«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՏԱՐԱԾՔԱՅԻՆ ԲԱԺԱՆՄԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ ԵՎ «ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հանդիսանալով Լոռի Բերդ համայնքի բնակիչ, կարծում եմ, որ ներկա փուլում առավել արդյունավետ կլինի անփոփոխ թողնել համայնքի վարչատարածքային կառուցվածքը։ Նոր վարչատարածքային փոփոխությունը այս փուլում կխոչնդոտի ընթացքի մեջ գտնվող կամ մոտ ապագայում նախատեսվող ծրագրերի իրականացմանը։

Ես, որպես ՀՀ Լոռու մարզի Լեջան բնակավայրի բնակիչ, հանդիսանում եմ համայնքների միավորման առաջարկվող ծրագրի դեմ և իմ անհամաձայնությունն եմ հայտնում ներկայացված օրինագծի վերաբերյալ։

Գտնում եմ, որ մեր համայնքը պետք է պահպանվի որպես առանձին և ինքնուրույն վարչական միավոր։ Մենք ունենք արդեն իսկ մշակված բիզնես ծրագրեր, զարգացման ռազմավարություն և հստակ պատկերացում, թե ինչ քայլեր ենք պատրաստվում իրականացնել մեր համայնքի սոցիալ-տնտեսական բարելավման համար։

Համայնքների միավորումը տվյալ փուլում չի բխում մեր բնակավայրի շահերից, քանի որ կարող է խաթարել տեղական ինքնակառավարման արդյունավետությունը, նվազեցնել մեր ձայնը որոշումների կայացման գործընթացում և դանդաղեցնել այն նախաձեռնությունները, որոնք մենք արդեն սկսել ենք իրականացնել։

Խնդրում եմ հաշվի առնել Լեջան բնակավայրի բնակիչների կարծիքը և թողնել մեր համայնքը ինքնուրույն, հնարավորություն տալով մեզ շարունակել զարգացնել այն մեր ուժերով և մեր ծրագրերով։

Խոշորացված համայնքներում բնակչությունը մեծ է, և Լոռի Բերդը կարող է ունենալ շատ փոքր ներկայացվածություն ավագանիում։

Սա նշանակում է․

Լոռի Բերդի ձայնը կմնա երկրորդական,

որոշումների մեծ մասը կընդունվի՝ առանց տեղական կարիքները հաշվի առնելու։