«Հայաստանի Հանրապետության կառավարության մի շարք որոշումներում փոփոխություններ կատարելու մասին» ՀՀ կառավարության որոշման նախագիծ

ՀՀ Ազգային ժողովի կողմից սույն թվականի մարտի 4-ին ընդունված՝ «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» ՀՕ-55-Ն օրենքով նոր խմբագրությամբ է շարադրվել ՀՀ հարկային օրենսգրքի 350-րդ հոդվածը, որով սահմանված են հարկային հսկողության ընթացքում օգտագործվող տեղեկությունները։ Խնդիրն այն է, որ մինչև օրենքի ընդունումը գործող խմբագրության հիմքով ընդունվել են ՀՀ կառավարության մի շարք որոշումներ, որոնցում անհրաժեշտություն է առաջացել խմբագրել իրավական հիմքերը։