ՄԱՐԶԻԿՆԵՐ ՆԻԿԻՏԱ ԴԻՄԻՏՐԻԵՎԻՉ ՖԵԴՈՏՈՎԻՆ ԵՎ ԺԱՆ, ՖՐԱՆՍԻՍ ԲԵՔԻՐՅԱՆԻՆ ՇԱՐՔԱՅԻՆ ԿԱԶՄԻ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅՈՒՆԻՑ ԱԶԱՏԵԼՈՒ ՄԱՍԻՆ

ՀԻՄՆԱՎՈՐՈՒՄ

  «ՄԱՐԶԻԿՆԵՐ ՆԻԿԻՏԱ ԴԻՄԻՏՐԵՎԻՉ ՖԵԴՈՏՈՎԻՆ ԵՎ ժԱՆ, ՖՐԱՆՍԻՍ ՌՈԲԵՐՏԻ ԲԵՔԻՐՅԱՆԻՆ ՇԱՐՔԱՅԻՆ ԿԱԶՄԻ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅՈՒՆԻՑ ԱԶԱՏԵԼՈՒ ՄԱՍԻՆ»  ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ  ՈՐՈՇՄԱՆ ԸՆԴՈՒՆՄԱՆ

        Ջրացատկի և գոլֆի Հայաստանի Հանրապետության հավաքականների կազմում հանդես գալու  նպատակով Հայաստանի հանրապետություն են հրավիրվել համապատասխանաբար Նիկիտա Դիմիտրեվիչ Ֆեդոտովը (ծնված` 1995 թվականի մայիսի 27-ին, զինհաշվառումը՝ ՀՀ ՊՆ ԶևԶՀ ծառայություն, քաղաքացիություն է շնորհվել  Հայաստանի Հանրապետության Նախագահի 2024 թվականի ոգոստոսի 19-ի N ՆՀ-241-Ա հրամանագրով) և Ժան, Ֆրանսիս Ռոբերտի Բեքիրյանը (ծնված` 2002 թվականի ապրիլի 28-ին, զինհաշվառումը՝ ՀՀ ՊՆ ԶևԶՀ ծառայություն, քաղաքացիություն է շնորհվել  Հայաստանի Հանրապետության Նախագահի 2024 թվականի մայիսի 15-ի N ՆՀ-143-Ա հրամանագրով):

       Նիկիտա Դիմիտրեվիչ Ֆեդոտովը և Ժան, Ֆրանսիս Ռոբերտի Բեքիրյանը հանդես են գալիս համապատասխանաբար ջրացատկի և գոլֆի Հայաստանի Հանրապետության հավաքականների կազմում, մասնակցելու  են  հավաքականների ուսումնամարզական հավաքներին  և միջազգային մրցումներին:

                Հետևաբար՝ անհրաժեշտություն է առաջացել նշված մարզիկներին ազատել  շարքային կազմի պարտադիր զինվորական ծառայությունից՝ հիմք ընդունելով Հայաստանի Հանրապետության կառավարության 2019 թվականի փետրվարի 15-ի «Քաղաքացուն բացառիկ դեպքերում պարտադիր զինվորական ծառայությունից ազատելու կարգը սահմանելու մասին» № 89-Ն որոշման հավելվածի 2-րդ կետի 2.1-ին ենթակետը:

                Նախագիծը չի բխում համապատասխան ռազմավարական փաստաթղթերից:

        «Մարզիկներ Նիկիտա Դիմիտրեվիչ Ֆեդոտովին և Ժան, Ֆրանսիս Ռոբերտի Բեքիրյանին շարքային կազմի պարտադիր զինվորական ծառայությունից ազատելու մասին» Հայաստանի Հանրապետության կառավարության որոշման ընդունմամբ Հայաստանի Հանրապետության պետական բյուջեում ծախսերի ու եկամուտների էական ավելացում կամ նվազեցում չի նախատեսվում: