«Հայաստանի Հանրապետության հարկային օրենսգրքում փոփոխություններ կատարելու մասին» և «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություն կատարելու մասին» ՀՀ օրենքների նախագծերը

Նախագիքը ծխախոտի արտադրանքը առավելագույն մանրածախ գնից բարձր գնով օտարելու դեպքերի համար վարչական տուգանքի սահմանելու մասով բացարձակ անհիմն է։ Փաստորեն ստացվում է, որ այդ մասով նախագծի միակ հիմնավորոումն այն է, որ ծխախոտի առավելագույն մանրածախ գնից բարձր գնով ապրանքների օտարման դեպքերի համար վարչական պատասխանատվություն նախատեսված չէ:

Եթե տնտեսվարողը նպատակահարմար է գտնում նշված արտադրանքը վաճառել որոշակի գնով, և առկա են այդ գնով գնելու պատրաստ գնողներ, ապա ի՞նչ իրավաչափ նպատակ է հետապնդում տվյալ նախագիծը նախաձեռնող կողմը։

Ընդ որում, եթե օրինակ նվազագույն գնից ցածր գնով ծխախոտի արտադրանքի օտարման դեպքերի համար վարչական պատաս¬խա¬նա¬տվու¬թյուն նախատեսելու իրավաչափ նպատակը կարող էր լինել, օրինակ, մրցակցության պաշտպանությունը /գնային դեմպինգի բացառումը/ և/կամ բնակչության առողջության պահպանման նպատակով ծխախոտի արտադրանքի մատչելիության նվազեցումը, ապա այս դեպքում ստացվում է, որ պետությունը ձգտում է հակառակին, այսինքն՝ ակցիզը բարձրացնի, բայց ծխախոտային արտադրանքը հանկարծ չթանկանա այն աստիճանի, որ քաղաքացիները գերադասեն ծխելն առհասարակ թարգել)