Բարի գալուստ կայքի թարմացված տարբերակ
    Հիշել նախագիծը

    ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2022 ԹՎԱԿԱՆԻ ՀՈՒԼԻՍԻ 28-Ի N 1177-Ն ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

    ՀԻՄՆԱՎՈՐՈՒՄ 

              «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2022 ԹՎԱԿԱՆԻ ՀՈՒԼԻՍԻ 28-Ի N 1177-Ն ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ»  ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ  

    Իրավական ակտի հիմնավորումը

    1.

    Անհրաժեշտությունը

     

    Հայաստանի Հանրապետության կառավարության 2022 թվականի հուլիսի 28-ի «Անձի ֆունկցիոնալության գնահատման չափորոշիչները և գործիքները հաստատելու մասին» N 1177-Ն որոշման (այսուհետ Որոշում) մեջ փոփոխություններ կատարելու մասին Հայաստանի Հանրապետության կառավարության որոշման նախագծի ընդունումը պայմանավորված է իրավակիրառ պրակտիկայում ի հայտ եկած խնդիրների կարգավորման անհրաժեշտությամբ։

    2.

    Առկա իրավիճակը և խնդիրները

     

    ՀՀ կառավարության 2022թ․ հուլիսի 28-Ի N 1177-Ն որոշման հավելվածի 23-րդ կետի համաձայն, վերականգնման հեռանկարի բացակայության կանխատեսումով ֆունկցիոնալության սահմանափակումների դեպքում հաշմանդամությունը սահմանվում է անժամկետ: Հավելվածի 5-րդ բաժնում սահմանված են վերականգնման հեռանկարի բացակայության կանխատեսումով ֆունկցիոնալության սահմանափակումների հանգեցնող ախտաբանական վիճակները, ինչպես նաև հաշմանդամության սահմանման ժամկետներն ըստ դիտարկման ժամանակահատվածի։ Հարկ է նշել, որ դիտարկման ժամանակահատվածի մեջ է պետք է ներառվի հաշմանդամություն ունեցող անձի կարգավիճակ ստանալու ամբողջ ժամանակահատվածը, այդ թվում՝ բժշկասոցիալական փորձաքննության։

    3.

    Կարգավորման նպատակը և բնույթը

     

    Ներկայացված նախագծով առաջարկվում է սահմանել դրույթ, համաձայն որի ախտաբանական վիճակների դիտարկման ժամանակահատվածը կներառի նաև բժշկասոցիալական փորձաքննության իրականացման և ֆունկցիոնալության գնահատման արդյունքում հաշմանդամություն ունենալու ամբողջ ժամանակահատվածը։

     4․

    Նախագծի մշակման գործընթացում ներգրավված ինստիտուտները և անձինք

     

    Աշխատանքի և սոցիալական հարցերի նախարարություն

    5.

    Ակնկալվող արդյունքը

     

    Նախագծի ընդունման արդյունքում ակնկալվում է լավարկել օրենսդրական դաշտը՝ տարընթերցումներից խուսափելու և միասնական մոտեցում ցուցաբերելու նպատակով։

    6.

    Հայաստանի Հանրապետության պետական բյուջեի եկամուտների և ծախսերի փոփոխությունները

     

    Նախագծի ընդունմամբ պետական բյուջեի եկամուտներում և ծախսերում լրացուցիչ փոփոխությունների անհրաժեշտություն չկա։

    7.

    Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026 թթ. ծրագիր, ոլորտային և/կամ այլ ռազմավարություններ

     

     Նախագիծը փոխկապակցված չէ ռազմավարական փաստաթղթերի հետ

     

     

    • Քննարկվել է

      25.04.2024 - 13.05.2024

    • Տեսակ

      Որոշում

    • Ոլորտ

      Սոցիալական ապահովություն

    • Գերատեսչություն

      Աշխատանքի և սոցիալական հարցերի նախարարութուն

    • Կարգավիճակ

    Ուղարկել առաջարկ էլեկտրոնային փոստով

    Ձեր ուղարկած առաջարկը կտեղադրվի կայքում 10 աշխ. օրվա ընթացքում

    Չեղարկել

    Դիտումներ` 3038

    Տպել

    Առաջարկներ`

    «Հաշմանդամություն ունեցող անձանց իրավունքների օրակարգ» ՀԿ

    13.05.2024

    Նախագծով առաջարկվող 3.1 կետը շարադրել նոր խմբագրությամբ՝ հետևյալ բովանդակությամբ. ««3.1. Սահմանել, որ սույն որոշման հավելվածի 25-րդ, 26-րդ, 28-րդ և 29-րդ կետերի համար հաշվի է առնվում բժշկասոցիալական փորձաքննության և ֆունկցիոնալության գնահատման արդյունքում ընդունված որոշումները, այդ թվում՝ հաշմանդամության սահմանված լինելու ժամանակահատվածը։»։ Հաշվի առնելով, որ մի դեպքում կարևորվել է հաշմանդամության սահմանման հանգամանքը կամ գնահատման «համարակալումը» (25, 26), մյուս դեպքում՝ հաշմանդամության սահմանված լինելու տևողությունը (28, 29), միայն «հաշմանդամություն ունենալու ամբողջ ժամանակահատվածը» նշելը բավարար չէ։

    «Հաշմանդամություն ունեցող անձանց իրավունքների օրակարգ» ՀԿ

    13.05.2024

    Միաժամանակ առաջարկում ենք հավելվածի 24-րդ կետը շարադրել նոր խմբագրությամբ՝ հետևյալ բովանդակությամբ. «24. Առողջական խնդիրներ, որոնց դեպքում անձի ֆունկցիոնալության գնահատման (այդ թվում՝ առաջին գնահատումը) արդյունքում հաշմանդամությունը սահմանվում է անժամկետ՝»։ Այս տարբերակում ուղղվում է «ախտաբանական վիճակներ» բառերը փոխարինվում են «առողջական խնդիրներ» բառերով, «ֆունկցիոնալության առաջին իսկ գնահատման» բառերը՝ «անձի ֆունկցիոնալության գնահատման ժամանակ» բառերով ՝ համաձայն «Անձի ֆունկցիոնալության գնահատման մասին» ՀՀ օրենքի։ «Առաջին գնահատման» բառերը հանելով հնարավոր է լինում խուսափել այն թյուրընկալումից, որ համանման հանգամանքներում այլևս հնարավոր չէ երկրորդ գնահատման ժաանակ սահմանել անժամկետ։ Այս առաջարկի ընդունման դեպքում կուղղվի նաև Հայաստանի իրավական տեղեկատվական համակարգում առկա շարադասական սխալը։

    «Հաշմանդամություն ունեցող անձանց իրավունքների օրակարգ» ՀԿ

    13.05.2024

    Հավելվածի 25-րդ կետը շարադրել նոր խմբագրությամբ՝ հետևյալ բովանդակությամբ. «25. Առողջական խնդիրներ, որոնց դեպքում անձի ֆունկցիոնալության 3-րդ գնահատման արդյունքում հաշմանդամությունը սահմանվում է անժամկետ՝»։

    Տեսնել ավելին
    Եվրոպական Միություն
    Այս կայքը ստեղծվել և թարմացվել է Եվրոպական միության ֆինանսական աջակցությամբ: Կայքի բովանդակության համար պատասխանատվություն են կրում հեղինակները, և պարտադիր չէ, որ այն արտահայտի Եվրոպական միության, ՄԱԿ-ի Զարգացման ծրագրի, ՄԱԿ-ի բնակչության հիմնադրամի, ՅՈՒՆԻՍԵՖ-ի և ԵԱՀԿ-ի տեսակետները: