Հիշել նախագիծը

«Հայաստանի Հանրապետության կառավարության 2012 թվականի դեկտեմբերի 20-ի N1676-Ն որոշման մեջ լրացումներ կատարելու մասին» ՀՀ կառավարության որոշման նախագիծ

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2012 ԹՎԱԿԱՆԻ ԴԵԿՏԵՄԲԵՐԻ 20-Ի N 1676-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

 

  1. Իրավական ակտի անհրաժեշտությունը (նպատակը). Նախագիծը մշակվել է ի կատարումն ՀՀ վարչապետի 19.02.2019թ. N02/04.2/7794-2019 հանձնարարականի և նպատակ ունի հանրապետությունում ըստ մասնավոր հատվածի գործատուների իրականացնել թափուր հաստիքների (աշխատատեղերի) հաշվառում:
  2. Կարգավորման հարաբերությունների ներկա վիճակը և առկա խնդիրները. Զբաղվածության բնագավառում քաղաքականությունը իրականացնում է ՀՀ աշխատանքի և սոցիալական հարցերի նախարարությունը` զբաղվածության գործակալության միջոցով:
  3. Առկա խնդիրների առաջարկվող լուծումները. Նախագծով նախատեսվում է մասնավոր հատվածի գործատուներից ստանալ նրանց մոտ առկա թափուր աշխատատեղերի թվաքանակի վերաբերյալ տեղեկատվություն և ՀՀ սոցիալական ապահովության ծառայության միջոցով այն տրամադրել զբաղվածության գործակալությանը:
  4. Կարգավորման առարկան. Նախագծով նախատեսվում է եկամտային հարկի և սոցիալական վճարի հաշվարկների միջոցով մասնավոր հատվածի գործատուներից ստանալ տեղեկատվություն առկա թափուր հաստիքների վերաբերյալ:
  5. Նախագծի մշակման գործընթացում ներգրավված ինստիտուտները և անձինք. Նախագի­ծը մշակվել է ՀՀ պետական եկամուտների կոմիտեի կող­­մից:
  6. Իրավական ակտի կիրառման դեպքում ակնկալվող արդյունքը. Նախագծի ընդուն­­­­­­­­­­­­­­­­­­­­մամբ ակնկալվում է, որ կստեղծվի մասնավոր հատվածի գործատուների մոտ առկա թափուր հաստիքների (աշխատատեղերի) վերաբերյալ տեղեկատվական բազա, որը հնարավորություն կընձեռի բարձրացնել զբաղվածության բնագավառում իրականացվող քաղաքականության արդյունավետությունը:
  • Քննարկվել է

    18.01.2020 - 02.02.2020

  • Տեսակ

    Որոշում

  • Ոլորտ

    Աշխատանք և զբաղվածություն

  • Նախարարություն

    Պետական եկամուտների կոմիտե

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 3066

Տպել

Առաջարկներ`

Art Zak

21.01.2020

Առաջարկություններ 1. Նախագծում Պետական ոչ առևտրային կազմակերպությունների հետ ավելացնել նաև Համայնքային ոչ առևտրային կազմակերպությունները, քանի որ Տեղական ինքնակառավարման մարմինները ևս ընդգրկված են /չներկայացնողների/ թվարկման մեջ: 2. Հաշվի առնելով, որ միկրո, փոքր և միջին ձեռնարկությունների մեծ մասը գործում է ինքնուս կառավարման ձևերով և սկզբունքներով և, որպես կանոն, չի ունենում կազմակերպության հատատված կառուցվածք ու հետևաբար հաստիքացուցակ, իսկ աշխատատեղը փաստացի հայտարարվում է անձի աշխատանքի ընդունման պահով, ահրաժեշտ է. սահմանել ՞թափուր հաստիք ՞ հասկացությունը նմանատիպ կազմակերպությունների համար և դրա առկայության հիմքը: Հարցին առընչվող ՀՀ ՞Աշխատանքային Օրենսգրքի՞ 86 հոդվածում սահմանում տրված չէ: հստակեցնել ձեռնարկատիրական միավորի պարտականություններն ու պատասխանատվությունը ՛թափուր հաստիքների՛ մասին տեղեկատվության ներկայացման մասով: 3. Հաշվի առնելով, որ սահմանվող գործառույթը առաջացնելու է հարկ վճարողի մոտ լրացուցիչ ՛վարչական բեռ՛, անհրաժեշտ է ՛թափուր հաստիքի հայտավորման՛ այս նորմի հետ միաժամանակ ընդունել հարակից այն նորմատիվային ակտերը, որոնցով նախատեսվում է օգտագործել ստացված տեղեկատվությունը, մասնավորապես ՀՀ աշխատանքի և սոցիալական հարցերի նախարարության կողմից: 4. Ընդհանուր առմամբ այս նորմի ներմուծումն ավելորդ է որպես հարկային մարմնին ներկայացվող տեղեկատվություն, իսկ անհրաժեշտ տեղեկատվությունը կարող էր ստացվել թիրախային դիտարկումների կամ վիճակագրական մարմնի միջոցով:

Տեսնել ավելին