Add to favourites

«ԱՆՀԱՏ ՁԵՌՆԱՐԿԱՏԵՐԵՐԻ ԿՈՂՄԻՑ ԱԿՏԻՎՆԵՐԻ ԵՎ ՊԱՐՏԱՎՈՐՈՒԹՅՈՒՆՆԵՐԻ ՀԱՇՎԱՌՄԱՆ ՎԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ»

ՆԱԽԱԳԻԾ

 

ՀԱՅԱՍՏԱՆԻ   ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

ՈՐՈՇՈՒՄ

 

«_____» 2023 թվականի N ____Ն

 

«ԱՆՀԱՏ ՁԵՌՆԱՐԿԱՏԵՐԵՐԻ ԿՈՂՄԻՑ ԱԿՏԻՎՆԵՐԻ ԵՎ ՊԱՐՏԱՎՈՐՈՒԹՅՈՒՆՆԵՐԻ ՀԱՇՎԱՌՄԱՆ ՎԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ»

 

 

Հիմք ընդունելով Հայաստանի Հանրապետության հարկային օրենսգրքի 15-րդ հոդվածի 9-րդ մասը՝ Հայաստանի Հանրապետության կառավարությունը որոշում է.

  1. Սահմանել անհատ ձեռնարկատերերի կողմից ակտիվների և պարտավորությունների հաշվառման վարման կարգը՝ համաձայն հավելվածի։
  2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2023 թվականի հունվարի 1-ից հետո ծագած հարաբերությունների վրա:

 

                                                                                                                             

 

                                                                                                                    Հավելված

Հայաստանի Հանրապետության կառավարության

2023 թվականի ----------------———ի N –Ն որոշման

 

Կ Ա Ր Գ

ԱՆՀԱՏ ՁԵՌՆԱՐԿԱՏԵՐԵՐԻ ԿՈՂՄԻՑ ԱԿՏԻՎՆԵՐԻ ԵՎ ՊԱՐՏԱՎՈՐՈՒԹՅՈՒՆՆԵՐԻ ՀԱՇՎԱՌՄԱՆ ՎԱՐՄԱՆ

 

1․ Սույն կարգով կարգավորվում են անհատ ձեռնարկատերերի կողմից ակտիվների և պարտավորությունների հաշվառման վարման հետ կապված հարաբերությունները։

2․ Ակտիվների և պարտավորությունների հաշվառման վարումը պարտադիր է հարկման ընդհանուր  և հատուկ համակարգերում գործող անհատ ձեռնարկատերերի համար։

3․ Ակտիվների և պարտավորությունների հաշվառումը՝ անհատ ձեռնարկատերերի կողմից ակտիվների և պարտավորությունների վիճակի ու շարժի վերաբերյալ դրամական արտահայտությամբ տեղեկատվության հավաքման, գրանցման և ընդհանրացման համակարգ է` գործառնությունների, այլ դեպքերի և իրադարձությունների համընդհանուր և փաստաթղթային հաշվառման միջոցով։

4․ Ակտիվների և պարտավորությունների հաշվառման գրանցումները կատարվում են հաշվարկային փաստաթղթերի և հաշվարկային փաստաթուղթ չհամարվող այլ փաստաթղթերի հիման վրա, որոնք արձանագրում են գործարքների և գործառնությունների կատարումը, այլ դեպքերի և իրադարձությունների տեղի ունենալը։

5․  Սույն կարգի կիրառության իմաստով ակտիվներ և պարտավորություններ են համարվում Հայաստանի Հանրապետության հարկային օրենսգրքով սահմանված ակտիվները և պարտավորությունները։

6.Ակտիվների և պարտավորությունների հաշվառումը վարվում է անալիտիկ (վերլուծական) և սինթետիկ (ընդհանրացված) հաշվառման միջոցով։

Անալիտիկ (վերլուծական) հաշվառում է համարվում առանձին միավոր ակտիվի և առանձին միավոր պարտավորության սկզբնական (հաշվեկշռային արժեքի) հաշվարկման միջոցով հաշվառման վարումը` արտացոլելով դրա հաշվարկումն ու հետագա փոփոխությունները։

Սինթետիկ (ընդհանրացված) հաշվառում է համարվում անալիտիկ (վերլուծական) հաշվառման հիման վրա ակտիվների և պարտավորությունների խմբերի ընդհանրացված հաշվառումը՝ արտացոլելով հետագա փոփոխությունները։ 

7․ Ակտիվները և պարտավորությունները հաշվառվում են  սկզբնական արժեքով, բացառությամբ Հայաստանի Հանրապետության հարկային օրենսգրքով նախատեսված վերագնահատման դեպքերի։

8․ Ակտիվների և պարտավորությունների հաշվառումը որպես անհատ ձեռնարկատիրոջ ակտիվներ և պարտավորություններ համարելու առումով հիմք է ընդունվում գործարքի կողմ որպես անհատ ձեռնարկատեր հանդես գալու հանգամանքը։

  • Discussed

    21.02.2023 - 08.03.2023

  • Type

    Decision

  • Area

    State revenue

  • Ministry

    State Revenue Committee

Send a letter to the draft author

Your suggestion will be posted on the site within 10 working days

Cancel

Views 5427

Print

Suggestions

Արմեն Ղազարյան

07.03.2023

Ա/Ձ-ների ակտիվների և պարտավորությունների հաշվառմանը կարծում եմ պետք է հաջորդի նաև Հարկային օրենսգրքով Ա/Ձ համարվող ֆիզիկական անձանց «տնօրինվող եկամտի» առնչությամբ համապատասխան կարգավորումների սահմանումը, որով Ա/Ձ-ների ձեռնարկատիրական եկամուտն, ըստ էության, կտարանջատվի արդեն որպես ֆիզիկական անձ նրա ստացած անձնական եկամտից: Տնօրինվող եկամտի սահմանումը կարևորվում է, եթե պետության քաղաքականությունը միտված է նաև հարկման հատուկ համակարգերում գործող Ա/Ձ-ների տնօրինվող եկամտի (արդեն որպես ֆիզիկական անձ) հարկմանը՝ շահաբաժիններից հարկման մոտեցման տրամաբանությամբ: Դրանով հավասար և արդարացի պայմաններ կապահովվի հարկման հատուկ համակարգերում գործող Ա/Ձ հանդիսացող ֆիզիկական անձանց ստացած եկամուտների և նույն համակարգում գործող կազմակերպություններից ֆիզիկական անձանց շահաբաժինների տեսքով ստացված եկամուտների հարկման միջև: Տնօրինվող եկամտի առնչությամբ կարգավորումները պակաս կարևոր չեն, երբ հարցը դիտարկում ենք նաև որպես ֆիզիկական անձ տարեկան եկամուտների համատարած հայտարարագրման համատեքստում:

Վաղինակ Անդրեասյան

27.02.2023

Վաղուց ժամանակն է վերացնել նաև դրամարկղային գործառնությունների իրականացման առնչությամբ հարկման հատուկ համակարգերում գործող ԱՁ-ների համար սահմանված բացառությունները: Այսպիսի ԱՁ-ները շատ հաճախ ավելի մեծ շրջանառություն են ունենում, քան որոշ կազմակերպություններ: Ես կարծում եմ, որ պետք է հավասար դաշտ լինի՝ և փաստաթղթավորման, և պարտավորությունների հաշվառման առումով: Այլ խնդիր է, որ պատշաճ հսկողություն է անհրաժեշտ, որպեսզի օրենքի այս կետը և կազմակերպությունների, և ԱՁ-ների մասով կիրառվի:

Հերմինե Դերձյան

27.02.2023

Հարկման նպատակով ակտիվների և պարտավորությունների հաշվառումը կարող է նաև հիմք ծառայել բանկերից և այլ ֆինանսական կազմակերպություններից վարկերի հեշտ ներգրավման համար՝ ԱՁ-ների վարկունակույունը հիմնավորելու նպատակով:

See more