ՀՀ կառավարության «Ավտոտրանսպորտային միջոցների շուկաներին ներկայացվող պահանջները սահմանելու մասին» որոշման նախագիծ

ՀԻՄՆԱՎՈՐՈՒՄ

<<ԱՎՏՈՏՐԱՆՍՊՈՐՏԱՅԻՆ ՄԻՋՈՑՆԵՐԻ ՇՈՒԿԱՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ ՍԱՀՄԱՆԵԼՈՒ ՄԱՍԻՆ>> ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

1. Իրավական ակտի անհրաժեշտությունը (նպատակը).

Որոշման նախագծի նպատակը «Առևտրի և ծառայությունների մասին» Հայաստանի Հանրապետության օրենքի (այսուհետ՝ Օրենք) 5-րդ հոդվածի 11-րդ մասի պահանջի կատարման ապահովումն է:

2. Ընթացիկ իրավիճակը և խնդիրները. «Առեվտրի եվ ծառայությունների մասին» Հայաստանի Հանրապետության օրենքով սահմանվել է տրանսպորտային միջոցների շուկան որպես առևտրի իրականացման վայր, սակայն Օրենքով տվյալ տեսակի գործունեության համար այլ չափանիշներ չեն սահմանվել։ Օրենքի 5-րդ հոդվածի 11-րդ մասով այդ լիազորությունը վերապահվել է ՀՀ կառավարությանը։
3. Տվյալ բնագավառում իրականացվող քաղաքականությունը. Նախագիծը նախատեսում է կանոնակարգել տվյալ բնագավառում գործունեություն իրականացնելու համար անհրաժեշտ պայմաններ:
4. Կարգավորման նպատակը և բնույթը. Նախագծի նպատակն է սահմանել ավտոտրանսպորտային միջոցների շուկայի կազմակերպման համար անհրաժեշտ չափանիշներ, որոնք համապատասխանում են տվյալ ոլորտում գործող միջազգային լավագույն փորձին, գրավիչ դարձնել ԵՏՄ և այլ պետությունների քաղաքացիների համար ՀՀ տարածքում տրանսպորտային միջոցների ձեռք բերման գործընթացը:
5. Նախագծի մշակման գործընթացում ներգրավված ինստիտուտները և անձիք. Նա­­խագիծը մշակվել է Տարածքային կառավարման և ենթակառուցվածքների նախարարության կողմից։

6․ Տեղեկատվություն լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին.

Որոշման նախագծի ընդունման դեպքում պետական բյուջեի մուտքերի էական ավելացում և նվազում չի նախատեսվում։

7. Կապը ռազմավարական փաստաթղթերի հետ

Ռազմավարական փաստաթղթերի հետ կապ չկա։