ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2022 ԹՎԱԿԱՆԻ ՀՈՒԼԻՍԻ 21-Ի N 1104-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հ Ի Մ Ն Ա Վ Ո Ր ՈՒ Մ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2022 ԹՎԱԿԱՆԻ ՀՈՒԼԻՍԻ 21-Ի N 1104-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ

1. Կարգավորման ենթակա խնդիրը

«Հայաստանի Հանրապետության Կառավարության 2022 թվականի հուլիսի 21-ի N 1104-Ն որոշումն (այսուհետ՝ որոշում) ուժը կորցրած ճանաչելու մասին» Հայաստանի Հանրապետության որոշման նախագծի ընդունման անհրաժեշտությունը պայմանավորված է «Բուսասանիտարիայի մասին» օրենքում փոփոխություններ և լրացումներ կատարելու մասին» ՀՕ-460-Ն օրենքի (այսուհետ՝ Օրենք) ընդունմամբ, քանի որ Օրենքի ուժի մեջ մտնելուց հետո Օրենքով սահմանված կարգով պեստիցիդների գրանցումն իրականացնելու է լիազոր մարմինը, ուստի անհրաժեշտ է բացառել ենթաօրենսդրական իրավական ակտի և Օրենքի անհամապատասխանությունը։ Միաժամանակ որոշման ուժը կորցրած ճանաչելու մասին» Հայաստանի Հանրապետության որոշման նախագծի ընդունումը բխում է «Բուսասանիտարիայի մասին» օրենքում փոփոխություններ և լրացումներ կատարելու մասին» և «Սննդամթերքի անվտանգության պետական վերահսկողության մասին» օրենքում փոփոխություն կատարելու մասին» Հայաստանի Հանրապետության օրենքների կիրարկումն ապահովող միջոցառումների ցանկը հաստատելու մասին» ՀՀ վարչապետի որոշման ցանկի 1-ին կետի կատարման հանգամանքից։

Նախագծով առաջարկվող փոփոխությունը ազդեցություն չի կարող ունենալ պեստիցիդների և ագրոքիմիկատների գրանցման գործընթացի վրա։

2. Առկա իրավիճակը

Գործող օրենսդրական կարգավորման համաձայն պեստիցիդների և ագրոքիմիկատների պետական գրանցումն իրականացնում է լիազոր մարմինը՝ պեստիցիդների և ագրոքիմիկատների գրանցման հանձնաժողովի (այսուհետ` հանձնաժողով) եզրակացության հիման վրա: Միաժամանակ լիազոր մարմինը հանձնաժողովի եզրակացությունն ստանալուց հետո` եռօրյա ժամկետում, կայացնում է տվյալ պեստիցիդները կամ ագրոքիմիկատները գրանցելու և Հայաստանի Հանրապետությունում օգտագործման համար թույլատրված պեստիցիդների և ագրոքիմիկատների անվանացանկում ընդգրկելու կամ գրանցումը մերժելու մասին որոշում։

3. Կարգավորման նպատակը և բնույթը

Հիմք ընդունելով այն հանգամանքը, որ նորմատիվ իրավական ակտը չպետք է հակասի հավասար կամ ավելի բարձր իրավաբանական ուժ ունեցող նորմատիվ իրավական ակտին և հաշվի առնելով Օրենքով սահմանված պեստիցիդների և ագրոքիմիկատների գրանցման պարզեցված ընթացակարգերը՝ անհրաժեշտություն է առաջացել ենթաօրենսդրական իրավական ակտն համապատասխանեցնել Օրենքին։

Նախագծի ընդունմամբ լրացուցիչ  ֆինանսական միջոցների անհրաժեշտություն չի առաջանում՝ պետական բյուջեում եկամուտների և ծախսերի ավելացում կամ նվազում չի նախատեսվում:

4. Կապը ռազմավարական փաստաթղթերի հետ

Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ:

Նախագիծը բխում է․

• Կառավարության 2021-2026թթ. ծրագրի4 կետի «Գյուղատնտեսության» բաժնից https://www.gov.am/files/docs/4586.pdf ։
• ՀՀ Կառավարության 2019 թվականի դեկտեմբերի 19ի N 1886-Լ որոշման «ՀՀ

գյուղատնտեսության ոլորտի տնտեսական զարգացումն ապահովող հիմնական ուղղությունների 2020-2030 թվականների ռազմավարության» «Հայաստանի Հանրապետության գյուղատնտեսության ոլորտի տնտեսական զարգացումն ապահովող հիմնական ուղղությունների 2020-2030 թվականների ռազմավարության»  հավելվածից, մասնավորապես․

«- Հայաստանի Հանրապետությունը հիմնականում ներմուծող երկիր է․ (ներմուծումը մոտ երեք անգամ գերազանցում է արտահանումը): ՈՒստի ՀՀ կառավարության գյուղատնտեսական ռազմավարության առաջնահերթությունը առավել թիրախային ապրանքների ներմուծման միջոցառումներն են»:

5. Նախագծի մշակման գործընթացում ներգրավված ինստիտուտները և անձինք

Իրավական ակտի նախագիծը մշակվել է ՀՀ էկոնոմիկայի նախարարության կողմից։

6. Ակնկալվող արդյունքը

Նախագծի ընդունմամբ կապահովվի ենթաօրենսդրական իրավական ակտի և Օրենքի համապատասխանությունը, ինչպես նաև «Բուսասանիտարիայի մասին» օրենքում փոփոխություններ և լրացումներ կատարելու մասին» և «Սննդամթերքի անվտանգության պետական վերահսկողության մասին» օրենքում փոփոխություն կատարելու մասին» Հայաստանի Հանրապետության օրենքների կիրարկումն ապահովող միջոցառումների ցանկը հաստատելու մասին» ՀՀ վարչապետի որոշման ցանկի 1-ին կետի կատարումը։