Հիշել նախագիծը

Հայաստանի Հանրապետության հողային օրենսգրքում փոփոխություններ կատարելու մասին


ՀԻՄՆԱՎՈՐՈՒՄ

«Հայաստանի Հանրապետության հողային օրենսգրքում  փոփոխություն կատարելու մասին» ՀՀ օրենքի նախագծի ընդունման

1

Անհրաժեշտությունը

 

Նախագծի ընդունման անհրաժեշտությունը պայմանավորված է
ՀՀ էկոնոմիկայի նախարարության կողմից որդեգրած քաղաքականությամբ` չմշակվող գյուղատնտեսական նշանակության հողերը շրջանառության մեջ ընդգրկման, հողօգտագործման արդյունավետության բարձրացման և գյուղատնտեսական շրջանառությունից հողերի անհիմն բացառման նպատակով:

2

Ընթացիկ իրավիճակը և խնդիրները

 

Ներկայումս ՀՀ էկոնոմիկայի նախարարություն բազմաթիվ դիմումներ են ստացվում հողերի նպատակային նշանակության փոփոխության հետ կապված, որոնց վերաբերյալ տրամադրելով բացասական կարծիք`
ՀՀ հողային օրենսգրքի 36-րդ հոդվածի 1-ին մասով սահմանված հողերի պահպանու­թյան և արդյունավետ օգտագործման, գյուղա­տնտե­սական շրջանառու­թյունից հողերի անհիմն բացառման դրույթներով պայմա-նավորված, բախվում ենք մի շարք խնդիրների. ներկայացվում են պարզաբանումներ, որ հողերը երկար տարիներ չեն մշակվել ու պիտանի չեն գյուղատնտեսական գործունեություն ծավալելու համար, կամ որ ՀՀ էկոնոմիկայի նախարարությունը խոչընդոտում է տնտեսության այլ ճյուղերում ներդրումների ներգրավմանն ու աշխատատեղերի ստեղծմանը և այլն:

3

Տվյալ բնագավառում իրականացվող քաղաքականությունը

 

ՀՀ հողային օրենսգրքի 9-րդ հոդվածի 3-րդ մասով սահմանվում է` «Գյուղատնտեսական հողատեսքերը ենթակա են հատուկ պահպանության: Այդ հողերի փոխադրումը ոչ գյուղատնտեսական նշանակության հողերի թույլատրվում է բացառիկ դեպքերում` սույն օրենսգրքի 7-րդ հոդվածով սահմանված կարգով:», սակայն 7-րդ հոդվածի դրույթները չեն սահմանում այդ բացառիկ դեպքերը կամ այն չափորոշիչները, որոնց առկայության պարագայում՝ բացառիկ դեպքերում կարելի է թույլատրել գյուղատնտեսական նշանակության հողերի նպատակային նշանակության փոփոխությունը:

4

Կարգավորման նպատակը և բնույթը

 

Նախագծի ընդունման նպատակը գյուղատնտեսական նշանակության հողերի պահպանության և արդյունավետ օգտագործման, գյուղատնտե-սական շրջանառությունից անհիմն բացառման օրենսդրական հենքի ստեղծումն է:

  5

Նախագծի մշակման գործընթացում ներգրավված ինստիտուտները և անձինք

 

Նախագիծը մշակվել է ՀՀ էկոնոմիկայի նախարարության կողմից:

6

Ակնկալվող արդյունքը

 

Նախագծի ընդունման արդյունքում հնարավորություն կստեղծվի բացառել գյուղատնտեսական հողերի անհիմն փոխադրումն այլ կատեգորիա:

ՏԵՂԵԿԱՆՔ

«Հայաստանի Հանրապետության հողային օրենսգրքում  փոփոխություն կատարելու մասին» ՀՀ օրենքի նախագծի ընդունման դեպքում պետական կամ տեղական ինքնակառավարման մարմինների բյուջեներում ծախսերի և եկամուտների էական ավելացումների կամ նվազեցումների մասին

«Հայաստանի Հանրապետության հողային օրենսգրքում փոփոխություն կատարելու մասին» ՀՀ օրենքի նախագծի ընդունման դեպքում պետական կամ տեղական ինքնակառավարման մարմինների բյուջեներում ծախսերի և եկամուտների էական ավելացումներ կամ նվազեցումներ չեն նախատեսվում:

 

 

ՏԵՂԵԿԱՆՔ

«Հայաստանի Հանրապետության հողային օրենսգրքում  փոփոխություն կատարելու մասին» ՀՀ օրենքի նախագծի ընդունման առնչությամբ այլ իրավական ակտերի ընդունման անհրաժեշտության բացակայության մասին

1

«Հայաստանի Հանրապետության հողային օրենսգրքում փոփոխություն կատարելու մասին» ՀՀ օրենքի նախագծի ընդունման դեպքում առաջանում է «Գյուղատնտեսական նշանակության հողերն այլ կատեգորիայի փոխադրման բացառիկ դեպքերը սահմանելու մասին» ՀՀ կառավարության որոշման նախագծի ընդունման անհրաժեշտություն:

2

«Հայաստանի Հանրապետության հողային օրենսգրքում փոփոխություն կատարելու մասին» ՀՀ օրենքի նախագծի ընդունումը չի հակասում
ՀՀ միջազգային պայմանագրերով ստանձնած պարտավորություններին:

 

 

 

  • Քննարկվել է

    15.01.2020 - 30.01.2020

  • Տեսակ

    Օրենք

  • Ոլորտ

    Գյուղատնտեսություն, Էկոնոմիկա

  • Նախարարություն

    Էկոնոմիկայի նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 3129

Տպել

Առաջարկներ`

Արայիկ Բաղդասարյան

16.01.2020

Նման նախագիծը կվնասի համայնքի զարգացմանը քանի որ գոյություն ունեն համայնքներ որտեղ ուղակի մշակելը անշահութաբեր է։ Նախագիծ գտնվում է թերի վիճակում ։ Առաջարկում եմ կապնվեք ՀՀ Համայնքների ղեկավարների հետ ։ Համայնքի ղեկավարից ճշտեք կլիմայական առաձնահատկությունները թվյալ համայնքի , հողը որ դասակարգման է պատկանում կավահող է թե ղռիճ ։ Բոլոր համայնքների ղեկավարներից տեղեկությունները ստանալուց հետո կապնվեք համայնքների բնակչության հետ ճշտեք առդյոք ստացված ինֆորմացիան համապատասխանում է իրականության հաջորդ քայլը կատարեք վիճակագրական գնահատում եթե համայնքների 75 տոկոսի հողերը բարենպաստ են մշակման համար և կա որոքման հնարավորություն ապա նախագիծը դրեք քննարկման ։ 25 տոկոսի համարել համապատասխան այլընտրանքային լուծման նախագծի հետ համատեղ։

Տեսնել ավելին