«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ՀՈՒԼԻՍԻ 25-Ի N 796-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Այլընտրանքային աշխատանքային ծառայության վայրերի մի շարք կազմակերպություններ վերանվանվել են, 1 կազմակերպություն լուծարվել է և ստեղծվել է նորը, ինչպես նաև համապատասխան լիազոր մարմիններից ստացվել են այլընտրանքային աշխատանքային ծառայության վայրերի ցուցակում նոր վայրեր ընդգրկելու կամ ցանկից կազմակերպությունը հանելու վերաբերալ առաջարկություններ:ՀՀ կառավարության 2025թ. փետրվարի 20-ի թիվ 194-Ն որոշման համաձայն՝ որոշ կազմակերպությունների մասով տեղի է ունեցել լիազոր մարմնի փոփոխություն։ Հաշվի առնելով վերոգրյալը՝ խնդիր է առաջացել ՀՀ կառավարության 2013 թվականի հուլիսի 25-ի N 796-Ն որոշման N 1 հավելվածով սահմանված «Այլընտրանքային աշխատանքային ծառայություն անցնելու վայրերի (կազմակերպությունների), ծառայության իրականացումը կազմակերպող և վերահսկող լիազոր մարմինների» ցանկը շարադրել նոր խմբագրությամբ և ապահովել ոլորտը կարգավորող ՀՀ օրենսդրության պահանջների կատարումը։