Հիշել նախագիծը
«ԲԱՐՁՐԱԳՈՒՅՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՄԱՍԻՆ» ՕՐԵՆՔԻ ՆԱԽԱԳԻԾ
Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում
| h/h | Առաջարկության հեղինակը, ստացման ամսաթիվը | Կարգավիճակ | Առաջարկության բովանդակությունը | Կցված փաստաթղթերը | Եզրակացություն | Դրույթ |
|---|---|---|---|---|---|---|
| 1 | 2 | 3 | 4 | 5 | 6 | |
| 1 | Ա․Դ․Սախարովի անվան մարդու իրավունքների պաշտպանության հայկական կենտրոն ՀԿ 11.10.2022 14:40:34 | «Բարձրագույն կրթության և գիտության մասին» օրենքի նախագծի (այսուհետ՝ Նախագիծ) հոդված 35-ի 6-րդ կետը սահմանում է, որ «բարձրագույն կրթության առաջին և երկրորդ մակարդակների՝ պետության կողմից տրամադրվող ուսումնառության կրթաթոշակ ստացող ուսանողն այն ստանում է տվյալ մակարդակում կրթության ամբողջ ժամանակահատվածի համար և բարձրագույն կրթության առաջին ու երկրորդ մակարդակների դեպքում զրկվում է երկու կիսամյակ անընդմեջ տվյալ կրթական ծրագրի համար բուհի սահմանած միջին որակական գնահատականի 10 տոկոսով պակաս ունենալու դեպքում: Կրթաթոշակից զրկվելու դեպքում ուսումնառության կրթաթոշակ տրամադրելու իրավասությունը վերապահվում է տվյալ բուհին:»։ Փատորեն, ըստ Նախագծի, ռոտացիայի մեխանիզմը վերանում է, ինչը բացասաբար կանդրադառնա ուսանողների կողմից բարձր առաջադիմություն ապահովելու մոտիվացիային։ Առաջարկում եմ կատարել համապատասխան փոփոխություններ և նախատեսել ռոտացիայի մեխանիզմը, քանի որ, ներկայումս առկա ռիսկերը գոյություն կունենան նաև Նախագծով նախատեսված կրթաթոշակի տրամադրման մեխանիզմում նույնպես, ուստի անհրաժեշտ է նախատեսել այնպիսի կարգավորումներ, որոնք կնվազեցնեն այդ ռիսկերը։ |
