Հիշել նախագիծը

Լրամշակման փուլում է

«Հայաստանի Հանրապետության քաղաքացիական օրենսգրքում փոփոխություններ և լրացումներ կատարելու մասին» Հայաստանի Հանրապետության օրենքի նախագիծ

  • 4 - Կողմ

  • 5 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h Առաջարկության հեղինակը, ստացման ամսաթիվը Առաջարկության բովանդակությունը Եզրակացություն Կատարված փոփոխությունը
1 2 3 4
1 Artur Vardanyan 06.02.2018 08:54:33 Այս առաջարկին կտրականապես դեմ եմ, քանի որ յուրաքանչյուր քայլ, որը հեշտացնում է Հայաստանին ավելի խորը թաղել վարկերի մեջ համարում եմ խնդրի սխալ լուծում: Պարզապես անհրաժեշտ է մարել բոլոր վարկերը ու այլևս երբեք վարկ չվերցնել: Իսկ պետությանը ինչ-ինչ պատճառներով գումար անհրաժեշտ լինելու դեպքում, պետք է ուղղակի զարգացնել սեփական (անկախ) երկրի տնտեսությունը: Ընդունվել է ի գիտություն Նախագիծն ուղղված է «վարկերի ստացում» ցուցիչի՝ վարկատուների իրավական պաշտպանվածության չափանիշների բավարարմանը, և չի ենթադրում պետական պարտքի ավելացում:
2 Gagik Grigoryan 06.02.2018 19:24:04 226-րդ հոդվածի 1-ին մասում ավելացվող նախադասության մեջ գրավը կարող է տարածվել արտահայտությունը ինչ է նշանակում: Եթե նկատի ունեք, որ նշված նախադասության մեջ թվարկված գույքը ևս կարող են գրավի առարկա հանդիսանալ, ապա դա նորություն չէ և շարժական գույքի գրավի ինստիտուտը նույնպես մեր երկրում կարգավորված է՝ չնայած բավարարման նախապատվության որոշակի առանձնահատկությանը: Իսկ եթե այստեղ խոսքը գնում է նրա մասին, որ անշարժ գույքի նակատմամբ գրավի իրավունքը տարածվում է նաև անշարժ գույքում շարժական գույքի կամ նրան ամրացված շարժական գույքի նկատմամբ ևս, ապա նախ դա անթույլատերելի է: Երկրորդ՝ գոնե գրեք հստակ և հասկանալի, ինչպես նաև նշեք, որ եթե այլ բան նախատեսված չէ պայմանագրով: Ընդունվել է ի գիտություն Նախագծի 2-րդ հոդվածով նպատակ է դրվել բավարարելու «վարկերի ստացում» ցուցիչի չափանիշներից մեկին, ըստ որի, օրենքով պետք է սահմանվի ակտիվների ամբողջության և ակտիվների մի խմբի նկատմամբ ապահովություն տրամադրելու հնարավորությունը: Թյուրըմբռնումներից խուսափելու նպատակով նախագծի 2-րդ հոդվածը վերախմբագրվել է հետևյալ բովանդակությամբ՝ «Գրավի առարկա կարող են լինել գրավատուի ողջ շարժական գույքը, շարժական գույքի մասերը, անբաժանելի շարժական գույքը և շարժական գույքի ընդհանուր տեսակները:»: