«Հայաստանի Հանրապետության կառավարության 2023թ․ փետրվարի 23-ի թիվ 245-Ն որոշման մեջ փոփոխություններ և լրացում կատարելու մասին» ՀՀ կառավարության որոշման նախագիծ

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՓԵՏՐՎԱՐԻ 23-Ի N 245-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ  ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ

1.            Ընթացիկ իրավիճակը և իրավական ակտի ընդունման անհրաժեշտությունը

Կառավարության 2023 թվականի փետրվարի 23-ի «Դատապարտյալի անձնական հիգիենայի պահպանման համար անհրաժեշտ հիգիենայի պարագաների չափաբաժինները, հանդերձանքի, անկողնային պարագաների չափաբաժինները և դրանց օգտագործման ժամկետները, սննդամթերքի միջին և մեկը մյուսով փոխարինելու չափաբաժինները սահմանելու մասին» N 245-Ն որոշմամբ (այսուհետ՝ Որոշում), ի թիվս այլ չափաբաժինների և դրանց օգտագործման ժամկետների, հաստատվել են հիգիենայի պարագաների չափաբաժինները և դրանց օգտագործման ժամկետները, իրենց մոտ մինչև երեք տարեկան երեխա ունեցող անձանց համար հիգիենիկ պարագաները և դրանց օգտագործման ժամկետները:

Հարկ է նշել, որ 2025 թվականի հոկտեմբերի 20-ին ՀՀ ԱՆ քրեակատարողական ծառայության գլխավոր քարտուղարի կողմից ՀՀ ԱՆ քրեակատարողական հիմնարկներ է ուղարկվել շրջաբերական գրություն, որի համաձայն՝ հանձնարարվել է ՀՀ ԱՆ բոլոր քրեակատարողական հիմնարկներում իրականացնել դատապարտյալներին և կալանավորված անձանց տրամադրվող հիգիենիկ փաթեթից գոհունակության գնահատման վերաբերյալ անանուն հարցում:

Վերը նշված հարցումների արդյունքում ՀՀ ԱՆ քրեակատարողական ծառայության կենտրոնական մարմնի կողմից իրականացվել է վերլուծություն, որի հաշվառմամբ, նկատի ունենալով դատապարտյալի կարիքները՝ անհրաժեշտություն է առաջացել դատապարտյալների տրամադրվող հիգիենիայի պարագաների չափաբաժիններում կատարել փոփոխություններ: Մասնավորապես.

·                        40 գրամ ձեռքի օճառի փոխարեն շաբաթական տրամադրել 80 գրամ,

·                        20 մլ լոգանքի գելի փոխարեն շաբաթական տրամադրել 30 մլ,

·                        20 մլ շամպունի փոխարեն շաբաթական տրամադրել 30 մլ,

·                        6 մլ ատամի մածուկի փոխարեն շաբաթական տրամադրել 15 մլ, 

·                        ատամի խոզանակը հանել շաբաթական տրամադրվող հիգիենիկ փաթեթի լրակազմից և տրամադրել առանձին՝ տարին 4 հատ՝ նոր՝ ավելի բարձր որակի ատամի խոզանակ՝ երկարատև օգտագործման նպատակով, իսկ լվացիք փոշին տրամադրել ոչ թե ամսական կտրվածով, այլ յուրաքանչյուր 1 կգ լվացքի հաշվարկով՝ 100 գրամ չափաբաժնով,

·                        առաջարկվում է կանացի հիգիենայի միջոցները 10 հատի փոխարեն ամսական տրամադրել 20 հատ,

·                        առաջարկվում է տրամադրել նաև սպասք լվալու հեղուկ՝ ամսական 100 մլ, ինչպես նաև սանր՝ տղամարդու և կանացի, տարեկան՝ 2 հատ:

Բացի այդ, նախագծով առաջարկվում է դատապարտյալներին տրամարդել նաև խոհանոցային սպասք հետևյալ քանակներով՝

Առաջարկվում է նաև ավելացնել իրենց մոտ մինչև երեք տարեկան երեխա ունեցող անձանց տրամադրվող որոշ հիգիենիկ պարագաների չափաբաժինները:  

2.            Կարգավորման նպատակը

Նախագծով առաջարկվում է վերանայել դատապարտյալին տրամադրվող հիգիենիայի պարագաների չափաբաժինները, ինչպես նաև սահմանել նրանց տրամադրվող խոհանոցային սպասքի չափաբաժիները՝ հաշվի առնելով վերջիններիս կարիքները:

3. Ակնկալվող արդյունքը

Նախագծի ընդունմամբ ակնկալվում է, որ դատապարտյալը կապահովվի անհրաժեշտ քանակությամբ հիգիենայի պարագաներով և խոհանոցային սպասքով:

4. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է Արդարադատության նախարարության կողմից:

5.            Նախագծի ընդունման կապակցությամբ լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին

Նախագծի ընդունմամբ լրացուցիչ ֆինանսական միջոցների անհրաժեշտություն չի առաջանում կամ պետական բյուջեում ծախսերի և եկամուտների էական ավելացումներ կամ նվազեցումներ չեն նախատեսվում:

6. Կապը ռազմավարական փաստաթղթերի հետ

Նախագծի մշակումը բխում է Կառավարության 2021 թվականի նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների ծրագիրը հաստատելու մասին» թիվ 1902-Լ որոշումից և Արդարադատության նախարարի 2023 թվականի հոկտեմբերի 20-ի 627-Լ հրամանով հաստատված Հայաստանի Հանրապետության քրեակատարողական և պրոբացիայի ոլորտի 2024-2026 թվականների գործունեության հիմնական ուղղություններից: