«Հայաստանի Հանրապետության հանրային ծառայությունները կարգավորող հանձնաժողովի 2008 թվականի սեպտեմբերի 10-ի №487-Ն որոշման մեջ փոփոխություն կատարելու մասին» ՀՀ հանրային ծառայությունները կարգավորող հանձնաժողովի որոշման նախագիծ

ՀԻՄՆԱՎՈՐՈՒՄ

«Հայաստանի Հանրապետության հանրային ծառայությունները կարգավորող հանձնաժողովի 2008 թվականի սեպտեմբերի 10-ի №487-Ն որոշման մեջ փոփոխություն կատարելու մասին» ՀՀ հանրային ծառայությունները կարգավորող հանձնաժողովի որոշման նախագծի վերաբերյալ

1. Ընթացիկ իրավիճակը և իրավական ակտի ընդունման անհրաժեշտությունը

ՀՀ հանրային ծառայությունները կարգավորող հանձնաժողովի 2008 թվականի սեպտեմբերի 10-ի №487-Ն որոշմամբ հաստատված են մրցութային դիմումների միջոցով տրամադրվող ռադիոհաճախականությունների ցանկը:

ՀՀ հաճախականությունների բաշխումների աղյուսակում կատարված փոփոխության համաձայն՝ 2300-2400ՄՀց ռադիոհաճախականությունների շերտն առանձնացվել է կառավարական նշանակության օգտագործման համար նախատեսված ռադիոհաճախականությունների շերտերից և հանձնվել ՀՀ հանրային ծառայությունները կարգավորող հանձնաժողովի տնօրինմանը։

Հանձնաժողովի կողմից 703-733ՄՀց և 758-788ՄՀց, 791-801ՄՀց և 832-842ՄՀց,
1780-1785ՄՀց և 1875-1880ՄՀց ռադիոհաճախականությունների հատվածների օգտա-գործման թույլտվությունների տրամադրման մրցույթների իրականացման արդյունքում ներկայում ազատ են 703-713ՄՀց/758-768ՄՀց ռադիոհաճախականությունների հատվածները։

Բացի այդ, «ՅՈՒՔՈՄ» ՓԲԸ-ի դիմումի համաձայն՝ հանձնաժողովի 2023 թվականի մարտի 7-ի №74-Ա որոշմամբ ընկերությանը Հայաստանի Հանրապետության տարածքում անլար հասանելիության շարժական լայնաշերտ կապի ցանցի կազմակերպման համար տրամադրված ռադիոհաճախականությունների ցանկից հանվել են նաև 2540-2560ՄՀց և 2660-2680ՄՀց ռադիոհաճախականությունների հատվածները, որոնք ևս ներկայում ազատ են։

Հաշվի առնելով վերը նշվածը՝ անհրաժեշտություն է առաջացել լրամշակել մրցութային դիմումների միջոցով տրամադրվող ռադիոհաճախականությունների ցանկը։

2. Առաջարկվող կարգավորման բնույթը

Նախագծով առաջարկվում է լրամշակել մրցութային դիմումների միջոցով տրամադրվող ռադիոհաճախականությունների ցանկը՝ դրանում ներառելով մրցութային հիմունքներով տրամադրման ենթակա ռադիոհաճախականությունների ամբողջական ցանկը՝ անկախ դրանց ազատ լինելու կամ ներկայումս ռադիոհաճախականությունների օգտագործման թույլտվություն ունեցող անձանց կողմից օգտագործման հանգամանքից։

3. Նախագծի մշակման գործընթացում ներգրավված ինստիտուտները և ան­ձինք

Նախագիծը մշակել է ՀՀ հանրային ծառայությունները կարգավորող հանձնաժողովը՝ քննարկելով այն ՀՀ բարձր տեխնոլոգիական արդյունաբերության նախարարության հետ:

4. Ակնկալվող արդյունքը

    Նախագծի ընդունումը կնպաստի սահմանափակ ռեսուրսների՝ ռադիոհաճախականու-թյունների տիրույթի արդյունավետ կառավարմանը։