8 - Agree
1 - Disagree
ՀԻՄՆԱՎՈՐՈՒՄ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀԱԿԱՆ ԵՎ ԱՇԽԱՏԱՆՔԻ ՏԵՍՉԱԿԱՆ ՄԱՐՄՆԻ ԿՈՂՄԻՑ ԻՐԱԿԱՆԱՑՎՈՂ ՌԻՍԿԻ ՎՐԱ ՀԻՄՆՎԱԾ ՍՏՈՒԳՈՒՄՆԵՐԻ ՄԵԹՈԴԱԲԱՆՈՒԹՅՈՒՆԸ ԵՎ ՌԻՍԿԱՅՆՈՒԹՅՈՒՆԸ ՈՐՈՇՈՂ ՉԱՓԱՆԻՇՆԵՐԻ ԸՆԴՀԱՆՈՒՐ ՆԿԱՐԱԳԻՐԸ ՀԱՍՏԱՏԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2012 ԹՎԱԿԱՆԻ ԱՊՐԻԼԻ 19-Ի N 522-Ն ԵՎ 2012 ԹՎԱԿԱՆԻ ՆՈՅԵՄԲԵՐԻ 22-Ի N 1486-Ն ՈՐՈՇՈՒՄՆԵՐՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ՄԱՍԻՆ
«Հայաստանի Հանրապետության առողջապահական և աշխատանքի տեսչական մարմնի կողմից իրականացվող ռիսկի վրա հիմնված ստուգումների մեթոդաբանությունը և ռիսկայնությունը որոշող չափանիշների ընդհանուր նկարագիրը հաստատելու, Հայաստանի Հանրապետության կառավարության 2012 թվականի ապրիլի 19-ի N 522-Ն և 2012 թվականի նոյեմբերի 22-ի N 1486-Ն որոշումներն ուժը կորցրած ճանաչելու մասին» ՀՀ կառավարության որոշման նախագծի ընդունումը պայմանավորված է ՀՀ վարչապետի 2018 թվականի հունիսի 11-ի N 755-Լ որոշմամբ ստեղծված Հայաստանի Հանրապետության առողջապահական և աշխատանքի տեսչական մարմնի բնականոն գործունեության ապահովելու անհրաժեշտությամբ։ Նախագծի ընդունումը պայմանավորված է նաև «Հայաստանի Հանրապետությունում ստուգումների կազմակերպմնան և անցկացման մասին» ՀՀ օրենքի 2.1-րդ հոդվածի 2-րդ մասով սահմանված պահանջով, որի համաձայն՝ ստուգումները պլանավորելու նպատակով ստուգում իրականացնող մարմինը` հետազոտելով իր վերահսկման ոլորտը, մշակում է տվյալ ոլորտում տնտեսավարող սուբյեկտների գործունեության ռիսկայնության աստիճանը որոշող չափանիշները։ Ռիսկի վրա հիմնված ստուգումների մեթոդաբանությունը և ռիսկայնությունը որոշող չափանիշների ընդհանուր նկարագիրը հաստատում է ՀՀ կառավարությունը։
Ներկայում, «Պետական կառավարման համակարգի մարմինների մասին» Հայաստանի Հանրապետության օրենքի հիման վրա ստեղծվել են այդ օրենքի 4-րդ հոդվածի 2-րդ մասով նախատեսված տեսչական մարմինները, որոնք ՀՀ կառավարությանը ենթակա մարմիններ են, իսկ «Տեսչական մարմինների մասին» ՀՀ օրենքի համաձայն` հանդիսանում են ստուգում իրականացնող մարմիններ: Դրանց թվում է նաև Հայաստանի Հանրապետության առողջապահական և աշխատանքի տեսչական մարմինը:
Հայաստանի Հանրապետության առողջապահական և աշխատանքի տեսչական մարմնի կողմից օրենքով նախատեսված իր լիազորություններն իրականացնելու համար անհրաժեշտ է ապահովել տեսչական մարմնի գործունեության նորմատիվ իրավական հիմքը, այն է` ընդունել ստուգումների անցկացումը կարգավորող ենթաօրենսդրական ակտեր:
Նախագծի ընդունման նպատակն է հաստատել Հայաստանի Հանրապետության առողջապահական և աշխատանքի տեսչական մարմնի ռիսկի վրա հիմնված ստուգումների մեթոդաբանությունը՝ վերջինիս գործունեությունը համապատասխանեցնելով «Հայաստանի Հանրապետությունում ստուգումների կազմակերպմնան և անցկացման մասին» ՀՀ օրենքի պահանջներին, դրանով իսկ ապահովելով տեսչական մարմնի բնականոն գործունեությունը։
Նախագիծը մշակվել է Հայաստանի Հանրապետության վարչապետի աշխատակազմի տեսչական մարմինների աշխատանքների համակարգման գրասենյակի և Հայաստանի Հանրապետության առողջապահական և աշխատանքի տեսչական մարմնի կողմից:
Օրենսդրորեն կարգավորված գործառույթների իրականացում՝ «Հայաստանի Հանրապետությունում ստուգումների կազմակերպմնան և անցկացման մասին» ՀՀ օրենքի պահանջներին համապատասխանեցում և բնականոն գործունեության ապահովում:
Discussed
10.07.2019 - 26.07.2019
Type
Decision
Area
Inspection system
Ministry
Office of the Prime Minister
Views 7153
Print11.07.2019
Այս տեսքով նախագծի ընդունումն անընդունելի է, արհամարված է Աշխատանքային հարաբերությունների տեսանկյունից գնահատվող օբյեկտի (գործատուի) ռիսկը, ոչ մի անդրադարձ չկա այդ հարցերին, միայն առաողջապահական մասերով են, հետևաբար պետք է պահպանվի 22 նոյեմբերի 2012 թվականի N 1486-Ն որոշումը՝ փոխելով միայն դրա կիրարկողկամ կիրառող մարմինը,