ՀԻՄՆԱՎՈՐՈՒՄ
«ԵՐԱԺՇՏԱԿԱՆ, ԱՐՎԵՍՏԻ, ԳԵՂԱՐՎԵՍՏԻ ԵՎ ՊԱՐԱՐՎԵՍՏԻ ԴՊՐՈՑՆԵՐԻ ԸՆԴՈՒՆԵԼՈՒԹՅԱՆ
ԿԱԶՄԱԿԵՐՊՄԱՆ ԵՎ ԱՎԱՐՏԱԿԱՆ ՔՆՆՈՒԹՅՈՒՆՆԵՐԻ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ
ՀՐԱՄԱՆԻ ՆԱԽԱԳԾԻ
1. Իրավական ակտի ընդունման անհրաժեշտությունը (նպատակը).
«Երաժշտական, արվեստի, գեղարվեստի և պարարվեստի դպրոցների ընդունելության կազմակերպման և ավարտական
քննությունների անցկացման կարգը հաստատելու մասին» Հայաստանի Հանրապետության կրթության, գիտության, մշակույթի
և սպորտի նախարարի հրամանի նախագծի ընդունումը պայմանավորված է «Կրթության մասին» օրենքի 37-րդ հոդվածի 3.5-
րդ կետով։
Հրամանի նախագծի ընդունման նպատակն է սահմանել երաժշտական, արվեստի, գեղարվեստի և պարարվեստի դպրոցներում
սովորողների ընդունելության, ինչպես նաև ավարտական քննությունների կազմակերպման և անցկացման միասնական
մոտեցումներ ու հստակ կարգավորում, ինչը կնպաստի տվյալ ոլորտի կրթական գործընթացների արդյունավետության
բարձրացմանը և իրավական հստակության ապահովմանը։
2. Ընթացիկ իրավիճակը և խնդիրները.
Ներկայումս երաժշտական, արվեստի, գեղարվեստի և պարարվեստի դպրոցներում (Այսուհետ՝ դպրոց) ընդունելության
կազմակերպման և ավարտական քննությունների անցկացման գործընթացները հստակ սահմանված չեն միացյալ նորմատիվ
իրավական ակտով։ Գործող կարգավորումները մասնակի են, որոշ դեպքերում՝ տարբերակված ըստ դպրոցների, ինչը
բարդացնում է ընդունելության և քննությունների միասնական մոտեցումների ապահովումը։
Միևնույն ժամանակ, կրթության ոլորտում տեղի ունեցող բարեփոխումները, ինչպես նաև «Կրթության մասին» օրենքում
կատարված փոփոխությունները պահանջում են համապատասխանեցում ենթաօրենսդրական ակտերի մակարդակով՝
ապահովելու համար իրավական հստակություն, թափանցիկություն և գործընթացների կանխատեսելիություն։
Ներկայիս իրավիճակում բացակայում են նաև միասնական պահանջներ ընդունելության քննությունների ձևերի, գնահատման
չափանիշների և ավարտական քննությունների կազմակերպման սկզբունքների վերաբերյալ, ինչը հանգեցնում է տարբեր
կրթական հաստատություններում կիրառվող մոտեցումների անհամաչափության և գնահատման սուբյեկտիվության ռիսկերի։
Այսպիսով, անհրաժեշտ է մշակել և հաստատել կարգ, որը կհաստատի ընդհանուր կանոններ և ընթացակարգեր՝ ապահովելով
ոլորտի իրավական հստակությունը և կրթական գործընթացների արդյունավետությունը։
3. Առկա խնդիրների առաջարկվող լուծումները.
Առկա խնդիրների լուծման նպատակով առաջարկվում է մշակել և ընդունել «Երաժշտական, արվեստի, գեղարվեստի և
պարարվեստի դպրոցների ընդունելության կազմակերպման և ավարտական քննությունների անցկացման կարգը հաստատելու
մասին» ՀՀ կրթության, գիտության, մշակույթի և սպորտի նախարարի հրամանը։ Առաջարկվող կարգի ընդունումը
հնարավորություն կտա ստեղծել իրավական միասնական դաշտ ոլորտի բոլոր հաստատությունների համար, ապահովել
կրթական գործընթացների կազմակերպման կանխատեսելիություն և վերահսկելիություն, ինչպես նաև կնպաստի արվեստի
կրթության որակի բարձրացմանը և կառավարման արդյունավետության աճին։
4. Կարգավորման առարկան
Նախագծի ընդունմամբ կկարգավորվեն Հայաստանի Հանրապետության երաժշտական, արվեստի, գեղարվեստի և
պարարվեստի դպրոցների՝ նախագծով նախատեսվող գործընթացները:
5. Միջոցառման իրականացումից ակնկալվող արդյունքը.
«Երաժշտական, արվեստի, գեղարվեստի և պարարվեստի դպրոցների ընդունելության կազմակերպման և ավարտական
քննությունների անցկացման կարգը հաստատելու մասին» ՀՀ կրթության, գիտության, մշակույթի և սպորտի նախարարի
հրամանի ընդունման արդյունքում ակնկալվում է ապահովել դպրոցներում ընդունելության ու ավարտական քննությունների
կազմակերպման իրավական հստակ և միասնական կարգավորում, վերացնել ոլորտում առկա տարբերակված և
չկարգավորված մոտեցումները, ապահովել ընդունելության և քննությունների թափանցիկ, արդար և հավասար պայմաններ
բոլոր մասնակիցների համար, նպաստել մշակութային կրթության համակարգի կառավարման արդյունավետության և
կրթական ծառայությունների որակի բարձրացմանը:
Արդյունքում ձևավորվելու է իրավական և կազմակերպական միասնական դաշտ, որը կնպաստի մշակութային կրթության
շարունակական զարգացմանը և կրթական գործընթացների որակի բարելավմանը։
6. Իրավական ակտի մշակման գործընթացում ներգրավված մարմիններ՝
ՀՀ կրթության, գիտության, մշակույթի և սպորտի նախարարություն
«Երաժշտական, արվեստի, գեղարվեստի և պարարվեստի դպրոցների ընդունելության կազմակերպման և ավարտական
քննությունների անցկացման կարգը հաստատելու մասին» Հայաստանի Հանրապետության կրթության, գիտության, մշակույթի
և սպորտի նախարարի հրամանի նախագծի պետական բյուջեի ծախսերի ավելացում կամ եկամուտների նվազեցում չի
նախատեսում:
