02.12.2025
Առաջարկում եմ որոշման նախագծի 6-րդ կետի 1-ին ենթակետը և 7-րդ կետի 3-րդ ենթակետը «գիտատեխնոլոգիական» բառից հետո լրացնել «և այլ» բառերով, որպեսզի չսահմանափակվի Կազմակերպությունների իրենց մասնագիտացմանը համապատասխան հետազոտությունների իրականացմամբ ինչպես գործունեության նպատակները, այնպես էլ հնարավոր ձեռնարկատիրական գործունեության շրջանակները:
Միաժամանակ, որոշման նախագծի 7-րդ կետն առաջարկում եմ լրացնել հետևյալ բովանադակությամբ 6-րդ ենթակետով՝
«6) իր մասնագիտացմանը համապատասխան հետազոտությունների բնագավառներում ծառայությունների մատուցում:» բառերով, որը, ի լրումն որոշման նախագծով արդեն իսկ նշված ձեռնարկատիրական գործունեության տեսակների, կնպաստի Կազմակերպությունների մասնագիտացմանը համապատասխան հնարավորությունների շրջանակներում տարբեր ուղղություններով ծառայությունների մատուցմամբ ձեռնարկատիրական գործունեության արդյունքում ֆինանսական մուտքերի ապահովմանը՝ օժանդակելով Կազմակերպությունների ֆինանասական կայունությանն ու կանոնադրական նպատակների առավել արդյունավետ իրականացմանը:
