ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՕԳՈՍՏՈՍԻ 15-Ի N 1301-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Համաձայն եմ 01.04.2026-ի առաջին առաջարկին

ՀԱՄԱՁԱՅՆ ԵՄ ԱՐԱՅԻԿ ՍԱՀԱԿՅԱՆԻ ՄԻԱՅՆ 01․04․2026 ԹՎԱԿԱՆԻՆ ՏՊԱԳՐՎԱԾ ԱՌԱՋԱՐԿԻ ՀԵՏ։

ԱՌԱՋԱՐԿ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՕԳՈՍՏՈՍԻ 15-Ի N 1301-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ ԻՐԱՎԱԿԱՆ ԱԿՏԻ ՆԱԽԱԳԾԻ ՎԵՐԱԲԵՐՅԱԼ

Հայաստանի Հանրապետության կառավարության 2002 թվականի օգոստոսի 15-ի «Հայաստանի Հանրապետության առողջապահության նախարարության պետական առողջապահական գործակալության կանոնադրությունը և կառուցվածքը հաստատելու մասին» N 1301-Ն որոշումն ուժը կորցրած ճանաչելու մասին ներկայացրած իրավական ակտի վերնագիրը ճշգրտման կարիք ունի (տեքստում գրված է Հայաստանի Հանրապետության որոշում)

Իրավական ակտի նախագծում տեղ գտած Առողջության ապահովման պետական հիմնադրամ հասկացությունը անհասկանալի ձևակերպում է, եթե այն Առողջության համընդհանուր ապահովագրության հիմնադրամին է փոխարինում արդյոք սա նշանակում է նահանջ համընդհանուր ապահովագրության գաղափարից։

Իրավական ակտի նախագծի 2-րդ կետը՝ որոշումն ուժի մեջ մտնելու առումով, հստակեցման կարիք ունի համապատասխանեցնելու իրավական ակտերի մասին ՀՀ օրենքի 23-րդ հոդվածի պահանջներին։

Իրավական ակտի նախագծի 2-րդ կետում հղում է կատարվել Հայաստանի Հանրապետության առողջապահության նախարարության պետական առողջապահական գործակալության գործունեության դադարեցման աշխատանքները կազմակերպող հանձնաժողովին, մինչդեռ այդ հանձնաժողովի ստեղծման մասին որևէ իրավական փաստաթուղթ հայտնի չէ, իսկ հանձնաժողովի ստեղծման և գործունեության վերաբերյալ օրենսդրական հիմքերի ձևավորման պահանջը նախատեսված է Հայաստանի Հանրապետության կառավարության 25 դեկտեմբերի 2025 թվականի N 1953-Ա Առողջության համընդհանուր ապահովագրության հիմնադրամը ստեղծելու և դրա կանոնադրությունը հաստատելու մասին որոշման 9-րդ կետի, 3) ենթակետով՝ փոփոխություն կատարել՝ նախատեսելով ներգրավել Հայաստանի Հանրապետության առողջապահության նախարարության պետական առողջապահական գործակալության գործունեության դադարեցման աշխատանքները կազմակերպող հանձնաժողով ստեղծելու և Առողջության համընդհանուր ապահովագրության հիմնադրամի հետ հանձնման-ընդունման աշխատանքներ իրականացնելու մասին դրույթներ:

Իրավական ակտի նախագծի հիմնավորման բաժնի 1-ին կետում նույնպես նշվում է Հայաստանի Հանրապետության առողջապահության նախարարության պետական առողջապահական գործակալության գործունեության դադարեցման աշխատանքները կազմակերպող հանձնաժողով ստեղծելու անհրաժեշտության մասին, ինչը մեր կարծիքով պետք էր միաժամանակ ներկայացվեր «Հայաստանի Հանրապետության վարչապետի 2018 թվականի հունիսի 11-ի N 728-Լ որոշման մեջ փոփոխություններ կատարելու մասին» որոշուման նախագծով, որպեսզի հնարավոր լիներ սահմանել հստակ ժամկետներ հանձնման–ընդունման աշխատանքների իրականացման համար։

Իրավական ակտի նախագծի հիմնավորման բաժնի 2-րդ կետով առաջարկվում է դադարեցնել Հայաստանի Հանրապետության առողջապահության նախարարության պետական առողջապահական գործակալության գործունեությունը, ինչը հակասում է նույն նախագծի 4-րդ կետի դրույթներին՝ Առողջության համընդհանուր ապահովագրության հիմնադրամի ստեղծման գործընթացի սահուն իրականացմանը, ինպես նաև առողջապահության նախարարության առանձին գործառույթների անխափան իրականացմանը, քանի որ պետական առողջապահական գործակալության 19 հոգանոց անձնակազմը ներկայում իրականացնում է Հայաստանի Հանրապետության կառավարության 25 դեկտեմբերի 2025 թվականի N 1974-Ն որոշման 1-ին կետի 14 ենթակետերով սահմանված բնակչության խմբերի բուժսպասարկումը։

Իրավական ակտի նախագծի հիմնավորման 5-րդ կետում տեղ են գտել անհասկանալի ձևակերպումներ ՊԱԳ-ում մնացած՝ թվով 19 հոգանոց անձնակազմի հետագայի վերաբերյալ՝ մասնավորապես կարճաժամկետ ռեզերվում գտնվողների վարձատրության, առողջապահության նախարարությանը տրամադրվող 6 նոր հաստիքների վերաբերյալ ոչ հստակ դրույթներ, այն դեպքում որ առողջության համընդհանուր ապահովագրության հիմնադրամի անձնակազմը դեռևս ամբողջությամբ համալրված չէ։

Անհասկանալի է նաև, թե ինչ չափանիշների կամ ում սուբյեկտիվ կամարտահայտության հիման վրա են ՊԱԳ-ի որոշակի թվով աշխատակիցներ տեղափոխվել առողջության համընդհանուր ապահովագրության հիմնադրամ, իսկ մնացած մասը ոչ, կամ ասենք ինչպես է, որ շուրջ 20 տարվա վերահսկողական ծառայությունների անբասիր աշխատանքային փորձ ունեցող, առավել դժվար և պատասխանատու ստուգումների մեջ մշտապես ներգրավված, գիտությունների թեկնածու աշխատողը /ի դեպ ՊԱԳ-ի միակ գիտությունների թեկնածուն/ առողջության համընդհանուր ապահովագրության հիմնադրամ անգամ որպես սովորական մասնագետ տեղափոխվելու առաջարկ չի ստացել։