելու պահին գործող ռազմավարական պլանավորման փաստաթղթերի ցանկը, որոնք պետք է համապատասխանեցվեն Աշխատակարգի դրույթներին,

2) Սույն կետի առաջին ենթակետով սահմանված համապատասխանեցման ժամկետները,

3) Յուրաքանչյուր ռազմավարության Գլխադասային մարմինը և ժամկետները՝ Աշխատանքային խմբի կազմի և աշխատակարգի առաջարկով հանդես գալու համար։

6. ՀՀ վարչապետը Աշխատակարգի 14-րդ սահմանված՝ յուրաքանչյուր ռազմավարության վերաբերյալ որոշումները կայացնում է սույն որոշման ուժի մեջ մտնելուց 6-ամսվա ժամկետում։ 

Հայաստանի Հանրապետության վարչապետ

Ն. Փաշինյան