ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՄԱՐՏԻ 10-ի N 231-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՄԱՐՏԻ 10-ի N 231-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

1. Իրավական ակտի անհրաժեշտությունը (նպատակ)

Նպատակն է հստակեցնել Հայաստանի Հանրապետությունում թվային տախոգրաֆներում օգտագործվող քարտերի ձևերը և բովանդակությունը՝ ներկայացնելով նոր խմբագրություն, որը կարտացոլի ժամանակակից պահանջները և կներառի անհրաժեշտ լրացուցիչ դաշտեր։

Նախկինում քարտերը տրամադրվել են Polska Wytwórnia Papierów Wartościowych (PWPW) ընկերության կողմից, որի հետ կնքված պայմանագրի ժամկետն ավարտվել է 2021 թվականին։ Որոշման մեջ արտացոլված էին տվյալ ընկերության կողմից տրամադրվող քարտերի ձևերը։

Մինչ այդ, 2024 թվականի օգոստոսին նախարարությունը պայմանագիր է կնքել IN Continu et Services (IN Group) կազմակերպության հետ՝ թվային տախոգրաֆ քարտերի արտադրության նպատակով։

1.1. Կարգավորման ենթակա հարաբերությունների ներկա վիճակը և առկա խնդիրները

Ներկա կարգավորումները սահմանում են քարտերի հիմնական ձևերը և բովանդակությունը, սակայն չեն արտացոլում բոլոր տեխնիկական և բովանդակային փոփոխությունները, որոնք անհրաժեշտ են տվյալների ճիշտ և միասնական ձևաչափով ներկայացման համար:

1.2. Առկա խնդիրների առաջարկվող լուծումները

Կատարել փոփոխություններ քարտերի ձևաչափի, դաշտերի դասավորվածության և բովանդակության մեջ, ինչը թույլ կտա միասնական և հստակ ներկայացնել բոլոր անհրաժեշտ տվյալները:

2. Կարգավորման առարկան

Կարգավորվում է թվային տախոգրաֆներում օգտագործվող քարտերի ձևերի և բովանդակության ներկայացման ձևաչափը, ներառյալ անձնական, տեխնիկական և կազմակերպչական դաշտերը:

3. Իրավական ակտի կիրառման դեպքում ակնկալվող արդյունքը

Հստակեցնել թվային տախոգրաֆներում օգտագործվող քարտերի ձևերը

4. Նախագծի մշակման գործընթացում ներգրավված ինստիտուտները և անձինք

ՀՀ տարածքային կառավարման և ենթակառուցվածքների նախարարություն

5. Տեղեկատվություն լրացուցիչ ֆինանսական միջոցների անհրաժեշտության և պետական բյուջեի ազդեցության մասին

Նոր խմբագրությամբ քարտերի կիրառումը չպահանջում է լրացուցիչ ֆինանսական միջոցներ: Պետական բյուջեի եկամուտներում և ծախսերում փոփոխություններ չեն նախատեսվում:

6. Կապը ռազմավարական փաստաթղթերի հետ

Ներկայացված նախաձեռնությունը համահունչ է ՀՀ վարչապետի 2019 թվականի հունիսի 1-ի N 666-Լ որոշմամբ հաստատված Համաձայնագրի կիրառման ճանապարհային քարտեզով սահմանված պարտավորություններին, մասնավորապես՝ 4-րդ բաժնի «Տրանսպորտ» 1-ին գլխի 25-րդ կետին՝ «Թվային տախոգրաֆի համակարգի կիրառության կանոնակարգում, երթևեկության անվտանգության բարձրացում», որոնք ուղղված են տրանսպորտի ոլորտում օրենսդրության և վարչարարության ներդաշնակեցմանը եվրոպական չափանիշներին։