«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՓՐԿԱՐԱՐԻ ՕՐԸ ՆՇԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

Գիտակցելով աղետների ռիսկի կառավարման (այսուհետ՝ ԱՌԿ) բնագավառի, որպես ՆԳՆ գործունեության ոլորտի անբաժանելի և բաղկացուցիչ մաս, դերն ու կարևորությունն ազգային անվտանգության, բնակչության կյանքի պաշտպանության և ենթակառուցվածքների անվտանգության ապահովման գործընթացներում, առաջարկում եմ Ռազմավարական պլանավորման, քաղաքականության և մոնիթորինգի վարչությանը, որպես ՆԳՆ ոլորտի քաղաքականության մշակման և իրականացման հիմնական մասնագիտական ստորաբաժանում ու Աղետների և արտակարգ այլ իրավիճակների կառավարման վարչությանը, որպես ԱՌԿ բնագավառի հիմնական մասնագիտական ստորաբաժանում, համատեղ հանդես գալ ՛՛Տոն և հիշատակի օրերի մասին՛՛ ՀՀ օրենքում փոփոխություններ իրականացնելու օրենսդրական նախաձեռնությամբ՝ սահմանելով հետևյալը․ 1․ մարտի 1-ը՝ ՛՛Բնակչության պաշտպանության օր՛՛ (աշխատանքային օր), 2․ սեպտեմբերի 4-ը՝ ՛՛Փրկարարի օր՛՛ (աշխատանքային օր), 3․ հոկտեմբերի 13-ը՝ ՛՛Աղետների ռիսկի նվազեցման օր՛՛ (աշխատանքային օր)։ Տեղեկացնում եմ, որ մարտի 1-ն ու հոկտեմբերի 13-ն ընդունված են ՄԱԿ-ի մակարդակով, համապատասխանաբար որպես համաշխարհային օր և միջազգային օր, իսկ սեպտեմբերի 4-ն ԱԻՆ աշխատակցի օրն էր։ Վերոնշյալ օրերի օրենսդրորեն սահմանումը որպես տոն օրեր անկասկած կնպաստի աղետների ռիսկի կառավարման բնագավառում բնակչության իրազեկվածության մակարդակի բարձրացմանը, դիմակայունության և անվտանգության մշակույթի ձևավորմանն ու արմատավորմանը, պետական կառավարման համակարգի մարմինների կողմից աղետների ռիսկի ընկալմանը և պատասխանատվության ամրապնդմանը, երկրի մասշտաբով լայնածավալ ԱՌԿ միջոցառումների պլանավորմանն ու իրականացմանը, ՆԳՆ համակարգի ԱՌԿ բնագավառի աշխատակիցների խրախուսմանը։