ՀՀ կառավարության «Հայաստանի Հանրապետության կառավարության 1998 թվականի փետրվարի 26-ի №116-Ն որոշման մեջ փոփոխություն և լրացում կատարելու մասին»

ԱՊՀ երկրների մրցանակաբաշխությանը մասնակցելու նպատակով հայտերի ներկայացման ժամկետների հետ կապված առկա մի շարք տեխնիկական խնդիրներ լուծելու, ինչպես նաև կառավարության կազմի փոփոխությունների հիման վրա մրցանակաբաշխության հանձնաժողովի նոր կազմի ձևավորման անհրաժեշտությամբ է պայմանավորված «Հայաստանի Հանրապետության կառավարության 1998 թվականի փետրվարի 26-ի № 116-ն որոշման մեջ փոփոխություն և լրացում կատարելու մասին» ՀՀ կառավարության որոշման ընդունումը: Արտադրանքի և ծառայությունների մատուցման որակի ապահովման բնագավառում Հայաստանի Հանրապետության կառավարության ամենամյա մրցանակաբաշխության արդյունքում հաղթող ճանաչված կազմակերպությունները հետագայում կարող են մասնակցել նաև Անկախ Պետությունների Համագործակցության «Արտադրանքի և ծառայությունների որակի ոլորտում նվաճումների համար» մրցանակաբաշխությանը: Գործող կարգի համաձայն պարգևատրման ժամկետ է սահմանված մրցութային տարվա նոյեմբեր ամսվա երկրորդ շաբաթը, որից հետո անհրաժեշտ է ԱՊՀ խորհրդին ներկայացնել կազմակերպությունների ռուսերեն թարգմանված համապատասխան փաստաթղթերի փաթեթները: