ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՏԱՅՔԻ ՄԱՐԶԻ ԱԲՈՎՅԱՆ ՀԱՄԱՅՆՔՈՒՄ ՃԱՆԱՊԱՐՀԱՅԻՆ ԵՐԹԵՎԵԿՈՒԹՅԱՆ ԿԱԶՄԱԿԵՐՊՄԱՆ ՍԽԵՄԱՆ ՀԱՍՏԱՏԵԼՈՒ ՄԱՍԻՆ

Քաղաքի Սահմանադրության հրապարակի երթևեկության սխեմայից ակնհայտ է, որ լիցքավորման կայանների մուտքի ու ելքի հնարավորությունները լիովին վերացվում են։ Այնինչ` պետությունը պոզիտիվ պարտավորություն է կրում բոլոր սուբյեկտների սեփականության իրավունքից բխող իրավազորություններն ապահովելու հարցում, որի մասին իրենց որոշումներում հետևողականորեն նշել են ՄԻԵԴ֊ը, ՀՀ Սահմանադրական և վճռաբեկ դատարանները։ Ավելին` համայնքը, չսպասելով նշված սխեմայի ուժի մեջ մտնելուն` արդեն իսկ փաստացի այդ հատվածներում տեղադրել է նախագծով սահմանվող ճանապարհային նշանն ու կատարել գծանշումը, որոնք, ըստ datalex.am կայքից բխող տեղեկությունների` վիճարկվել են ՀՀ վարչական դատարանում։ Ուստի` առաջարկվում է նախ` պարզել համայնքի կողմից կատարված նման գործողությունների իրավաչափությունը, այնուհետև հարցը դիտարկել ընդունման ենթակա սխեմայով սեփականատերերի իրավունքներն ու օրինական շահերն ապահովելու տեսանկյունից։ Շնորհակալություն

Շատ ողջունելի է նմանատիպ փաստաթղթի մշակումն ու ընդունումը քանի որ այն կենսական նշանակություն ունի տվյալ համայնքի բնակչության և այդ համայնքի այցելուների համար։ Առավել ողջունելի է որ հաստատվող սխեման հրապարակվում է և հասանելի է դառնում բնակչության համար։ Սակայն սխեման կազմված է բավականին հնացած տեխնոլոգիայով, սխեման թերի է այնքանով որ հնարավոր չէ հասկանալ թե այս թաստաթղթով սահմանված ճանապարհային երևեկության կարգավորման նշաններից շատերը որտեղ են տեղադրվելու։ Անհրաժեշտ է մշակել թվային (էլեկտրոնային) միջավայրում այս նշանների տեղադրման սխեմա, իսկ որոշումների հավելված դարձնելիս նշել նշանների հեռավորությունը, սխեմայի վրա հնարավոր դարձնել իդենտիֆիկացնել դրանց տեղադրման հստակ վայրերը։ Բացի դա որոշման մեջ բացակայում է սույն սխեմայի մշակման հիմնավորումը։ Այն չի պատասխանում գլխավոր հարցերին ինչու է սխեման կազմվել այսպես, ինչ հետազոտությունների հիման վրա, ինչ տվյալների հիման վրա, ինչպիսիսն է տրանսպորտի ինտենսիվությունը, ինչպիսին է բնակչության խտությունը և բազում այլ ցուցանիշներ։ Սխեման դիտարկելիս պարզ է դառնում որ այն կազմվել է կադաստրային քրատեզների հիման վորա, որը այնքան անճշտություններ է պարունակում որ կիրառելի չէ այս աշխատանքների համար։ Անհրաժեշտ է իրականացնել աշխատանք տեղանքում և անհրաժեշտության դեպքում չափումների միջոցով կատարել ճանապարհային ցանցի իրական չափերի պատկերում սխեմայում։ Սխեմաներում բացակայում են մայթերը, որոնք կարևորագույն մաս են կազմում այս գործընթացի։ Ընդհանուր առմամբ գաղափարը լավն է իրականացումը վատ։ Առաջարկում եմ վերանայել մշակված սխեմաները, դրանք դրաձնել առավել դետալային, տալ նշանների տեղադիրքի հստակ նշում և լրացնել երթևեկության անվտանգության մաս կազմող բաց թողնված մյուս դետալները։