Հիշել նախագիծը

Նախագիծը ընդունվել է

«Հայաստանի Հանրապետության հանրային ծառայությունները կարգավորող հանձնաժողովի 2017 թվականի օգոստոսի 9-ի №344Ն որոշման մեջ փոփոխություն և լրացումներ կատարելու մասին» որոշման նախագիծ

ՀԻՄՆԱՎՈՐՈՒՄ

«Հայաստանի Հանրապետության հանրային ծառայությունները կարգավորող հանձնաժողովի 2017 թվականի օգոստոսի 9-ի №344Ն որոշման մեջ փոփոխություն և լրացումներ կատարելու մասին» որոշման նախագծի վերաբերյալ

  1. Ընթացիկ իրավիճակը, խնդիրները և անհրաժեշտությունը

ՀՀ հանրային ծառայությունները կարգավորող հանձնաժողովի 2017 թվականի օգոստոսի 9-ի №344Ն որոշմամբ հաստատված ՀՀ էլեկտրաէներգետիկական մեծածախ շուկայի ժամանակավոր առևտրային կանոնների համապատասխան դրույթներով սահմանված են «Էներգետիկայի մասին» օրենքի 59-րդ հոդվածի 1-ին մասի «գ» կետով Էլեկտրական էներգիայի գնման երաշխիք չունեցող փոքր ՀԷԿ-երից, այլ ՎԷԱ կայաններից և փոքր կոգեներացիոն կայաններից առաքված էլեկտրական էներգիայի՝ «Հայաստանի էլեկտրական ցանցեր» ՓԲԸ-ի կողմից գնման առանձնահատկությունները, իսկ գնման երաշխիք չունեցող մինչև 30 ՄՎտ հզորությամբ այլ կայաններից առաքված էլեկտրական էներգիայի՝ «Հայաստանի էլեկտրական ցանցեր» ՓԲԸ-ի կողմից գնման առանձնահատկությունների մասով իրավական դաշտում տրված չեն անհրաժեշտ կարգավորումները։

 2. Կարգավորման նպատակը և բնույթը

Որոշման նախագծի նպատակն է հստակեցնել փոքր ՀԷԿ-երից, այլ ՎԷԱ և փոքր կոգեներացիոն կայաններից բացի գնման երաշխիք չունեցող մինչև 30 ՄՎտ հզորությամբ այլ կայաններից առաքված էլեկտրական էներգիայի՝ «Հայաստանի էլեկտրական ցանցեր» ՓԲԸ-ի կողմից գնման առանձնահատկությունները՝ դրանց համար սահմանելով Էլեկտրական էներգիայի գնման երաշխիք չունեցող փոքր ՀԷԿ-երից և այլ ՎԷԱ կայաններից առաքվող էլեկտրական էներգիայի գնմանը համահունչ իրավակարգավորումներ։

 3. Նախագծի մշակման գործընթացում ներգրավված ինստիտուտները և անձինք

Որոշման նախագիծը մշակվել է ՀՀ հանրային ծառայությունները կարգավորող հանձնաժողովի կողմից։

 4. Ակնկալվող արդյունքը

Որոշման նախագծի ընդունմամբ ակնկալվում է բացառել գնման երաշխիք չունեցող փոքր ՀԷԿ-երից, այլ ՎԷԱ և փոքր կոգեներացիոն կայաններից բացի գնման երաշխիք չունեցող մինչև 30 ՄՎտ հզորությամբ այլ կայանների գործունեության արդյունքում հնարավոր բացասական ֆինանսական հետևանքները վերջնական սպառողների սակագների վրա։

  • Քննարկվել է

    04.12.2020 - 19.12.2020

  • Տեսակ

    Որոշում

  • Ոլորտ

    Էներգետիկա և բնական պաշարներ, Էներգետիկա (էլեկտրաէներգետիկական, ջերմամատակարարման, գազամատակարարման համակարգեր)

  • Նախարարություն

    ՀՀ հանրային ծառայությունները կարգավորող հանձնաժողով

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 4763

Տպել