Հիշել նախագիծը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԱՊՐԻԼԻ 12-Ի N 451-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

 «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԱՊՐԻԼԻ 12-Ի N 451-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

 

  1. Իրավական ակտի ընդունման անհրաժեշտությունը.

«Հայաստանի Հանրապետության կառավարության 2018 թվականի ապրիլի 12-ի               N 451-Ն որոշման մեջ փոփոխություն կատարելու մասին» ՀՀ կառավարության որոշման նախագծի ընդունման անհրաժեշտությունը պայմանավորված է գիտության և կրթության բնագավառներում նշանակալի նվաճումներ ունեցող քաղաքացիներին աշխարհի լավագույն բարձրագույն ուսումնական հաստատություններ ընդունվելու և որակյալ կրթություն ստանալու հնարավորություն ընձեռելու նպատակով:

 

  1. Ընթացիկ իրավիճակը և խնդիրները.

Հայաստանի Հանրապետության կառավարության 2018 թվականի ապրիլի 12-ի N 451-Ն որոշման (այսուհետ՝ որոշում) 13-րդ կետի համաձայն՝ գիտության և կրթության բնագավառներում նշանակալի նվաճումներ ունեցող քաղաքացուն յուրաքանչյուր կրթական ծրագրով ուսումնառության համար տարկետում կարող է տրվել մեկ անգամ:

Նշված կարգավորման համաձայն՝ եթե բակալավրի կրթական ծրագրով սովորող կամ դիմորդ հանդիսացող քաղաքացին պարտադիր զինվորական ծառայության զորակոչից տարկետում կարող է ստանալ կարգի 7-րդ կետի պահանջներին համապատասխան նշանակալի նվաճումներ ունենալու արդյունքում, իսկ մագիստրատուրայի և ասպիրանտուրայի կրթական ծրագրերով սովորող կամ դիմորդ հանդիսացող քաղաքացին՝ 8-րդ կետի պահանջներին համապատասխան նշանակալի նվաճումներ ունենալու արդյունքում, ապա վերջիններս նույն կրթական ծրագրով աշխարհի լավագույն բարձրագույն ուսումնական հաստատություններ ընդունվելու և տվյալ հաստատությունում ուսումը շարունակելու դեպքում կզրկվեն տարկետման իրավունքից:

Նախագծով ներկայացվող փոփոխության համաձայն վերը նշված քաղաքացիները ովքեր մինչև հաջորդ կուրս տեղափոխվելը կներկայացնեն կարգի 9.1-ին կետով սահմանված պահանջներին համապատասխան փաստաթղթերը և կստանան հանձնաժողովի կողմից դրական եզրակացություն, հնարավորություն կունենան օգտվել տարկետման իրավունքից՝ մինչև նոր ուսումնական հաստատությունում ուսումնառության ավարտը, բացառությամբ կարգի 14-րդ կետով նախատեսված դեպքի:

 

  1. Ակնկալվող արդյունքը.

«Հայաստանի Հանրապետության կառավարության 2018 թվականի ապրիլի 12-ի               N 451-Ն որոշման մեջ փոփոխություն կատարելու մասին» ՀՀ կառավարության որոշման նախագծի ընդունմամբ գիտության և կրթության բնագավառներում նշանակալի նվաճումներ ունեցող քաղաքացիներին հնարավորություն կտրվի իրենց ուսումը շարունակելու աշխարհի լավագույն բարձրագույն ուսումնական հաստատություններում և ստանալու որակյալ կրթություն:

 

  1. Նախագծի մշակման գործընթացում ներգրավված ինստիտուտները և անձինք.

ՀՀ կրթության, գիտության, մշակույթի և սպորտի նախարարություն:

 

 

 

 

ՏԵՂԵԿԱՆՔ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԱՊՐԻԼԻ 12-Ի N 451-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ ԿԱՊԱԿՑՈՒԹՅԱՄԲ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵՈՒՄ ԾԱԽՍԵՐԻ ԵՎ ԵԿԱՄՈՒՏՆԵՐԻ ՓՈՓՈԽՈՒԹՅԱՆ ՄԱՍԻՆ

 

 «Հայաստանի Հանրապետության կառավարության 2018 թվականի ապրիլի 12-ի N 451-Ն որոշման մեջ փոփոխություն կատարելու մասին» ՀՀ կառավարության որոշման նախագծի ընդունման կապակցությամբ Հայաստանի Հանրապետության պետական բյուջեում ծախսերի ու եկամուտների ավելացում կամ նվազեցում չի նախատեսվում:

  • Քննարկվել է

    04.05.2020 - 19.05.2020

  • Տեսակ

    Որոշում

  • Ոլորտ

    Կրթություն և գիտություն

  • Նախարարություն

    Կրթության, գիտության,մշակույթի և սպորտի նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 4321

Տպել

Առաջարկներ`

Գեղամ Ասատրյան

08.05.2020

Իմ կողմից նախորդիվ հնչեցված առաջարկությունը, որին ի պատասխան նշել եք, որ չի առնչվում հարցին, առնչվում է այնքանով, որ իմ առաջարկությունից առաջ մարդիկ հիմնավոր նշել են` ասպիրանտին տրվող տարկետումը պետք է 26-ից դարձվի մինչ 27 տարեկանը, իսկ Դուք Ձեր տեսանկյունից հիմնավոր նշել եք, որ չի կարող, իսկ ես դրան ի պատասխան բավականին հիմնավոր նշել եմ, որ եթե գործնականում հնարավոր չէ 26 տարեկանը դարձնել 27, ապա գործնականում էլ երեքամյա կրթությունը 1.5 տարում պարտադրելը ևս հնարավոր չէ...

Emil Mirzoyan

06.05.2020

Դուք իրավական տեսանկյունից չեք կարող հիմնավորել այն, որ եթե որոշման մեջ կատարվի փոփոխություն և նշվի մինչև 27 տարին լրանալու օրը կամ ոչ ուշ քան 27 տարին լրանալուց 6 ամիս առաջ, ապա դա կարող է հակասել ԶԾ մասին օրենքին և անձը կհամարվի ազատված ծառայությունից: ՈՒղղակի ապսուրդ: Դուք ընդհանրապես չեք տիրապետում Զինծառայության մասին օրենքին: Ձեր անգործության հետևանքով շատ ուսանողներ տուժում են, քանի որ չեք ներկայացնում ոլորտի շահերը: Պատասխանը copy past անելու փոխարեն կարելի էր ընդհամենը բացել օրենսգիրքը և կարդալ օրենքի պահանջները: Նույն խնդրով հեռախոսազրույց ենք ունեցել Մարդու իրավունքների պաշտպանի գրասենյակի հետ և իրենք պատրաստվում են գործը փոխանցել վարչական դատարան: Նշեմ նաև, որ ՊՆ-ի կողմից չկա հակասություն, քանի որ Կառավարության աշխատակազմի ղեկավարի ցուցումով զրույց ենք ունեցել ՊՆ-ի հետ և իրենք տվյալ փոփոխության հետ կապված առարկություն չունեն, քանի որ չի հակասում օրենքին: Իրենք սպասում են Ձեր առաջարկին, քանի որ ԿԳՄՍ-ի տիրույթում է գտնվում հարցը: Կառավարության աշխատակազմի պաշտոնիայի հետ զրույց ենք ունեցել և մանրամասն ներկայացվել է խնդիրը և ներկայացվել է նաև թե Ձեր անգործությունը ինչ հետևանքների կարող է հանգեցնել: Վստահ եմ, որ չեք գիտակցում դա: Ինչպես կառավարության պաշտոնյան նշեց, մոտակա օրերին խնդիրը ներկայացվելու է անձամբ վարչապետին:

Գեղամ Ասատրյան

06.05.2020

Եթե որևէ կերպ չեք ընդունում առաջարկություններն առ այն, որ տարկետում ունեցող ասպիրանտներին տարկետումը պետք է տրվի կրթական աստիճանի տարիներին համապատասխան՝ 3 տարի, այսինքն մինչև 27 տարեկանը, ապա այդ պարագայում ավելի նախընտրելի է առհասարակ վերացնել տարկետումը, քան նման ոչ բավարար ձևաչափով պահպանել։ Հակառակ պարագայում մի տեսակ խիստ կասկածի տակ է դրվում այն աշխատանքի որակը, որը կատարվում է դե ֆակտո և դե յուրե մեկ և կես տարում (որովհետև մեծ մասամբ մագիստրատուրան ավարտում են 24 տարեկանում), դրան գումարած այդ ընթացքում ասպիրանտը անընդհատ ելքեր է փնտրում հոդվածներ տպագրելու, որովհետև խմբագիրների մեծ մասը առանց հոդվածը նայելու դատողություններ է անում՝ ելնելով միայն կարգավիճակից (չպաշտպանած լինելուց), բայց զուգահեռ տեսնում ենք, որ <<կարգավիճակով>> հետազոտողներ նույն հանդեսի նույն հատորում մեկի փոխարեն երկու հոդված են տպագրում, այնինչ ասպիրանտը մերժվում է միայն այն բանի համար, որ ասպիրանտ է, և այդքանին գումարած՝ չբեռնաթափվող կրեդիտները։ Մի տեսակ շատ չէ՞ մեկ և կես տարվա համար։

Տեսնել ավելին