ՊԱՏՄԱՄՇԱԿՈՒԹԱՅԻՆ ՀՈՒՇԱՐՁԱՆՆԵՐԻ ԵՎ ՄՇԱԿՈՒԹԱՅԻՆ ԱՐԺԵՔՆԵՐԻ ՀԵՏԱՂԵՏԱՅԻՆ ՎԵՐԱԿԱՆԳՆՄԱՆ ԾՐԱԳԻՐԸ ՀԱՍՏԱՏԵԼՈՒ ՄԱUԻՆ

ՏԵՂԵԿԱՆՔ ՀԻՄՆԱՎՈՐՈՒՄ

 «ՊԱՏՄԱՄՇԱԿՈՒԹԱՅԻՆ ՀՈՒՇԱՐՁԱՆՆԵՐԻ և ՄՇԱԿՈՒԹԱՅԻՆ ԱՐԺԵՔՆԵՐԻ ՀԵՏԱՂԵՏԱՅԻՆ ՎԵՐԱԿԱՆԳՆՄԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ»

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ

1.                Իրավական ակտի ընդունման անհրաժեշտությունը.

«Պատմամշակութային հուշարձանների և մշակութային արժեքների հետաղետային վերականգնման ծրագիրը հաստատելու մասին» Հայաստանի Հանրապետության կառավարության որոշման ընդունումը բխում է «Աղետների ռիսկի կառավարման և բնակչության պաշտպանության մասին» օրենքի 13-րդ հոդվածի 1-ին մասի 4-րդ կետի  և Հայաստանի Հանրապետության վարչապետի «Աղետների ռիսկի կառավարման և բնակչության պաշտպանության մասին» օրենքի կիրարկումն ապահովող միջոցառումների ցանկը հաստատելու մասին» 2025 թվականի օգոստոսի 12-ի N 705-Ա որոշման հավելվածի 48-րդ կետի պահանջի կատարման անհրաժեշտությունից:

2․ Ընթացիկ իրավիճակը և խնդիրները.

Հայաստանի Հանրապետության տարածքում վերջին տասնամյակներում տեղի ունեցած բնական և տեխնածին աղետները՝ երկրաշարժ, հրդեհներ, սելավներ, լուրջ սպառնալիք են առաջացրել մշակութային ժառանգության՝ պատմամշակութային հուշարձանների և մշակութային արժեքների պահպանության համար։

Ներկայումս Հայաստանում բացակայում է համակարգված և գործնական մեխանիզմ, որը կերաշխավորի պատմամշակութային հուշարձանների և մշակութային արժեքների արագ արձագանքման, վնասների գնահատման և վերականգնման գործընթացների կազմակերպված իրականացումն աղետներից հետո։ Թեև առկա են առանձին պետական և տեղական մարմինների գործողություններ, դրանք հիմնականում իրականացվում են իրավիճակային ձևով՝ առանց միասնական ծրագրային մոտեցման։

Այս պայմաններում անհրաժեշտ է հաստատել պետական մակարդակով համապարփակ «Պատմամշակութային հուշարձանների և մշակութային արժեքների հետաղետային վերականգնման ծրագիր», որը կծառայի որպես համակարգող փաստաթուղթ՝ սահմանելով կանխարգելիչ, արտակարգ և վերականգնողական գործողությունների հստակ փուլեր և սկզբունքներ:

3․ Կարգավորման նպատակը և բնույթը.

«Պատմամշակութային հուշարձանների և մշակութային արժեքների հետաղետային վերականգնման ծրագիրը հաստատելու մասին» Հայաստանի Հանրապետության կառավարության որոշման ընդունման նպատակը պատմամշակութային հուշարձանների և մշակութային արժեքների նկատմամբ աղետների ազդեցության նվազեցումն է, դրանց վնասման դեպքում՝ օպերատիվ արձագանքման, վնասների գնահատման, վերականգնման և պահպանման գործընթացների համակարգված կազմակերպումը։

   4․ Նախագծի մշակման գործընթացում ներգրավված ինստիտուտները և ան­ձինք.

Իրավական ակտի նախագիծը մշակել են Հայաստանի Հանրա­պե­տության կրթության, գիտության, մշակույթի և սպորտի նախարարության մասնագետները:

5․ Իրավական ակտի կիրարկման դեպքում ակնկալվող արդյունքը

«Պատմամշակութային հուշարձանների և մշակութային արժեքների հետաղետային վերականգնման ծրագիրը հաստատելու մասին» Հայաստանի Հանրապետության կառավարության որոշման ընդունումը կապահովի   պատմամշակութային հուշարձանների և մշակութային արժեքների հետաղետային վերականգնման միասնական պետական քաղաքականության ձևավորումը և իրականացումը,  աղետների և հետաղետային ընթացքում արձագանքման և վերականգնման գործողությունների կազմակերպման համար իրավական, կազմակերպական և մեթոդական հիմքերի ստեղծումը, պատմամշակութային հուշարձանների և մշակութային արժեքների վնասների գնահատման, փաստաթղթավորման և հետաղետային վերականգնման աշխատանքների համակարգումը:

6․ Իրավական ակտի ընդունման կապակցությամբ պետական կամ տեղական ինքնակառավարման մարմնի բյուջեում եկամուտների և ծախսերի ավելացման կամ նվազեցման անհրաժեշտություն

Հայաստանի Հանրապետության կառավարության որոշման ընդունման կապակցությամբ Հայաստանի Հանրապետության պետական կամ տեղական ինքնակառավարման մարմնի բյուջեում եկամուտների և ծախսերի ավելացում կամ նվազեցում չի առաջանում:

7․ Իրավական ակտի ընդունման կապակցությամբ այլ նորմատիվ իրավական ակտերի ընդունման անհրաժեշտություն

1. Այլ իրավական ակտերում փոփոխությունների և/կամ լրացումների անհրաժեշտությունը.

Չի առաջացնում:

2. Միջազգային պայմանագրերով ստանձնած պարտավորությունների հետ համա­պա­տասխանությունը.

Համապատասխանում է: 

8․ «Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ».

Որոշման նախագիծը մշակվել է հիմք ընդունելով ՀՀ կառավարության 2021 թ. օգոստոսի 18-ի N 1363-Ա որոշմամբ հաստատված ՀՀ կառավարության 2021-2026 թվականների ծրագրի 4-րդ գլխի 4.9 բաժնում ամրագրված մշակութային ժառանգության ոլորտում պետական քաղաքականության հիմնական ուղղությունները, մասնավորապես՝ «հայկական պատմամշակութային ժառանգության (նյութական և ոչ նյութական) պահպանության, ուսումնասիրման, օգտագործման և հանրայնացման շարունակականության ապահովում», «իրավական դաշտի կատարելագործում», «մշակութային ժառանգության վերականգնման մասնագիտական դպրոցի կայացում» կետերը:

9․ Այլ տեղեկություններ.

Չկան: