«Հայաստանի Հանրապետության կառավարության 2015 թվականի դեկտեմբերի 3-ի N 1457-Ն որոշման մեջ փոփոխություններ և լրացումներ կատարելու մասին» Կառավարության որոշման նախագիծ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

____ __________ 2026 թվականի N _______- Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2015 ԹՎԱԿԱՆԻ ԴԵԿՏԵՄԲԵՐԻ 3-Ի N 1457-Ն ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածների 1-ին մասերով` Հայաստանի Հանրապետության Կառավարությունը ո ր ո շ ու մ  է.

1. Հայաստանի Հանրապետության կառավարության 2015 թվականի դեկտեմբերի 3-ի «Հայաստանի Հանրապետության պաշտպանության նախարարութ­յան, Ազգային անվտանգության ծառայության և պետական պահպանության ծառայութ­յան համակարգերի զինծառայողների, փրկարարական ծառայողների իրային ապահո­վութ­յան կարգը (չափաքանակները) սահմանելու մասին» N 1457-Ն որոշման N 1 հավել­վա­ծում կատարել հետևյալ փոփոխությունները և լրացումները`

            1)  N 2 չափաքանակի՝

            ա. աղյուսակի 23.1-ին կետի «Քանակը» սյունակում «2 հատ» բառերը փոխա­րինել «1 հատ» բառերով, իսկ «Օգտագործման ժամկետը» սյունակում «2 տարի» բա­ռերը փոխարինել «1 տարի» բառերով,

բ. աղյուսակին հաջորդող 4-րդ կետում «զորամիավորումների վարչությունների, զորակոչային և զորահավաքային համալրման ծառայության և տարածքային ստորա­բա­ժա­նումների,» բառերը փոխարինել «հանրապետական զինվորական կոմիսարիատի և զինվորական կոմիսարիատների» բառերով,

գ. աղյուսակին հաջորդող 6-րդ կետի 13-րդ ենթակետը շարադրել հետևյալ բո­վանդակությամբ.

          2) N 4 չափաքանակի՝

          ա. աղյուսակի 11-րդ կետի «Անվանումը» սյունակում «Բաճկոն» բառից հետո լրացնել «կարճաթև» բառը, իսկ «Օգտագործման ժամկետը» սյունակում «3 տարի» բառերը փոխարինել «2 տարի» բառերով,

          բ. աղյուսակի 21-րդ կետը շարադրել հետևյալ բովանդակությամբ.

«

          »,

գ. աղյուսակին հաջորդող 5-րդ կետում «զորակոչային և զորահավաքային հա­մալրման ծառայության և տարածքային ստորաբաժանումների,» բառերը փոխարինել «հանրապետական զինվորական կոմիսարիատի և զինվորական կոմիսարիատների» բառերով.

          3) N 7 չափաքանակը շարադրել հետևյալ խմբագրությամբ՝

«ՉԱՓԱՔԱՆԱԿ N 7

ՀՀ ԶԻՆՎԱԾ ՈՒԺԵՐԻ ՊԱՐՏԱԴԻՐ ԺԱՄԿԵՏԱՅԻՆ ԶԻՆԾԱՌԱՅՈՂՆԵՐԻՆ ԻՐԱՅԻՆ ՈՒՆԵՑՎԱԾՔՈՎ ԱՊԱՀՈՎՄԱՆ

          1. Տոնական գլխարկի, կոստյումի, երկարաթև վերնա­շապիկի, փողկապի և խրո­մե կարճաճիտք կոշիկի փոխարեն թույլատրվում է հատկացնել 1 լրակազմ դաշտային կոստյում և 1 զույգ ճտքավոր կոշիկ` 18 ամիս օգտագործման ժամկետով:

          2. Ծովի մակարդակից 2500 մ և ավելի բարձր վայրերում (տեղերում) մարտական հերթապահ­ութ­յուն իրականացնող զինծառայողներին և հետախուզական ստորա­բա­ժա­նում­ների անձնակազմերին տաք են­­թա­սաղավարտի փոխարեն հատկացվում է գլխարկ-դիմակ:

          3. Առաջին շարակազմի զորամասերի` հակառակորդի հետ անմիջական շփման գծում մարտական հեր­թապահություն իրականացնող հրաձգային (մոտոհրաձգային) վաշտերի զինծառա­յող­ներին համազ­գեստ, կոշկեղեն և գուլպաներ հատկացվում են հետևյալ ժամկետներով`

4. Ծովի մակարդակից 2500 մ և ավելի բարձր վայրերում (տեղերում) մարտական հեր­թա­պահութ­յուն իրականացնող զինծառայողներին 1 լրակազմ ձմեռային դաշտային կոստյումը հատ­կացվում է 9 ամիս օգ­տա­գործման ժամկետով:

          5. Ներդրվող բաճկոնով ձմեռային դաշտային կոստյումի հատկացման դեպքում օգտագործման ժամկետը սահմանվում է. 1 լրակազմը` 18 ամիս, իսկ երեք տարի ծա­ռայող զինծառայողների համար` 1 լրակազմը` 3 տարի: Ներդրվող բաճկոնով ձմեռային դաշտային կոստյումի հատկացման դեպքում սե­զոնային անթև բաճկոն չի հատկաց­վում:

          6. Տաք գուլպաների փոխարեն թույլատրվում է հատ­կացնել գուլպաներ:

          7. Թույլատրվում է տաք ներքնաշորերի փոխարեն` հատկացնել ներքնաշոր:

          8. Բաղնիքի սրբիչ հատկացվում է լողանալու օրերին:

          9. Նշված իրային ունեցվածքը երեք տարի ծառայող զինծառայողներին հատ­կաց­վում է 3 տարի օգտա­գործման ժամկետով:

          10. Երեք տարի ծառայող զինծառայողներին ձմեռային դաշտային գլխարկ և կոստյում հատկաց­վում են 18 ամիս օգտագործման ժամկետով:

          11. Ենթաօձիք հատկացվում է շաբաթական 1 հատ հաշվարկով:

          12. Սեզոնային անթև բաճկոն հատկացվում է միայն հետախուզական, հատուկ նշանակության ստորաբաժանումների և առաջին շարակազմի զորամասերի` հակառա­կորդի հետ անմիջական շփման գծում մարտական հերթապահություն իրականացնող հրաձգային (մոտոհրաձգային) վաշտերի զինծառա­յող­ներին:

          13. Շապիկներն ու կիսավարտիքները նորակոչիկներին հատկացվում են 2-ական առաջին ամսվա համար, իսկ դրանից հետո մեկական յուրաքանչյուր ամսվա համար:

          14. Սրբիչը նորակոչիկներին հատ­կացվում է 2-ական առաջին 6 ամսվա համար, իսկ դրանից հետո 1-ական յուրա­քանչյուր 6 ամսվա համար, ոտքի սրբիչները հատ­կաց­վում են զորամասերում՝ առկա օգտա­գործված սրբիչներից:».

          4) N 15 չափաքանակը շարադրել հետևյալ խմբագրությամբ՝

«ՉԱՓԱՔԱՆԱԿ N 15

 ՎԱՐԺԱԿԱՆ ՀԱՎԱՔՆԵՐԻ ԿԱՆՉՎԱԾ ԶԻՆԱՊԱՐՏՆԵՐԻՆ ԵՎ ՏԵՂԱԿԱՆ ՊԱՇՏՊԱՆՈՒԹՅԱՆ ՈՒԺԵՐԻ ԱՆՁՆԱԿԱԶՄԻՆ ԻՐԱՅԻՆ ՈՒՆԵՑՎԱԾՔՈՎ ԱՊԱՀՈՎՄԱՆ

1. Իրային ունեցվածքի օգտագործման ժամկետները նշված են առա­ջին կարգի իրային ունեցվածքի տրամադրման և հետագա փաստացի օգտագործման հաշվարկով: Թույլատրվում է չա­փա­քանակով սահ­մանված իրային ունեցվածքը շարքային և կրտսեր ենթասպայական կազմի զինապարտներին ու տեղական պաշտպանության ուժերի անձ­նակազ­մին հատ­կացնել զորամասում առկա, վար­ժական հավաքների համար նա­խատեսված երկրորդ կարգի իրա­յին ունեցվածքից: Վարժական հավաք­ների կանչված սպաներին և ենթասպաներին տրվում է առա­ջին կարգի իրային ունեցվածք:

2. Ձմեռային դաշտային գլխարկը, ձմեռային դաշտային կոստյումը, տաք գուլ­պաները, տաք ներք­նաշորը, տաք ձեռնոցները հատկացվում են միայն ձմեռային սե­զոնին:

3. Իրային ունեցվածքը վարժական հավաքների կանչված զինապարտներից ու տեղական պաշտպանության ուժերի անձնակազմից հետ չի հա­վաք­վում և դուրս է գրվում ուղղակի ծախսով:

4. Մինչև 25 օր ժամկետով վարժական հավաքներին կանչված զինապարտ­նե­րին իրային ու­նեց­վածքը հատկացվում է 2 հատ (զույգ):

5. Վարժական հավաքների կանչված զինապարտներին հատ­կացվող իրային միջոցները (Կոստյում` դաշտային կեպիով (գլխարկով), կոստյում՝ դաշտային, ձմեռային, գլխարկ` (կեպի) ձմեռային, դաշտային, կոշիկ՝ ճտքավոր, գոտի՝ տաբատի և գոտի լայն) հավաքների ավարտից հետո թողնվում են մասնակիցների մոտ՝ հաշվի առնելով հե­տագայում նրանց կրկին վարժական հավաքների ընդգրկելու հանգամանքը: Սույն կե­տում նշված իրային միջոցների համար սահմանվում է 6 ամիս (գումարային հաշ­վարկով) փաստացի կրման կամ 2 տարի պահ­պանման ժամկետ, որի վերաբերյալ, ինչ­պես նաև վարժական հավաքի կանչված զինապարտի կողմից համապատասխան իրա­յին միջոցները պահեստազորում պատշաճ չպահպանելու կամ հետագայում վարժական հավաքների ներ­գրավվելիս առանց դրանց ներկայանալու դեպքում իրային միջոցների գումարային ար­ժեքը զինապարտից պահվելու մասին համապատասխան զորամասի հրամանատարի կողմից գրավոր տեղեկաց­վում է զինապարտներին:

6. Սույն բացատրական մասի 5-րդ կետում սահմանված գործընթացն ապահո­վելու նպատակով վար­ժական հավաքներ անցկացնող զորամասի կողմից վարժական հավաքների կանչված զինապարտների ու տեղական պաշտպանության ուժերի անձնա­կազ­մի զին­գրքույկ­ների հատուկ նշումներ բաժնում կատարվում են համապա­տասխան իրային միջոցներ հատկացնելու և հատկացման ժամկետի վերաբերյալ գրառումներ՝ վավերացնելով զորամասի կնիքով:»:

          7. Տեղական պաշտպանության ուժերի անձնակազմին հատկացվում են միայն նշված իրային ունեցվածքը:

          5) N 27 չափաքանակի՝

          ա. վերնագիրը շարադրել հետևյալ բովանդակությամբ.

«ԶԻՆՎԱԾ ՈՒԺԵՐԻ ԶԻՆԾԱՌԱՅՈՂՆԵՐԻՆ, ՌԱԶՄԱՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆԵՐԻ ԿՈՒՐՍԱՆՏՆԵՐԻՆ, ՎԱՐԺԱԿԱՆ ՀԱՎԱՔՆԵՐԻ ԿԱՆՉՎԱԾ ԶԻՆԱՊԱՐՏՆԵՐԻՆ, ՏԵՂԱԿԱՆ ՊԱՇՏՊԱՆՈՒԹՅԱՆ ՈՒԺԵՐԻ ԱՆՁՆԱԿԱԶՄԻՆ ԵՎ ՌԱԶՄԱԲԺՇԿԱԿԱՆ ՀԱՍՏԱՏՈՒԹՅՈՒՆՆԵՐԻՆ ՄԵԿ ՀԱՍՏԻՔԱՅԻՆ ՄԱՀՃԱԿԱԼԻ ՀԱՄԱՐ ՏՐՎՈՂ ՕՃԱՌԻ, ԿՈՇԻԿԻ ՔՍՈՒՔԻ ԵՎ ԶՈՒԳԱՐԱՆԻ ԹՂԹԻ ԱՊԱՀՈՎՄԱՆ»,

          բ. աղյուսակի 5-րդ սյունակում «զինապարտներ» բառից հետո լրացնել «, տեղա­կան պաշտպանության ուժերի անձնակազմ» բառերը,

          գ. աղյուսակի 2-րդ կետից հետո լրացնել նոր 3-րդ կետ՝ հետևյալ բովանդա­կությամբ.

«

»,

դ. աղյուսակին հաջորդող 2-րդ կետում «քսուքի» բառից հետո լրացնել «և զուգա­րանի թղթի» բառերը, իսկ 5-րդ կետում «օճառը և կոշիկի քսուքը» բառերը փո­խարինել «օճառ, զուգարանի թուղթ և կոշիկի քսուք» բառերով,

ե. աղյուսակին հաջորդող 6-րդ կետից հետո լրացնել նոր 7-րդ կետ՝ հետևյալ բովանդակությամբ.

          «7. Տեղական պաշտպանության ուժերի անձնա­կազմին հատ­կացվում է 130 գրամ օճառ և 1 հատ զուգա­րանի թուղթ, որը նախա­տեսված է մեկ ամսվա համար, սակայն հատ­­կացումն իրականացվում է միայն մարտական հերթապահությունում գտնվելու օրերի հաշվարկով:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

               ՎԱՐՉԱՊԵՏ                                                                      Ն. ՓԱՇԻՆՅԱՆ

    2026 թ. ____________ ____

                         Երևան