Հիշել նախագիծը

Լրամշակման փուլում է

«Պետական սեփականություն հանդիսացող հատուկ մշակված համակարգի (բջջային հավելված) տեխնիկական բնութագիրը (նկարագրությունը, ինտերֆեյսը) և դրանից օգտվելու կարգը սահմանելու մասին» ՀՀ Կառավարության որոշման նախագիծ

Որոշման նախագծի ընդունումը պայմանավորված է «Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» օրենքի (այսուհետ՝  Օրենք) 7.3-րդ հոդվածի 2-րդ և 3-րդ մասերի կիրարկումն ապահովելու անհրաժեշտությամբ:

  • Քննարկվել է

    30.04.2020 - 15.05.2020

  • Տեսակ

    Որոշում

  • Ոլորտ

    Ճանապարհային երթևեկության անվտանգություն

  • Նախարարություն

    Ոստիկանություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 851

Տպել

Առաջարկներ`

Արմեն Վարդանյան

02.05.2020

Նախագծի 1-ին հավելվածի 2-5-րդ կետերը և հավելվածի տեքստը հակասում են <<Նորմատիվ իրավական ակտերի մասին>> ՀՀ օրենքի 10-րդ հոդվածի 2-րդ մասին, որի համաձայն` նորմատիվ իրավական ակտերում օտարերկրյա կազմակերպությունների անվանումները, ֆիզիկական անձանց անունները, աշխարհագրական օբյեկտների անունները, դրանց հապավումները, ինչպես նաև թարգմանության ոչ ենթակա իրավական, ֆինանսական, տեխնիկական և այլ տերմինները (եզրույթները) գրվում են հայերեն տառադարձությամբ: Անհրաժեշտության դեպքերում հայերեն հապավումների կամ տերմինների հետ փակագծերում կարող են կիրառվել նաև լատիներեն կամ օտարալեզու հապավումներ կամ տերմիններ: Նույնը վերաբերում է նաև նախագծի 2-րդ հավելվածին: Նախագծի 1-ին հավելվածի 46-րդ կետի պահանջից հետևում է, որ որակի կառավարման ԻՍՕ 27001 ստանդարտի պահանջի պարագայում հարց է, թե ինչքանով են արժանահավատ կենտրոնի կողմից մինչև այդ ստանդարտի ներդրումը կատարված գործողությունները և դրանց իրավաչափությունը՝ դրասնից բխող իրավակիրառ հետևանքներով:

Լևոն Ղազարյան

30.04.2020

Առաջարկս կոնկրետ սույն նախագծին չի վերաբերվում, այլ վերաբերվում է դրա հիման վրա ներդրվող ծրագրային ապահովման կիրառությանը։ Տվյալ դեպքում առաջարկվում է ոստիկանության համապատասխան գործառույթներ իրականացնող ստորաբաժանումների գործունեությունը կանոնակարգող իրավական ակտերում կատարել համապատասխան փոփոխություններ և լրացումներ՝ ճանապարհային երթևեկության անվտանգության ապահովման ոլորտում ծառայություններ մատուցող ստորաբաժանումներից (ՃՈ ճանապարհապարեկային ծառայություն) զատ այլ ստորաբաժանումների ծառայողներին լիազորելով ծառայողական պարտականությունները կատարելու ընթացքում ճանապարհային երթևեկության անվտանգության ապահովման բնագավառի իրավախախտումներ հայտնաբերելիս դրանք արձանագրել սույն իրավական ակտով սահմանվող ծրագրային ապահովման միջոցով։ Նշվածի անհրաժեշտությունը կայանում է նրանում, որ ներկայումս ճանապարհային երթևեկության անվտանգության ապահովման ոլորտի իրավախախտումների արձանագրման և դրանցով որոշումների կայացման լիազորությամբ ոստիկանությունում օժտված են բացառապես Ճանապարհային ոստիկանության համապատասխան ստորաբաժանումների ծառայողները, հետևաբար՝ այլ ծառայությունների ծառայողների կողմից ոլորտի իրավախախտումներ հայտնաբերելու դեպքում պարտադիր է ՃՈ ծառայողին ներգրավելու գործընթացը, ինչը շատ դեպքերում ժամանակատար է և չի բխում ոստիկանության ուժերի և միջոցների համաչափ և արդյունավետ օգտագործման սկզբունքներից։

Տեսնել ավելին