ՀՀ ՎԱՐՉԱՊԵՏԻ 2008 ԹՎԱԿԱՆԻ ՓԵՏՐՎԱՐԻ 25-Ի N 98-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ ՀՀ ՎԱՐՉԱՊԵՏԻ ՈՐՈՇՄԱՆ ՆԱԾԱԳԻԾ

Իրավական ակտի հիմնավորումը

1.

Անհրաժեշտությունը

ՀՀ վարչապետի որոշման նախագծի նպատակն է հստակեցնել հաշմանդամություն ունեցող անձանց հարցերով զբաղվող ազգային հանձնաժողովի (այսուհետ՝ Հանձնաժողով) գործունեության  կազմակերպման ընթացակարգերը։

2.

Առկա իրավիճակը և խնդիրները

ՀՀ վարչապետի 2008 թվականի փետրվարի 25-ի N 98-Ն որոշման N 1 հավելվածի 10-րդ կետով սահմանված է, որ  Հանձնաժողովն իր աշխատանքներն իրականացնում է նիստերի միջոցով: Հանձնաժողովի նիստերը գումարվում են առնվազն յուրաքանչյուր 6 ամիսը մեկ անգամ, ինչպես նաև, ըստ անհրաժեշտության, հանձնաժողովի նախագահի կամ անդամների 1/3-ի նախաձեռնությամբ: Տարվա ընթացքում առնվազն յուրաքանչյուր 6 ամիսը մեկ անգամ նիստերը գումարվում են Հայաստանի Հանրապետության վարչապետի մոտ: Վերոգրյալից հետևում է, որ  տարվա ընթաքում գումարվում է առնվազն 2 նիստ և սահմանվել է իմպերատիվ պահանջ, որ այդ 2 նիստը գումարվում է ՀՀ վարչապետի մոտ։ Հարկ է նշել, որ հանձնաժողվի նիստերի ընթացքում  քննարկվում են  հաշմանդամություն ունեցող անձանց հավասար իրավունքների և հավասար հնարավորությունների ապահովման հետ կապված հարաբերությունները կարգավորող նորմատիվ իրավական ակտերի նախագծերը,  ոլորտի  զարգացումները,  որոշակի խնդիրներ,  հաշմանդամություն ունեցող անձանց հիմնահարցերի ոլորտի համալիր ծրագրի հաշվետվությունը, մոնիթորինգի զեկույցը և այլ հարցեր: Նշված հարցերը պարբերական բնույթ են կրում և անհրաժեշտ է ՀՀ վարչապետի մոտ քննարկման ներկայացնել առնվազն միջգերատեսչական և հասարակական կազմակերպությունների հետ համագործակցության շրջանակներում որոշակի քննարկումների և համաձայնեցված դիրքորոշում ձևավորելու արդյունքում։

3.

Կարգավորման նպատակը և բնույթը

Հաշվի առնելով վերոգրյալը առաջարկվում է տարվա ընթացքում 6 ամսյա պարբերականությամբ, և ըստ անհրաժեշտության, նիստերը գումարել հանձնաժողովի կազմում ներգրավված պետական մարմինների և հասարակական կազմակերպությունների մասնակցությամբ, ինչպես սահմանված է որոշմամբ, և տարվա ընթացքում 1 անգամ ՀՀ վարչապետի մոտ։

4.

Նախագծի մշակման գործընթացում ներգրավված ինստիտուտները և անձինք

ՀՀ աշխատանքի և սոցիալական հարցերի նախարարություն

5.

Ակնկալվող արդյունքը

Հանձնաժողովի նիստերի ժամանակ ընթացակարգերի և արդյունավետության բարձրացում։                        

6.

Բյուջեում եկամուտների և ծախսերի էական ավելացումը կամ նվազեցումը

     Նախագծի ընդունման կապակցությամբ պետական կամ տեղական ինքնակառավա      րման մարմնի բյուջեում  ծախսերի և եկամուտների  էական ավելացում կամ նվազեցում  չի նախատեսվում:

Նախագծի ընդունման կապակցությամբ այլ իրավական ակտերում փոփոխություններ և լրացումներ չեն նախատեսվում:

8.

Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026 թթ. ծրագիր, ոլորտային և/կամ այլ ռազմավարություններ

Սույն նախագիծը չունի որևէ կապ ռազմավարական ծրագրերի հետ։