Добавить в избранное

ԿՐԹՈՒԹՅԱՆ ԵՎ ԳԻՏՈՒԹՅԱՆ ԲՆԱԳԱՎԱՌՆԵՐՈՒՄ ՆՇԱՆԱԿԱԼԻ ՆՎԱՃՈՒՄՆԵՐ ՈՒՆԵՑՈՂ ՔԱՂԱՔԱՑԻՆԵՐԻՆ ՇԱՐՔԱՅԻՆ ԿԱԶՄԻ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅԱՆ 2021 ԹՎԱԿԱՆԻ ՁՄԵՌԱՅԻՆ ԶՈՐԱԿՈՉԻՑ ՏԱՐԿԵՏՈՒՄ ՏԱԼՈՒ ՄԱՍԻՆ

  • 7 - За

  • 2 - Против

ՀԻՄՆԱՎՈՐՈՒՄ

«ԿՐԹՈՒԹՅԱՆ ԵՎ ԳԻՏՈՒԹՅԱՆ ԲՆԱԳԱՎԱՌՆԵՐՈՒՄ ՆՇԱՆԱԿԱԼԻ ՆՎԱՃՈՒՄՆԵՐ ՈՒՆԵՑՈՂ ՔԱՂԱՔԱՑԻՆԵՐԻՆ ՇԱՐՔԱՅԻՆ ԿԱԶՄԻ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅԱՆ 2020 ԹՎԱԿԱՆԻ ՁՄԵՌԱՅԻՆ ԶՈՐԱԿՈՉԻՑ ՏԱՐԿԵՏՈՒՄ ՏԱԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

 

Անհրաժեշտությունը

«Կրթության և գիտության բնագավառներում նշանակալի նվաճումներ ունեցող քաղաքացիներին շարքային կազմի պարտադիր զինվորական ծառայության 2021 թվականի ձմեռային զորակոչից տարկետում տալու մասին» ՀՀ կառավարության որոշման նախագծի ընդունման անհրաժեշտությունը պայմանավորված է գիտության և կրթության բնագավառներում նշանակալի նվաճումներ ունեցող քաղաքացիների կրթության անըհդհատականությունը և շարունակականությունը ապահովելու նպատակով:

Ընթացիկ իրավիճակը և կարգավորման նպատակը

ՀՀ կառավարության 2018 թվականի ապրիլի 12-ի N 451-Ն որոշման հավելվածով հաստատված գիտության և կրթության բնագավառներում նշանակալի նվաճումներ ունեցող քաղաքացիներին պարտադիր զինվորական ծառայության զորակոչից տարկետում տալու կարգի և պայմանների (այսուհետ՝ կարգ) համաձայն քաղաքացուն օրենքով սահմանված պարտադիր զինվորական ծառայության զորակոչից տարկետում տրվում է ՀՀ կառավարության որոշմամբ՝ Կրթության, գիտության, մշակույթի և սպորտի նախարարի հրամանով ստեղծված հանձնաժողովի՝ կարգի համաձայն կայացրած եզրակացությունը հաշվի առնելով:

Պարտադիր զինվորական ծառայության զորակոչից կարող են տարկետում ստանալ կարգով սահմանված նշանակալի նվաճումներ ունեցող քաղաքացիները:

Կարգի 7-րդ,8-րդ, 9-րդ և 9.1-ին կետերի համաձայն՝ բակալավրի (դիպլոմավորված մասնագետի, ինտեգրացված) կրթական ծրագրով սովորող (կամ տվյալ ուսումնական տարվա շրջանակներում դիմորդ հանդիսացող) քաղաքացիների նշանակալի նվաճումներ են համարվում ՝

1) քաղաքացու ստացած մրցանակները (ոսկե կամ արծաթե կամ բրոնզե մեդալներ) դպրոցականների՝ կարգով սահմանված առարկայական միջազգային օլիմպիադաներում՝

2) քաղաքացու կողմից հայոց լեզու կամ հայ գրականություն կամ հայ ժողովրդի պատմություն առարկաներից դպրոցականների հանրապետական օլիմպիադաներում 1-ին տեղը գրաված լինելու հանգամանքը:

Մագիստրատուրայի և ասպիրանտուրայի կրթական ծրագրերով սովորող (կամ դիմորդ հանդիսացող) քաղաքացիների նշանակալի նվաճումները գնահատվում են՝ հաշվի առնելով քաղաքացիների տվյալ մասնագիտության գծով միջազգային գիտատեղեկատվական շտեմարաններերում, ինչպես նաև բարձրագույն որակավորման կոմիտեի ցանկում ընդգրկված ամսագրերում հրապարակված գիտական հոդվածների, գիտաժողովների զեկույցների, ստացած գիտակրթական մրցանակների և ուսումնառության շրջանակներում միջին որակական գնահատականի՝ ՄՈԳ-ի առավելագույն արժեքի առնվազն 80 տոկոսը:

Մագիստրատուրայի և ասպիրանտուրայի կրթական ծրագրերով սահմանված նշանակալի նվաճումները հանձնաժողովի կողմից հաշվարկվում են բալային միավորների համակարգով՝ առավելագույնը 80 բալային միավորի սահմանաչափով, նշանակալի նվաճումների ցուցանիշների հաշվարկման մեթոդաբանության հիման վրա՝ համաձայն ձևի: Մագիստրոսի կրթական ծրագրի շրջանակներում տարկետման իրավունքի հավակնություն են ձեռք բերում առնվազն 49, իսկ ասպիրանտական կրթական ծրագրի շրջանակներում՝ առնվազն 51 բալային միավոր հավաքած քաղաքացիները:

Նշանակալի նվաճում է համարվում քաղաքացու՝ աշխարհի լավագույն բարձրագույն ուսումնական հաստատությունների ակադեմիական վարկանիշավորման http://www.shanghairanking.com/ կայքի տվյալ տարվա ցանկերի առաջին հինգ տասնյակում ընդգրկված հաստատություններում բակալավրի (դիպլոմավորված մասնագետի, ինտեգրացված), մագիստրատուրայի, ասպիրանտուրայի և այլ կրթական ծրագրերով առկա ուսուցմամբ սովորելու կամ դիմորդ հանդիսանալու հանգամանքը` կրթաթոշակի առնվազն 70 տոկոսի վերաբերյալ փաստաթղթերի առկայությամբ, բացառությամբ՝ անվճար կրթական ծրագրեր իրականացնող բարձրագույն ուսումնական հաստատությունների:

Կարգի համաձայն գիտության և կրթության բնագավառներում նշանակալի նվաճումներ ունեցող քաղաքացուն ՀՀ կառավարության որոշմամբ տարկետում տրվում է համապատասխան կրթական ծրագրով ուսումնառության ժամկետով՝ սակայն ոչ ավելի, քան մինչև քաղաքացու 26 տարին լրանալու օրը:

Ակնկալվող արդյունքը

«Կրթության և գիտության բնագավառներում նշանակալի նվաճումներ ունեցող քաղաքացիներին շարքային կազմի պարտադիր զինվորական ծառայության 2021 թվականի ձմեռային զորակոչից տարկետում տալու մասին» ՀՀ կառավարության որոշման ընդունմամբ կապահովվի նվաճումներ ունեցող քաղաքացիների կրթության անըհդհատականությունը և շարունակականությունը:

Նախագծի մշակման գործընթացում ներգրավված ինստիտուտները և անձինք.

ՀՀ կրթության, գիտության, մշակույթի և սպորտի նախարարություն:

 

«Կրթության և գիտության բնագավառներում նշանակալի նվաճումներ ունեցող քաղաքացիներին շարքային կազմի պարտադիր զինվորական ծառայության 2020 թվականի ձմեռային զորակոչից տարկետում տալու մասին» Հայաստանի Հանրապետության կառավարության որոշման ընդունման կապակցությամբ Հայաստանի Հանրապետության պետական բյուջեում ծախսերի ու եկամուտների ավելացում կամ նվազեցում չի նախատեսվում:

Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026 թ.թ. ծրագիր, ոլորտային և/կամ այլ ռազմավարություններ:

Նախագիծը չի բխում համապատասխան ռազմավարական փաստաթղթերից:

 

 

 

 

  • Обсуждалось

    01.12.2021 - 17.12.2021

  • Тип

    Pешение

  • Область

    Образование и наука

  • Министерство

    Министерство образования, науки, культуры и спорта

Отправить письмо автору проекта

Ваше предложение будет опубликовано на сайте в течение 10 рабочих дней

Отмена

Просмотры 4419

Принт

Предложения

Նվեր Սաղաթելյան

13.12.2021

Անվանացանկում նշված կետ 5-ի 2-րդ մասում «Ջոն Հոփքինս համալսարան» անվանումը փոխարինել «Ջոնս Հոփքինս համալսարան» անվանումով։

Ruben Abelyan

03.12.2021

Առաջարկում եմ նախագծում կատարել հետևյալ խմբագրական սխալների ողղումներ՝ 1) «Բնակության վայրը» բառերը որոշման նախագծի 4-րդ կետում, Ալեքսանդր Աբելյանի մոտ փոխարինել – «հաշվառման հասցե» բառերով, քանի որ ամբողջ նախագծում օգտագործվում է «հաշվառման հասցե», նույնիսկ նախագծի N 1 հավելվածի 3-րդ կետի 2-րդ ենթակետով նույն Ալեքսանդր Աբելյան-ի մոտ արդեն նշված է «հաշվառման հասցե»։ 2) Նույն տեղում(նախագծի 4-րդ կետում) հղումը սխալ է նշված՝ «սույն որոշման N 1 հավելվածի 1-ին կետի 2-րդ ենթակետով» - փոխարինել «սույն որոշման N 1 հավելվածի 3-րդ կետի 2-րդ ենթակետով»: 3) Համարակալման սխալներ՝ Կետերի համարակալումը որոշ տեղեր սխալ է (N 1 հավելվածում 4,5,6 կետերի փոխարեն նշված է – «1․»։ Ենթակետերի համարակալումը որոշ տեղեր բացակայում է։ Առաջարկում եմ կամ հանել ենթակետերի համարակալումը և համապատասխան հղումները իրենց վրա (նախկին նույնատիպ նախագծերում այդպես էր և հղումները միայն ենթակետում նշված անձանց անուններով էին) կամ համարակալել բոլոր ենթակետերը։

Ruben Abelyan

02.12.2021

Որոշակի խմբագրական սխալներ եմ հայտնաբերել նախագծում, խնդրում եմ ստուգել և շտկել։ 1) «Բնակության վայրը» բառերը որոշման նախագծի 4-րդ կետում, Ալեքսանդր Աբելյանի մոտ փոխարինել – «հաշվառման հասցե» բառերով, քանի որ ամբողջ նախագծում օգտագործվում է «հաշվառման հասցե», նույնիսկ նախագծի N 1 հավելվածի 3-րդ կետի 2-րդ ենթակետով նույն Ալեքսանդր Աբելյան-ի մոտ արդեն նշված է «հաշվառման հասցե»։ 2) Նույն տեղում(նախագծի 4-րդ կետում) հղումը սխալ է նշված՝ «սույն որոշման N 1 հավելվածի 1-ին կետի 2-րդ ենթակետով» - փոխարինել «սույն որոշման N 1 հավելվածի 3-րդ կետի 2-րդ ենթակետով»: 3) Համարակալման սխալներ՝ Կետերի համարակալումը որոշ տեղեր սխալ է (N 1 հավելվածում 4,5,6 կետերի փոխարեն նշված է – «1․»։ Ենթակետերի համարակալումը որոշ տեղեր բացակայում է։ Առաջարկում եմ կամ հանել ենթակետերի համարակալումը և համապատասխան հղումները իրենց վրա (նախկին նույնատիպ նախագծերում այդպես էր և հղումները միայն ենթակետում նշված անձանց անուններով էին) կամ համարակալել բոլոր ենթակետերը։

Узнать больше