Добавить в избранное

В стадии разработки

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՆՈՅԵՄԲԵՐԻ 5-Ի № 1282-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

 

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ

ՆՈՅԵՄԲԵՐԻ 5-Ի № 1282-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ

ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ

 

 

      Հիմք ընդունելով Հայաստանի Հանրապետության Վարչապետի պաշտոնակատարի  2021 թվականի հուլիսի 15-ի N 02/11/23733-2021 և 2021 թվականի հունիսի 28-ի N 02/11.3/21226-2021 հանձնարարականները (օլիմպիական խաղերում բարձր ցուցանիշների հասած մարզիկներին տրամադրվող դրամական վճարումները կարգավորող իրավական ակտերը վերանայելու վերաբերյալ  առաջարկություն)՝ վերանայվում է Հայաստանի Հանրապետության կառավարության 2015 թվականի  նոյեմբերի 5-ի № 1282-Ն որոշումը, որի համաձայն  օլիմպիական խաղերում մրցանակակիր դարձած մարզիկները, նրանց մարզիչները և բժիշկները տարեվերջյան միանվագ պարգևատրում են ստանում:

Օլիմպիական խաղերում մրցանակակիր դարձած մարզիկներին, նրանց մարզիչներին և բժիշկներին տարեվերջյան միանվագ պարգևատրում տրամադրելու մասին Հայաստանի Հանրապետության կառավարության № 462 որոշումն ընդունված է եղել դեռևս  2001 թվականին (մայիսի 29-ին): Նախկինում ընդունված նորմատիվ ակտը (Հայաստանի Հանրապետության կառավարության № 462 որոշում) ուժը կորցրած է ճանաչվել, ընդունվել է Հայաստանի Հանրապետության կառավարության 2015 թվականի նոյեմբերի 5-ի № 1282-Ն որոշումը, իսկ  օլիմպիական խաղերի պարգևատրման գումարների չափը չի ավելացել: Նմանատիպ փոփոխությունը հնարավորություն կտա լուծելու ծրագրի շրջանակում ընդգրկված շահառուների  սոցիալական վիճակի բարելավման խնդիրը և որոշակիորեն լուծելու Հայաստանի Հանրապետության հավաքական թիմերի մարզիկների, նրանց անձնական և հավաքական թիմերի մարզիչների   և բժիշկների առօրյա խնդիրները՝ վերջիններիս համար դառնալով  բարձր նվաճումների խթան:

  2016 թվականի Ռիե դե Ժանեյրոյի օլիմպիական  խաղերում   ձեռք է բերվել  4 մեդալ. հունա-հռոմեական ըմբշամարտից Արթուր Ալեքսանյանը նվաճել է օլիմպիական խաղերի չեմպիոնի կոչումը, Միհրան Հարությունյանը  նվաճել է  արծաթե մեդալ,   իսկ  ծանրամարտ մարզաձևից  արծաթե մեդալներ են նվաճել  Սիմոն Մարտիրոսյանը և Գոռ Մինասյանը:   2020 թվականի Տոկիոյի օլիմպիական խաղերում (անցկացվել են 2021 թվականին) Հայաստանի Հանրապետության մարզիկները ձեռք են բերել 4 մեդալ. հունա-հռոմեական ըմբշամարտ մարզաձևից Արթուր Ալեքսանյանը նվաճել է արծաթե մեդալ, ծանրամարտ մարզաձևից Սիմոն Մարտիրոսյանը նվաճել է արծաթե մեդալ, բռնցքամարտ մարզաձևից Հովհաննես Բաչկովը նվաճել է բրոնզե մեդալ, սպորտային մարմնամարզություն մարզաձևից Արթուր Դավթյանը նվաճել է բրոնզե մեդալ:

 Նախագծով առաջարկվում է Հայաստանի Հանրապետության կառավարության 2015 թվականի նոյեմբերի 5-ի № 1282-Ն որոշման  (նախկինում Հայաստանի Հանրապետության կառավարության 2001 թվականի մայիսի 29-ի «Oլիմպիական, պարալիմպիկ, սուրդլիմպիկ խաղերում և աշխարհի ու Եվրոպայի առաջնություններում առավել բարձր ցուցանիշների հասած մարզիկներին, մարզիչներին, բժիշկներին և մարզական կազմակերպություններին դրամական մրցանակներ շնորհելու մասին» № 462 որոշում) մեջ օլիմպիական խաղերում մրցանակակիր դարձած մարզիկների, նրանց անձնական և հավաքական թիմերի մարզիչների   և բժիշկների  պարգևատրման գումարների ավելացում:

Անհրաժեշտություն է դարձել օլիմպիական խաղերում բարձր ցուցանիշների հասած մարզիկների, նրանց անձնական և հավաքական թիմերի մարզիչների  և բժիշկների    պարգևատրման գումարների ավելացումը՝ մարզիկներին, մարզիչներին և բժիշկներին առավել մոտիվացնելու համար: Պարգևատրման գումարների ցածր լինելը խոչընդոտ է  սպորտի զարգացման համար:

Տվյալ բնագավառում իրականացվող քաղաքականության փոփոխություն չկա: Ֆիզիկական կուլտուրայի և սպորտի ոլորտներում իրականացվող պետական քաղաքականությունը ուղղված է մարզական բարձր նվաճումների խթանմանը և խրախուսմանը:

Օլիմպիական խաղերում մրցանակակիր դարձած մարզիկների պարգևատրումն ուղղված է ֆիզիկական կուլտուրայի և սպորտի ոլորտում Հայաստանի Հանրապետության պետական քաղաքականության իրականացմանը, սպորտի մասսայականացմանը, ֆիզիկական կուլտուրայի և սպորտի դերի բարձրացմանը, բնակչության առողջ ապրելակերպի ամրապնդմանը: Պարգևատրումները խթանում են մարզիկների մասնակցությունը լրջագույն ստուգատեսներին: Տարեվերջյան միանվագ պարգևատրման ցուցակում օլիմպիական խաղերի գումարների ավելացումը լուրջ խթան կդառնա առավել ջանասիրաբար աշխատելու և բարձր արդյունքների հասնելու համար:

Հայաստանի Հանրապետության կառավարության «Հայաստանի Հանրապետության կառավարության 2015 թվականի նոյեմբերի 5-ի № 1282-Ն որոշման մեջ փոփոխություն  կատարելու մասին» որոշման նախագիծը մշակել են Հայաստանի Հանրապետության կրթության, գիտության, մշակույթի և սպորտի  նախարարության աշխատակազմի Սպորտի քաղաքականության վարչությունը և նույն նախարարության աշխատակազմի իրավաբանական վարչության գլխավոր մասնագետ‑իրավաբանը:

Հայաստանի Հանրապետության կառավարության «Հայաստանի Հանրապետության կառավարության 2015 թվականի նոյեմբերի 5-ի № 1282-Ն որոշման մեջ փոփոխություն  կատարելու մասին» որոշման ներկայացված նախագծի ընդունմամբ հնարավոր կլինի ավելացնել օլիմպիական խաղերի հաղթողերի և մրցանակակիրների պարգևատրման գումարները: Վերոնշյալը  կնպաստի միջազգային մրցասպարեզներում բարձր արդյունքների ձեռքբերմանը  և Հայաստանի Հանրապետությունը  պատվով  ներկայացնելուն աշխարհին:

Ընդհանուր <<Միջազգային մարզական միջոցառումների հաղթողներին և մրցանակակիրներին դրամական մրցանակների հանձնում>> միջոցառման համար 2021 թվականի համար ընդամենը անհրաժեշտ է 404 480 000 դրամ (հաշվարկված են մարզիկների՝ 2021 թվականի ընթացքում մինչև օգոստոսի 11-ը ցուցաբերված արդյունքները և օգոստոսի 12-ից մինչև 2021 թվականի վերջ արդյունքների կանխատեսումները), փոփոխության արդյունքում ավելացող գումարը կազմում է 48 000 000 (քառասուն ութ միլիոն) դրամ, ընդհանուր գումարը ավելացումով՝ 452 480 000 դրամ:

«Հայաստանի Հանրապետության կառավարության 2015 թվականի նոյեմբերի 5-ի № 1282-Ն որոշման մեջ փոփոխություն կատարելու մասին» Հայաստանի Հանրապետության կառավարության որոշման ընդունմամբ հնարավոր է Հայաստանի Հանրապետության 2021 թվականի պետական բյուջեի ծախսերի ավելացում:

  • Обсуждалось

    17.08.2021 - 06.09.2021

  • Тип

    Pешение

  • Область

    Спорт и молодежь

  • Министерство

    Министерство образования, науки, культуры и спорта

Отправить письмо автору проекта

Ваше предложение будет опубликовано на сайте в течение 10 рабочих дней

Отмена

Просмотры 2046

Принт

Предложения

Սերինե Սերոբյան

26.08.2021

Հարգելի նախագծի հեղինակներ, ըստ ՀՀ կառավարության 2015 թվականի նոյեմբերի 5-ի № 1282-Ն որոշման` Պարալիմպիկ խաղերում 1-3-րդ տեղը զբաղեցրած մարզիկներին տրամադրվում է` 1-ին տեղ` 5 000 000.00 դրամ, 2-րդ տեղ` 3 500 000.00 դրամ, 3-րդ տեղ` 2 000 000.00 դրամ, Սուրդլիմպիկ խաղերի պարագայում` 1-ին տեղ` 2 000 000.00 դրամ, 2-րդ տեղ` 1 500 000.00 դրամ, 3-րդ տեղ` 1 000 000.00 դրամ: Պարալիմպիկ և սուրդլիմպիկ խաղերում մրցանակային տեղ զբաղեցրած մարզիկներին տրամադրվող գումարների տարբերությունը հսկայական է: Առաջարկում եմ խտրականություն չդնել և Սուրդլիմպիկ խաղերում 1-3-րդ տեղերը զբաղեցրած մարզիկներին ևս տրամադրել նույնքան գումար, որքան Պարալիմպիկ խաղերի դեպքում:

Узнать больше