Նախագծեր

Վերնագրում
Նախագիծը մշակող մարմին
Տեսակ
16.01.2018 31.01.2018
«Մեկ պատուհան» համակարգի միջոցով արտաքին տնտեսական գործունեության իրականացման համար անհրաժեշտ փաստաթղթերի ձևակերպումն իրականացնող Հայաստանի Հանրապետության պետական կառավարման մարմինների և այլ կազմակերպությունների ցանկը, գործառույթներն ու միասնական աշխատակարգը սահմանելու մասին» Հայաստանի Հանրապետության կառավարության որոշման նախագիծը «Մեկ պատուհան» համակարգի միջոցով արտաքին տնտեսական գործունեության իրականացման համար անհրաժեշտ փաստաթղթերի ձևակերպումն իրականացնող Հայաստանի Հանրապետության պետական կառավարման մարմինների և այլ կազմակերպությունների ցանկը, գործառույթներն ու միասնական աշխատակարգը սահմանելու մասին» ՀՀ կառավարության որոշման նախագծի (այսուհետ՝ Նախագիծ) մշակման անհրաժեշտությունը պայ­մանավորված է 2014 թվականի դեկտեմբերի 11-ի «Հայաստանի Հանրապետության պետական սահմանի անցման կետերում պետական կառավարման մարմինների կողմից կիրառվող ընթացակարգերում «Մեկ կանգառ, մեկ պատուհան» սկզբունքի ներդրմանն ուղղված` Հայաստանի Հանրապետության կառավարության միջոցառումների իրականացման 2015-2017 թվականների ծրագիրը հաստատելու մասին» թիվ 1404-Ն որոշմամբ հաստատված հավելվածի միջոցառումների ծրագրի 3.3-րդ կետում սահմանված դրույթների իրա­վա­կի­րար­կումն ապահովելու պահանջով: Նախագծի ընդունման դեպքում սահմանվում է «Մեկ պատուհան» բաղադրիչի գործարկման ընթացքում արտաքին տնտեսական գործունեության իրականացման համար անհրաժեշտ փաստաթղթերի ձևակերպումն իրականացնող Հայաստանի Հանրապետության պետական կառավարման մարմինների և համապատասխան  կազմակերպությունների ցանկը, գործառույթներն ու միասնական աշխատակարգը, տնտեսավարող սուբյեկտների համար հստակեցվում է վերոնշյալ մարմիններին դիմելու քայլերի հաջորդականությունը: Նախագծի ընդունման արդյունքում նախատեսվում է սահմանել «Մեկ պատուհան» համակարգի միջոցով արտաքին տնտեսական գործունեության իրականացման համար անհրաժեշտ փաստաթղթերի ձևակերպումն իրականացնող Հայաստանի Հանրապետության պետական կառավարման մարմինների և համապատասխան կազմակերպությունների ցանկը, գործառույթներն ու միասնական աշխատակարգը:     
1 135

Քննարկվել է 21.12.2017 - 08.01.2018

«Հայաստանի Հանրապետության կառավարության 2015 թվականի հունիսի 4-ի թիվ 592-Ն որոշման մեջ փոփոխություններ և լրացումներ կատարելու, ինչպես նաև Հայաստանի Հանրապետության կառավարության 2002 թվականի հունիսի 22-ի թիվ 844 որոշումն ուժը կորցրած ճանաչելու մասին» ՀՀ կառավարության որոշման նախագիծ Ժամանակավոր պահպանության պահեստներին ներկայացվող պահանջները սահմանված են «Մաքսային կարգավորման մասին» Հայաստանի Հանրապետության օրենքի 39-րդ հոդվածով, մաքսային պահեստներին ներկայացվող պահանջները՝ նույն օրենքի 44-րդ հոդվածով, իսկ ազատ պահեստներին ներկայացվող պահանջները՝ «Եվրասիական տնտեսական միության մաքսային օրենսգրքի մասին» 2017 թվականի ապրիլի 11-ի պայմանագրով հաստատված Եվրասիական տնտեսական միության մաքսային օրենսգրքի 421-րդ հոդվածի 4-րդ կետով: Միաժամանակ, նույն օրենքի նշված հոդվածներում մաքսային հսկողության արդյունավետության ապահովման նպատակով Հայաստանի Հանրապետության կառավարությանը, իսկ օրենսգրքի համապատասխան կետում՝  Եվրասիական տնտեսական միության անդամ պետության օրենսդրությանը իրավասություն է վերապահված սահմանելու համապատասխանաբար՝ ժամանակավոր պահպանության պահեստներին և մաքսային պահեստներին, ինչպես նաև ազատ պահեստներին ներկայացվող այլ պահանջներ: Հաշվի առնելով այն հանգամանքը, որ Հայաստանի Հանրապե­տության կառավարության 2015 թվականի հունիսի 4-ի թիվ 592-Ն որոշմամբ արդեն իսկ սահմանված են ժամանակավոր պահպանության պահեստներին ներկայացվող այլ պահանջներ, նպատակահարամր ենք համարում նշված որոշման մեջ կատարել համապատասխան լրացումներ՝ մաքսային պահեստներում և ազատ պահեստներում ապրանքների պահպանության գործունեություն իրականացնող անձանց համար համապատասխան պայմանների ապահովման և մաքսային հսկողության արդյունավետության բարձրացման նպատակով: Նախագծի ընդունման արդյունքում ակնկալվում է գործունեության համապատասխան պայմաններ ապահովել ժամանակավոր պահպանության պահեստներում, մաքսային պահեստներում և ազատ պահեստներում գործունեթյուն իրականացնող անձանց համար, ինչպես նաև ապահովել մաքսային հսկողության իրականացման արդյունավետությունը:
0 144

Քննարկվել է 21.12.2017 - 08.01.2018

«Հայաստանի Հանրապետության և Եվրասիական տնտեսական միության անդամ պետությունների միջև փոխադարձ առևտրի վիճակագրության վարման կանոններն ու փոխադրվող ապրանքների վերաբերյալ տեղեկությունների տրամադրման ձևը հաստատելու և Հայաստանի Հանրապետության կառավարության 2014 թվականի ապրիլի 23-ի N 447-Ն որոշումն ուժը կորցրած ճանաչելու մասին» ՀՀ կառավարության որոշման նախագիծ «Մաքսային կարգավորման մասին» ՀՀ օրենքի ընդունմամբ ուժը կորցրած է ճանաչվել Հայաստանի Հանրապետության մաքսային օրենսգիրքը, իսկ օրենքի 59-րդ հոդվածի 1-ին մասով սահմանվել է, որ Հայաստանի Հանրապետության արտաքին և Միության անդամ երկրների հետ փոխադարձ առևտրի, ինչպես նաև տնտեսության վիճակի վերլուծության նպատակներով մաքսային մարմինները Հայաստանի Հանրապետության կառավարության որոշմամբ սահմանված կարգով իրականացնում են Հայաստանի Հանրապետության սահմանով կամ վիճակագրական տարածքով փոխադրվող ապրանքների մասին տվյալների հավաքում և մշակում, որի կարգը սահմանում է Հայաստանի Հանրապետության կառավարությունը: Միաժամանակ, նոր նախագծի ընդունման անհրաժեշտությունը բխում է «Իրավական ակտերի մասին» ՀՀ օրենքի 70-րդ հոդվածի 6-րդ մասում ամրագրված պահանջներից, համաձայն որի` եթե իրավական ակտում կատարվում են ծավալուն փոփոխություններ կամ լրացումներ, ապա իրավական ակտը կարող է ամբողջությամբ շարադրվել նոր խմբագրությամբ: Հաշվի առնելով վերոնշյալը` նոր նախագծի ընդունմամբ ուժը կորցրած է ճանաչվում ՀՀ կառավարության 2014 թվականի ապրիլի 23-ի N 447-Ն որոշումը: Նախագծի ընդունման դեպքում կանոնակարգվում են Հայաստանի Հանրապետության սահմանով կամ վիճակագրական տարածքով փոխադրվող ապրանքների մասին տվյալների հավաքման և մշակման հետ կապված հարաբերությունները:
0 161

Քննարկվել է 20.12.2017 - 18.01.2018

«Հարկային ծառայության մասին» Հայաստանի Հանրապետության օրենքում փոփոխություններ կատարելու մասին» և «Մաքսային ծառայության մասին» Հայաստանի Հանրապետության օրենքում փոփոխություն կատարելու մասին» ՀՀ օրենքների նախագծեր Հայաստանի Հանրապետության Սահմանադրության փոփոխությունների արդյունքում ՀՀ Նախագահի, ՀՀ վարչապետի և ՀՀ կառավարության լիազորությունների շրջանակների փոփոխություններով պայմանավորված՝ անհրաժեշտություն է առաջացել համապատասխան փոփոխություններ կատարել «Հարկային ծառայության մասին» և «Մաքսային ծառայության մասին» ՀՀ օրենքներում:
0 215

Քննարկվել է 07.09.2017 - 25.09.2017

«Մաքսային հսկողության ձևերի, մաքսային հսկողության իրականացումն ապահովող միջոցների և մաքսային հսկողության ընտրողականության համակարգի կիրառման մեթոդաբանությունը հաստատելու և Հայաստանի Հանրապետության կառավարության 2001 թվականի մարտի 24-ի թիվ 236 որոշումն ուժը կորցրած ճանաչելու մասին» ՀՀ կառավարության որոշման նախագիծը Ներկայումս մաքսային վարչարարության արդյունավետության բարձրացման առումով շատ կարևոր է մաքսային ձևակերպումների վրա ծախսվող ժամանակահատվածի կրճատումը: Այդ կապակցությամբ, Հայաստանի գործարար միջավայրի բարելավման 2017 թվականի միջոցառումների ծրագրի 2.1. կետով նախատեսվել է, որ մաքսային հսկողության ձևերի ընտրողականության համակարգի, ինչպես նաև ընտրված մաքսային հսկողության մի ձևից մյուսին անցման հիմքերի (սկզբունքների) սահմանման նպատակով անհրաժեշտ է ՀՀ կառավարության քննարկմանը ներկայացնել իրավական ակտերի նախագծեր: Մյուս կողմից, արտաքին առևտրի դյուրինացման նպատակով նախատեսվում է անցում կատարել ռիսկերի թիրախավորված համակարգին, ինչը նախատեսում է «Դեղին ուղի» և «Կարմիր ուղի» մաքսային հսկողության ընթացակարգերի շրջանակներում մաքսային հսկողության գործառնություններ իրականացնել՝ ռիսկերի կառավարման համակարգի կողմից տրված կոնկրետ ցուցումներին համապատասխան, ինչը էականորեն կկրճատի փաստաթղթերի ու տվյալների ստուգման, ինչպես նաև մաքսային զննման իրականացման ժամանակահատվածը, ինչն ամրագրվել է նախագծում: Միաժամանակ, նախագծով նախատեսվող նոր՝ «Կապույտ ուղի» մաքսային հսկողության ընթացակարգը կարող է կիրառվել մաքսային հսկողության «Կանաչ ուղի», «Դեղին ուղի» կամ «Կարմիր ուղի» մաքսային հսկողության ընթացակարգերին զուգահեռ, և ենթադրում է նախաբացթողումային փուլում առկա չափորոշիչների վերլուծության արդյունքում ապրանքների բացթողումից հետո փաստաթղթերի ու տվյալների ստուգում իրականացնելու մասին որոշման ընդունում: Հաշվի առնելով «Եվրասիական տնտեսական միության մաքսային օրենսգրքի մասին» պայմանագրի ուժի մեջ մտնելու ժամկետները, նախագծում ամրագրվել է, որ այն ուժի մեջ է մտնելու վերոնշյալ իրավական ակտի՝ ուժի մեջ մտնելուն համատեղ, իսկ գործող կարգավորումները համապատասխանեցվել են  «Եվրասիական տնտեսական միության մաքսային օրենսգրքի մասին» պայմանագրին: Նախագծի ընդունման դեպքում ՀՀ մաքսային համակարգում, ի թիվս մաքսային հսկողության այլ ուղիների, կներդրվի նաև նոր` մաքսային հսկողության կապույտ ուղի, ապրանքների և տրանսպորտային միջոցների նախաբացթողումային փուլում կսկսի գործել ռիսկերի թիրախավորված կառավարումը, ինչը նպատակ ունի կրճատել նախաբացթողումային հսկողության ժամանակահատվածը և ընդլայնել ապրանքների հետբացթողումային հսկողության իրականացման շրջանակները, որ նպատակ ունի աստիճանաբար կրճատել արտաքին տնտեսական գործունեություն իրականացնող սուբյեկտների ժամանակային ու նյութական ծախսերը ապրանքների նախաբացթողումային փուլում:
0 357

Լրամշակման փուլում է

Քննարկվել է 28.07.2017 - 13.08.2017

«Հայաստանի Հանրապետության կառավարության 2015 թվականի հունիսի 4-ի թիվ 592-Ն որոշման մեջ փոփոխություններ և լրացումներ կատարելու մասին» Հայաստանի Հանրապետության կառավարության որոշման նախագիծ Նախագծով նախատեսվում է սահմանել մաքսային պահեստներին ներկայացվող պահանջներ` մաքսային հսկողության արդյունավետության ապահովման, ինչպես նաև ժամանակավոր պահպանության պահեստների և մաքսային պահեստների գործունեության համար հավասար պայմաններ ապահովելու նպատակով:
0 364

Գտնվում է ՀՀ կառավարությունում

Քննարկվել է 04.07.2017 - 31.07.2017

«Հայաստանի Հանրապետության կառավարության 2016 թվականի մարտի 3-ի N 202-Ն որոշման մեջ փոփոխություններ ու լրացումներ կատարելու և ՀՀ կառավարության 2012 թվականի հոկտեմբերի 10-ի N 1288-Ն որոշումն ուժը կորցրած ճանաչելու մասին» ՀՀ կառավարության որոշման նախագիծ Սույն որոշման նախագծի մշակումը պայմանավորված է ՀՀ-ում «Վերամշակում՝ մաքսային տարածքում» և «Վերամշակում՝ մաքսային տարածքից դուրս» մաքսային ընթացակարգերով ներմուծվող բնական` մշակված կամ չմշակված, բայց չշրջանակված կամ չամրացված ալմաստների (ԱՏԳ ԱԱ ծածկագիրը` 710210000, 710221000, 710231000), թանկարժեք մետաղների և թանկարժեք քարերի չմշակված թանկարժեք մետաղների, ջարդոնի և թանկարժեք մետաղների թափոնների, թանկարժեք մետաղների հանքաքարի և թանկարժեք մետաղներ պարունակող հումքային ապրանքների մաքսային ձևակերպման համար թույլտվությունների տրամադրման գործընթացի ապահովման անհրաժեշտությամբ:
0 384

Գտնվում է ՀՀ կառավարությունում

Քննարկվել է 04.07.2017 - 31.07.2017

«Հայաստանի Հանրապետության կառավարության 2016 թվականի մարտի 3-ի N 202-Ն որոշման մեջ փոփոխություններ ու լրացումներ կատարելու և ՀՀ կառավարության 2012 թվականի հոկտեմբերի 10-ի N 1288-Ն որոշումն ուժը կորցրած ճանաչելու մասին» ՀՀ կառավարության որոշման նախագիծ Սույն որոշման նախագծի մշակումը պայմանավորված է ՀՀ-ում «Վերամշակում՝ մաքսային տարածքում» և «Վերամշակում՝ մաքսային տարածքից դուրս» մաքսային ընթացակարգերով ներմուծվող բնական` մշակված կամ չմշակված, բայց չշրջանակված կամ չամրացված ալմաստների (ԱՏԳ ԱԱ ծածկագիրը` 710210000, 710221000, 710231000), թանկարժեք մետաղների և թանկարժեք քարերի չմշակված թանկարժեք մետաղների, ջարդոնի և թանկարժեք մետաղների թափոնների, թանկարժեք մետաղների հանքաքարի և թանկարժեք մետաղներ պարունակող հումքային ապրանքների մաքսային ձևակերպման համար թույլտվությունների տրամադրման գործընթացի ապահովման անհրաժեշտությամբ:
0 321

Քննարկվել է 28.06.2017 - 14.07.2017

«Մաքսային կարգավորման մասին» Հայաստանի Հանրապետության օրենքում փոփոխություններ և լրացումներ կատարելու մասին» ՀՀ օրենքի նախագիծ Նախագծով նախատեսվում է` 1) տնտեսավարողների կողմից փաստաթղթերը կնքված ներկայացնելու պահանջի վերացման նպատակով համապատասխան փոփոխությունների իրականացում, 2) հստակեցնել «Մաքսային կարգավորման մասին» ՀՀ օրենքով սահմանված՝ ֆիզիկական անձանց կողմից ապրանքների և տրանսպորտային միջոցների տեղափոխմանը, մաքսային մարմինների կողմից մտավոր սեփականության օբյեկտների պաշտպանությանն ուղղված գործողություններին վերաբերող դրույթները, մասնավորապես՝ նախատեսվել է ֆիզիկական անձի կողմից ժամանակավոր ներմուծվող երկրորդ ավտոմեքենայի համար մաքսատուրքի, հարկերի վճարման ապահովման տրամադրում, ֆիզիկական անձանց կողմից 1000 եվրոյին համարժեք ՀՀ դրամը գերազանցող ապրանքների ներմուծման դեպքում մաքսային վճարների հաշվարկման բազայի նվազեցում չհարկվող՝ 200 հազ. ՀՀ դրամի չափով, ֆիզիկական անձանց կողմից Եվրասիական տնտեսական միության այլ անդամ պետություններում հաշվառված ավտոմեքենաների օգտագործման հնարավորություն նաև տվյալ անձանց կողմից լիազորված անձանց կողմից, մտավոր սեփականության օբյեկտների ռեեստրներում չներառված մտավոր սեփականության օբյեկտներ պարունակող ապրանքների՝ առանց իրավատիրոջ դիմումի բացթողման կասեցման հնարավորության վերացում, 3) մաքսային մարմինների պաշտոնատար անձանց կողմից մաքսային հայտարարագրերի լրացման հնարավորության ամրագրում, 4) մաքսավճարների վճարման ժամկետների փոփոխություն (մաքսային հայտարարագրերի ներկայացմանը զուգահեռ վճարելու փոխարեն նախատեսվել է դրանց վճարում մինչև ապրանքների բացթողումը), 5) պարզեցնել լիազորված տնտեսական օպերատորի կարգավիճակ ստանալու նպատակով իրավաբանական անձանց ներկայացվող պահանջները, 6) հստակեցնել ժամանակավոր ներմուծման և արտահանման, վերամշակման, մաքսային ընթացակարգերով ապրանքների ձևակերպման պայմանները, 7) Հայաստանի Հանրապետության և Միության անդամ պետությունների միջև փոխադարձ առևտրի վիճակագրության վարման կանոնների, փոխադրվող ապրանքների վերաբերյալ տեղեկությունների տրամադրման ձևի և դրա լրացման կարգի, մաքսային հսկողության ընտրողականության համակարգի մեթոդաբանության, «Հրաժարում՝ հօգուտ պետության» մաքսային ընթացակարգի կիրառման կարգի, հատուկ մաքսային ընթացակարգով ապրանքների ձևակերպման կարգի, մաքսային մարմինների կողմից մաքսային հայտարարագրերի լրացման ընթացակարգի սահմանման իրավասության վերապահում Հայաստանի Հանրապետության կառավարությանը,  8) չհավաքված կամ կազմատված, այդ թվում՝ չկոմպլեկտավորված կամ անավարտ վիճակում մի քանի խմբաքանակներով տեղափոխվող ապրանքների դասակարգման վերաբերյալ որոշման ձևի և ընդունման կարգի, ինչպես նաև վերամշակման ընթացակարգերի շրջանակներում թույլտվությունների տրամադրման, դրանցում փոփոխություններ և լրացումներ կատարելու կարգի սահմանման իրավասության վերապահում վերադաս մաքսային մարմնին, 9) պայմանական բացթողնված, ինչպես նաև «Մաքսային տարանցում» մաքսային ընթացակարգով ապրանքների ձևակերպման պայմանների հստակեցում, 10) մաքսավճարների սահմանում մաքսային մարմինների պաշտոնատար անձանց կողմից մաքսային հայտարարագրերի լրացման, չհավաքված կամ կազմատված, այդ թվում՝ չկոմպլեկտավորված կամ անավարտ վիճակում մի քանի խմբաքանակներով տեղափոխվող ապրանքների դասակարգման վերաբերյալ որոշման տրամադրման, ֆիզիկական անձանց կողմից միջազգային փոստային առաքանիներով առաքվող` Համաշխարհային փոստային միության ակտերով նախատեսված փաստաթղթերով հայտարարագրվող առաքանիների հաշվառման համար:
0 635