Բարի գալուստ կայքի թարմացված տարբերակ
    Добавить в избранное

    ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2010 ԹՎԱԿԱՆԻ ՀՈԿՏԵՄԲԵՐԻ 14-Ի N 1507-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

    ՀԻՄՆԱՎՈՐՈՒՄ

    «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ

    ՆԱԽԱՐԱՐԻ  2010 ԹՎԱԿԱՆԻ ՀՈԿՏԵՄԲԵՐԻ 14-Ի N 1507-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ ՀՐԱՄԱՆԻ ՆԱԽԱԳԾԻ

     

     

    1. Իրավական ակտի անհրաժեշտությունը (նպատակը)

    «Հայաստանի Հանրապետության կրթության և գիտության նախարարի  2010 թվականի հոկտեմբերի 14-ի N 1507-Ն հրամանում փոփոխություններ կատարելու մասին» Հայաստանի Հանրապետության կրթության, գիտության, մշակույթի և սպորտի նախարարի հրամանի նախագծի (այսուհետ՝ նախագիծ) մշակումը բխում է էքստեռն կարգով անցկացվող քննությունների կազմակերպման և անցկացման գործընթացների հստակեցման, լրամշակման, կարգավորման, ինչպես նաև իրավակիրառ պրակտիկայում առաջացած խնդիրների լուծման անհրաժեշտությունից։

     

    1. Կարգավորման հարաբերությունների ներկա վիճակը և առկա խնդիրները, առաջարկվող լուծումները

    Նախագծով առաջարկվող փոփոխությունները վերաբերում են էքստեռն կարգով անցկացվող քննությունների գործող իրավակարգավորման մեջ առկա բացերի լրացմանն ու որոշ ձևակերպումների շտկմանը։

    Գործող իրավակարգավորմամբ էքստեռն ավարտական և պետական ավարտական քննություններն անցկացվում էին միայն 2-րդ քննաշրջանում։ Նախագծով առաջարվում է հիմնական կրթության վկայական և միջնակարգ կրթության ատեստատ ստանալու համար պետական ավարտական քննություններ կազմակերպել  նաև 1-ին և 3-րդ քննաշրջաններում, ինչը բավականին կարևոր փոփոխություն է այն դրսեկների համար, ովքեր հետագայում կրթությունը պլանավորում են շարունակել բուհերում և ընդունելության քննություններ հանձնել դեկտեմբեր կամ հունվար ամիսներին։

    Նախագծով հստակեցվում են նաև Հայաստանի Հանրապետության արդարադատության նախարարության քրեակատարողական հիմնարկներում պահվող ազատազրկման ձևով պատիժ կրող դատապարտյալների համար իրականացվող էքստեռն ավարտական և պետական ավարտական քննությունների անցկացման հետ կապված կարգավորումները։

     

    1. Իրավական ակտի կիրառման դեպքում ակնկալվող արդյունքը

    Նախագծի ընդունման արդյունքում կշտկվեն գործող իրավակարգավորման մեջ առկա անհստակությունները, էքստեռն կարգով անցկացվող քննությունների կազմակերպման, անցկացման գործընթացները կդառնան ավելի կազմակերպված, արդյունավետ։  Քննություններ հանձնող անձինք հնարավորություն կունենան ավարտական և պետական ավարտական քննություններ հանձնել նաև 1-ին և 3-րդ քննաշրջաններում՝ ստանալով համապատասխանաբար հիմնական կրթության վկայական և միջնակարգ կրթության ատեստատ։

    Արդարադատության նախարարության քրեակատարողական հիմնարկներում պահվող ազատազրկման ձևով պատիժ կրող դատապարտյալների համար էքստեռն ավարտական և պետական ավարտական քննությունները կիրականացվեն «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպության կողմից ձևավորված հանձնաժողովի կողմից։

     

    4․ Իրավական ակտի մշակման գործընթացում ներգրավված ինստիտուտները, անձինք

    ՀՀ կրթության, գիտության, մշակույթի և սպորտի նախարարություն:

     

    5․ Լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին

    Նախագծի ընդունմամբ լրացուցիչ ֆինանսական միջոցների անհրաժեշտություն և պետական բյուջեի եկամուտներում և ծախսերում փոփոխություն չի նախատեսվում:

    • Обсуждалось

      21.11.2024 - 06.12.2024

    • Тип

      Приказ решение

    • Область

      Образование и наука

    • Министерство

      Министерство образования, науки, культуры и спорта

    Отправить рекомендацию по электронной почте

    Ваше предложение будет опубликовано на сайте в течение 10 рабочих дней

    Отмена

    Просмотры 2202

    Принт

    Предложения

    Узнать больше
    Եվրոպական Միություն
    Այս կայքը ստեղծվել և թարմացվել է Եվրոպական միության ֆինանսական աջակցությամբ: Կայքի բովանդակության համար պատասխանատվություն են կրում հեղինակները, և պարտադիր չէ, որ այն արտահայտի Եվրոպական միության, ՄԱԿ-ի Զարգացման ծրագրի, ՄԱԿ-ի բնակչության հիմնադրամի, ՅՈՒՆԻՍԵՖ-ի և ԵԱՀԿ-ի տեսակետները: