«Նախադպրոցական ուսումնական հաստատության տնօրենների և մանկավարժական աշխատողների վերապատրաստող կազմակերպության ընտրության և վերապատրաստման կարգը հաստատելու մասին» Կրթության, գիտության, մշակույթի և սպորտի նախարարի հրամանի նախագիծ

Ներկայում կանոնակարգված չէ նախադպրոցական ուսումնական հաստատությունների տնօրենների և մանկավարժական աշխատողների վերապատրաստման և մասնագիտական որակի բարձրացման գործընթացը: ՀՀ մարզերի քաղաքային և գյուղական համայնքների նախադպրոցական հաստատություններում կրթության կազմակերպման հնարավորությունները խիստ տարբեր են. համակարգի աշխատակիցների զգալի մասը  հնարավորություն չունի զարգացնելու ուսումնամեթոդական, մանկավարժահոգեբանական հմտություններն ու կարողունակություններ:

Նախադպրոցական կրթության բովանդակային վերանայման համատեքստում իրավական ակտի ընդունումը հիմք կհանդիսանա առկա ներուժի զարգացման համար, հնարավորություն կստեղծի մանկավարժներին համակարգված և պարբերաբար հաղորդակից դարձնելու նախադպրոցական կրթության արդի պահանջներին, ուսուցման ժամանակակից տեխնոլոգիաներին: Նախադպրոցական ուսումնական   հաստատություններում կբարձրանա մատուցվող ծառայությունների արդյունքային  ցուցանիշը, որը շարունակական ազդեցություն կունենա տարրական դասարաններում սովորողների կրթական արդյունքի վրա: