Հիշել նախագիծը

Լրամշակման փուլում է

«ՀԱՅԿԱԿԱՆ ՎԻՐՏՈՒԱԼ ԿԱՄՈՒՐՋ» ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

Հիմնավորում

ՀՀ կառավարության «Հայկական վիրտուալ կամուրջ» ծրագիրը հաստատելու մասին

 

         Որոշման նախագծի ընդունումը պայմանավորված է Հայաստանի Հանրապետության կառավարության 2019 թվականի փետրվարի 8-ի «Հայաստանի հանրապետության կառավարության ծրագրի մասին» N 65-Ա որոշման 7.1 կետով, համաձայն որի Կառավարությունը նպատակադրվել է Հայաստանը դարձնել բարձր տեխնոլոգիական, արդյունաբերական երկիր, որին հասնելու և բարձր տեխնոլոգիաների զարգացումն ապահովելու համար իրականացվող քայլերից է Հայկական վիրտուալ կամուրջ ծրագրի մշակումն ու իրագործումը: Այն հնարավորություն կտա օգտագործելով հայկական գիտական միտքը և հնարավորությունները, տեխնոլոգիական և սփյուռքի ներուժը` ընդլայնել համաշխարհային տեխնոհսկաների հետ գործակցության աշխարհագրությունն ու հնարավորությունները:

          Ծրագրի մեկնարկը նախատեսվում է 2020 թվականից, որի համար ՀՀ պետական բյուջեով յուրաքանչյուր տարի կհատկացվի 1,3 մլրդ դրամ`  ՀՀ կառավարության 2019 թվականի հուլիսի 10-ի «Հայաստանի Հանրապետության 2020-2022 թվականների պետական միջնաժամկետ ծախսերի ծրագիրը հաստատելու մասին» N 900-Ն որոշմամբ հաստատված չափաքանակներին համապատասխան:

          Ծրագիրն իր տեսակով առաջին և խոշորագույն ծրագիրն է, որը անմիջականորեն իրականացվելու է Սփյուռքի տեխնոհամայնքի և Հայկական Բարեգործական Ընդհանուր Միության հետ միասին։ Այն հայկական ստարտափ ընկերություններին ու ձեռներեցներին հնարավորություն կտա պետական աջակցությամբ և հատուկ մշակված օրակարգով այցելել Սիլիկոնյան հովիտ, մասնակցելու կատարելագործման ծրագրերին, լուծելով ժամանակավոր կեցության հարցրեր, համագործակցության այլ հնարավորություններ բացահայտելով։  

 

 

 

 

 


  • Քննարկվել է

    12.12.2019 - 28.12.2019

  • Տեսակ

    Որոշում

  • Ոլորտ

    Բարձր տեխնոլոգիական արդյունաբերություն

  • Նախարարություն

    Բարձր տեխնոլոգիական արդյունաբերության նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 1573

Տպել

Առաջարկներ`

Արսեն Հայրապետյան

12.12.2019

Նախաբանից.《մուտք դեպի գլոբալ աքսերելացոն ծրագրերին》. սա ի՞նչ լեզվով է գրված։ Դժվար թե հայերեն։ 《Աքսերելացոն》 բառը 《աքսոր》 բառի հետ կապ ունի՞։ Իմ առաջարկն է՝ հայոց լեզվի արհեստավարժ մասնագետ վարձել օրենքի հեղինակի համար։

Տեսնել ավելին