«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» 2021 ԹՎԱԿԱՆԻ ԴԵԿՏԵՄԲԵՐԻ 16-Ի ՀՕ-397-Ն ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հոդված 1. «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» 2021 թվականի դեկտեմբերի 16-ի ՀՕ-397-Ն օրենքի 2-րդ հոդվածի 3-րդ մասում․ 1) 4-րդ կետում «։» կետադրական նշանը փոխարինել «․» կետադրական նշանով:

2) լրացնել նոր 5-րդ կետ հետևյալ բովանդակությամբ․ «5) 2021 թվականի օրթոֆոտոհատակագծերում (օրթոֆոտոլուսանկարներում) արտացոլված ինքնակամ կառույցների (կիսակառույց ինքնակամ կառույցների հատվածների) դեպքում` մինչև 2026 թվականի դեկտեմբերի 31-ը:»։ Սույնով առաջարկում ենք սահմանել լրացուցիչ ժամկետ այն մասին, թե մինչև երբ կարող է կիրառվել օրենսդրական հատուկ ռեժիմ այն կառույցների նկատմամբ, որոնք օրթոֆոտոհատակագծերով արդեն իսկ տեսանելի են՝ որպես ինքնակամ կամ կիսակառույց շինություններ։ Սույն առաջարկության նպատակը՝ արձանագրել այն իրականությանը ըստ որի հանրապետությունում արդեն իսկ գոյություն ունեն մեծ թվով ինքնակամ կառույցներ, որոնք տարբեր պատճառներով չեն հաշվառվել և օրինականացվել։

Քաղաքացիները հաճախ անտեղյակ են օրենքների փոփոխություններից և ժամկետներից։ Ուստի առաջարկում ենք ներառել նաև քարոզարշավի պահանջ ՀՀ կառավարության կամ ՏԻՄ մակարդակով։