ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 «____» «__________ » 2025 թվականի N _____-Ն

        ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ հոդվածի 1-ին և 3-րդ մասերը՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2009 թվականի հուլիսի 9-ի «Հայաստանի հանրապետությունում կրթական ծրագրերի և նախադպրոցական ծառայությանիրականացման լիցենզավորման կարգերը, լիցենզիայի ձևերը հաստատելու և Հայաստանի Հանրապետության կառավարության 2000 թվականի հուլիսի 7-ի N 372 որոշման մեջ փոփոխություն կատարելու մասին» N 808-Ն որոշման՝

1) N1 Հավելվածի 5.3-րդ, N3 Հավելվածի 5.2-րդ, N5 Հավելվածի 5.2-րդ, N7 Հավելվածի 5.2-րդ, N11 Հավելվածի 5.2-րդ, N11.2 Հավելվածի 6-րդ, N13 Հավելվածի 5.2-րդ, N13.2 Հավելվածի 6-րդ, N17 Հավելվածի 7-րդ, N19 Հավելվածի 7-րդ կետերում «լիցենզավորող մարմին» բառերը փոխարինել «կրթության բնագավառում վերահսկողություն իրականացնող տեսչական մարմին» բառերով:

2) N1 Հավելվածի 10-րդ, N3 Հավելվածի 10-րդ, N5 Հավելվածի 10-րդ կետում, N7 Հավելվածի 10-րդ, N11 Հավելվածի 10-րդ, N11.2 Հավելվածի 16-րդ, N13 Հավելվածի 10-րդ, N13.2 Հավելվածի 16-րդ, N17 Հավելվածի 12-րդ, N19 Հավելվածի 12-րդ կետերում «ներկայացնում է նախարարություն» բառերից հետո լրացնել «, իսկ կրթության բնագավառում վերահսկողություն իրականացնող տեսչական մարմնի կարգադրագիրը կատարելու մասով՝ վերջինիս» բառերը:

3) N1 Հավելվածի 3-րդ, N3 Հավելվածի 3-րդ, N5 Հավելվածի 3-րդ, N7 Հավելվածի 3-րդ, N11 Հավելվածի 3-րդ, N11.2 Հավելվածի 3-րդ, N13 Հավելվածի 3-րդ, N13.2 Հավելվածի 3-րդ, N17 Հավելվածի 3-րդ, N19 Հավելվածի 3-րդ կետերը լրացնել հետևյալ բովանդակությամբ նոր նախադասությունով՝

 «Լիցենզիայի գործողությունը կասեցնելու կամ դադարեցնելու վերաբերյալ միջնորդագիրը ներկայացնում է կրթության բնագավառում վերահսկողություն իրականացնող տեսչական մարմինը։»:

2. Հայաստանի Հանրապետության կառավարության 2004 թվականի հուլիսի 1-ի «Հայաստանի Հանրապետության արհեստագործական հոսքով ավագ դպրոցներն արհեստագործական ուսումնարաններ վերանվանելու, մի շարք պետական ոչ առևտրային կազմակերպություններ վերակազմակերպելու, «Հայաստանի Հանրապետության պետական արհեստագործական ուսումնարան» պետական ոչ առևտրային կազմակերպության օրինակելի կանոնադրությունը հաստատելու և Հայաստանի Հանրապետության կառավարության 2002 թվականի հուլիսի 25-ի N 1392-Ն որոշման մեջ փոփոխություն կատարելու մասին» N 1210-Ն որոշման՝ 38-րդ կետի 17-րդ ենթակետում «լիազորված մարմին» բառերը փոխարինել «կրթության բնագավառում վերահսկողություն իրականացնող տեսչական մարմին» բառերով:

3. Սույն որոշումն ուժի մեջ է մտնում 2026 թվականի հունվարի 31-ից, բացառությամբ 1-ին կետի 2-րդ ենթակետով Հայաստանի Հանրապետության կառավարության 2009 թվականի հուլիսի 9-ի N 808-Ն որոշման N1 Հավելվածի 10-րդ, N3 Հավելվածի 10-րդ, N5 Հավելվածի 10-րդ կետում, N7 Հավելվածի 10-րդ, N11 Հավելվածի 10-րդ, N11.2 Հավելվածի 16-րդ, N13 Հավելվածի 10-րդ, N13.2 Հավելվածի 16-րդ կետրում կատարվող լրացումների, որոնք ուժի մեջ են մտնում սույն որոշման պաշտոնական հրապարակմանը հաջորդող օրվանից: