2 - За
10 - Против
Ներկայացվող նախագծի անհրաժեշտությոնը պայմանավորված է Ազգային ժողովի կողմից 2022 թվականի դեկտեմբերի 7-ին ««Պետական կենսաթոշակների մասին» օրենքում փոփոխություններ և լրացումներ կատարելու մասին» ՀՕ-504-Ն և ««Պետական նպաստների մասին» Հայաստանի Հանրապետության օրենքում փոփոխություններ և լրացումներ կատարելու մասին» ՀՕ-503-Ն օրենքների ընդունմամբ։
««Պետական կենսաթոշակների մասին» օրենքում փոփոխություններ և լրացումներ կատարելու մասին» և ««Պետական նպաստների մասին» Հայաստանի Հանրապետության օրենքում փոփոխություններ և լրացումներ կատարելու մասին» օրենքներով, որպես կենսաթոշակը (խնամքի նպաստը) անկանխիկ եղանակով վճարող կազմակերպություն, Ազգային օպերատորի վերաբերյալ կարգավորումները ուժը կորցրած ճանաչվեցին։
Համաձայն ներկայացված նախագծի՝ առաջարկվում է, որ 2023 թվականի հունվարի 31-ի դրությամբ Ազգային օպերատորի միջոցով կենսաթոշակն (խնամքի նպաստը) անկանխիկ եղանակով վճարող բանկի ընտրությունը ծրագրային մոդուլի միջոցով կատարի Միասնական սոցիալական ծառայությունը։
Նախագծով առաջարկվում է սահմանել նաև, որ ծրագրային մոդուլի միջոցով ընտրությունը կատարվելու է պատահականության սկզբունքով՝ հաշվի առնելով այդ ամսվա կենսաթոշակի (խնամքի նպաստի) վճարման ցուցակում ներառման ենթակա՝ տվյալ բնակավայրում անկանխիկ եղանակով կենսաթոշակ (խնամքի նպաստ) ստացող անձանց թվի համամասնություններն ըստ վճարող կազմակերպությունների (բանկերի)։
Обсуждалось
12.01.2023 - 27.01.2023
Тип
Pешение
Область
Социальное обеспечение
Министерство
Министерство труда и социальных вопросов
Просмотры 2116
Принт12.01.2023
իՆՉՈՒ՞ ԵՔ ԲԱՐԴԱՑՆՈՒՄ ԹՈՇԱԿԱՌՈՒՆԵՐԻ ՈՒ ՆՊԱՍՏԱՌՈՒՆԵՐԻ ԿՅԱՆՔԸ: Յուրաքանչյուր թոշակառու, կամ նպաստառու իր գումարը ստանալու համար առաջարկված բանկերի ցանկից հնարավորություն ունի ընտրել առավել հարմար բանկը մշտական սպասարկում ստանալու ակնկալիքով: Առաջարկվող փոփոխության մեջ ոտնահարվում են շահառուների շահերը, ինչն անընդունելի է:
12.01.2023
Առաջարկում եմ բացառությունների մեջ 75 տարեկաը լրացած, 1-ին ու 2-րդ խմբի հաշմանդամություն ունեցող անձանցից բացի նաև 3-րդ խմբի հաշմանդամություն ունեցող անձանց ներառել։