Հիշել նախագիծը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀԱԿԱՆ ԵՎ ԱՇԽԱՏԱՆՔԻ ՏԵՍՉԱԿԱՆ ՄԱՐՄՆԻ ԿՈՂՄԻՑ ԻՐԱԿԱՆԱՑՎՈՂ ՌԻՍԿԻ ՎՐԱ ՀԻՄՆՎԱԾ ՍՏՈՒԳՈՒՄՆԵՐԻ ՍՏՈՒԳԱԹԵՐԹԵՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԱՊՐԻԼԻ 4-Ի N 349-Ն ԵՎ 2013 ԹՎԱԿԱՆԻ ՀՈՒԼԻՍԻ 4-Ի N 724-Ն ՈՐՈՇՈՒՄՆԵՐՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

ՀԻՄՆԱՎՈՐՈՒՄ

 «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀԱԿԱՆ ԵՎ ԱՇԽԱՏԱՆՔԻ  ՏԵՍՉԱԿԱՆ ՄԱՐՄՆԻ ԿՈՂՄԻՑ ԻՐԱԿԱՆԱՑՎՈՂ ՌԻՍԿԻ ՎՐԱ ՀԻՄՆՎԱԾ ՍՏՈՒԳՈՒՄՆԵՐԻ ՍՏՈՒԳԱԹԵՐԹԵՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԱՊՐԻԼԻ 4-Ի N 349-Ն ԵՎ 2013 ԹՎԱԿԱՆԻ ՀՈՒԼԻՍԻ 4-Ի N 724-Ն ՈՐՈՇՈՒՄՆԵՐՆ ՈՒԺԸ ԿՈՐՑՐԱԾ ՃԱՆԱՉԵԼՈԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ

 

  1. Կարգավորման ենթակա ոլորտի կամ խնդրի սահմանումը

«Պետական կառավարման համակարգի մարմինների մասին» ՀՀ օրենքի 4-րդ հոդվածի և «Հայաստանի Հանրապետությունում ստուգումների կազմակերպման և անցկացման մասին» ՀՀ օրենքի 3-րդ հոդվածի պահանջներից ելնելով անհրաժեշտ է հաստատել Հայաստանի Հանրապետության առողջապահական և աշխատանքի տեսչական մարմնի կողմից իրականացվող առողջապահության, աշխատողների առողջության և անվտանգության ապահովման նկատմամբ վերահսկողության իրականացման ստուգաթերթերը:  

 

  1. Առկա իրավիճակը

«Պետական կառավարման համակարգի մարմինների մասին» Հայաստանի Հանրապետության օրենքի 4-րդ հոդվածի 2-րդ մասով նախատեսված են կառավարությանը ենթակա մարմինները, որոնց թվում են նաև ՀՀ օրենքի համաձայն ստուգում իրականացնող տեսչական մարմինները՝ այդ թվում Առողջապահական և աշխատանքի տեսչական մարմինը:

Առողջապահական և աշխատանքի տեսչական մարմինը թեև հանդիսանում է ստուգում իրականացնող տեսչական մարմին, սակայն ներկայումս չունի «Հայաստանի Հանրապետությունում ստուգումների կազմակերպման և անցկացման մասին» Հայաստանի Հանրապետության օրենքի 3-րդ հոդվածի 1.1-ին մասի պահանջով սահմանված կարգով հաստատած ստուգաթերթեր՝ օրենքով և կանոնադրությամբ իրեն վերապահված լիազորություններն իրականացնելու համար։

Ներկայումս գործում են Հայաստանի Հանրապետության կառավարության 2013 թվականի ապրիլի 4-ի «Հայաստանի Հանրապետության առողջապահության նախարարության աշխատակազմի առողջապահական պետական տեսչության կողմից անցկացվող` ռիսկի վրա հիմնված ստուգումների ստուգաթերթերը հաստատելու մասին» N 349-Ն և Հայաստանի Հանրապետության կառավարության 2013 թվականի հուլիսի 4-ի «Դեղեր ներմուծող, արտահանող և դեղագործական գործունեություն իրականացնող անձանց կողմից պարտադիր պահանջների և պայմանների ապահովման` ռիսկի վրա հիմնված ստուգումների ստուգաթերթերը հաստատելու մասին» N 724-Ն որոշումները, որոնք անհրաժեշտ է ուժը կորցրած ճանաչել՝ հաշվի առնելով, որ Առողջապահության նախարարության աշխատակազմում այլևս չի գործում առողջապահական պետական տեսչություն։

 

  1. Կարգավորման նպատակը

Նախագծի ընդունման նպատակն է հաստատել Առողջապահական և աշխատանքի տեսչական մարմնի կողմից իրականացվող առողջապահության, աշխատողների առողջության և անվտանգության ապահովման նկատմամբ  վերահսկողության իրականացման ստուգաթերթերը, որոնց հիման վրա տեսչական մարմինը հնարավորություն կունենա ռիսկի վրա հիմնված ստուգումների համակարգի շրջանակներում իրականացնել տեսչական ստուգումներ:  

 

  1. Ակնկալվող արդյունքը

Նախագծի ընդունման արդյունքում ակնկալվում է ապահովել տեսչական մարմինների բնականոն գործունեության ընթացքի հետ կապված իրավական հիմքերը:

 

  1. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ առողջապահական և աշխատանքի տեսչական մարմնի և ՀՀ վարչապետի աշխատակազմի տեսչական մարմինների աշխատանքների համակարգման գրասենյակի կողմից:

  • Քննարկվել է

    27.11.2019 - 12.12.2019

  • Տեսակ

    Որոշում

  • Ոլորտ

    Տեսչական համակարգ

  • Նախարարություն

    Վարչապետի աշխատակազմ

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 10339

Տպել

Առաջարկներ`

Արմեն Վարդանյան

12.12.2019

Որոշման նախագծի՝ 1-ին հավելվածով սահմանված 1.1 ստուգաթերթի հարցաշարի 10-16-րդ, 20-21-րդ, 30-րդ հարցերում լրացնել <<բացառությամբ սննդի կազմակերպման և հանրային սննդի ծառայությունների >> բառերը, որովհետև այդ հարցերը սննդամթերքի անվտանգության բնագավառում վերահսկողություն իրականացնող լիազոր մարմնի վերահսկողության շրջանակներում են և պետք է բացառվի իրավասու մարմնի, այդ թվում՝ վերահսկող մարմինների գործառույթների կրկնորդումը տնտեսավարողի գործունեության կամ դրա առանձին գործառույթների նկատմամբ՝ բացառելով որոշակի պահանջի կամ պարտավորության կամ նույն խնդրի նկատմամբ տարբեր մարմինների միջամտությունը և ավելորդ վարչարարությունը: 1-ին հավելվածով սահմանված 1.2 ստուգաթերթի հարցաշարի 67-68, 70-72 հարցերը հանել կամ փոխել այդ հարցերի բովանդակությունը, որովհետև հարցերի խնդրո առարկան սննդամթերքի անվտանգության բնագավառում վերահսկողություն իրականացնող լիազոր մարմնին ՀՀ օրենսդրությամբ վերապահված իրավասությունների և գործառույթների տիրույթում է: Նույնը վերաբերում է նշում 2-ին և և նշում 3-ին և դրանցով սահմանված դրույթներին, որոնք ևս սննդամթերքի անվտանգության բնագավառում վերահսկողություն իրականացնող լիազոր մարմնի վերահսկողության շրջանակներում են: 2-րդ հավելվածով սահմանված 2.1 ստուգաթերթի և հարցաշարի վերնագրում լրացնել <<բացառությամբ անասնաբուժական դեղամիջոցների և դրանց շրջանառության>> բառերը, որովհետև անասնաբուժական դեղերի նկատմամբ և դրանց շրջանառության փուլերում վերահսկողությունը անասնաբուժության բնագավառում վերահսկողություն իրականացնող լիազոր մարմնի իրավասությունների և գործառույթների տիրույթում է:

Տիգրան Սարաֆյան

10.12.2019

եթե կառույցը աշխատողների աշխատանքի ընդունման կարգի պահպանման, օրենքով սահմանված կարգով և ժամկետներում աշխատավարձի հաշվարկման ու վճարման և վերջնահաշվարկի կատարման նկատմամբ վերահսկողություն իրականացնելու լիազորություններ չունի, թող ունենա ավելի կլինի մարդկանց համար, ինչն է խանգարում ունենալու համար, ասեք

Տիգրան Սարաֆյան

03.12.2019

1. աշխատողների ձևակերպված լինել/չլինելու հարցը բաց է թողնված, պետք է այս կառույցն էլ հարցին անպայման անդրադառնա, 2. աշխատողների աշխատավարձի չափի հարցին էլ պետք է անդրադարձ լինի և իրավական ակտերի ցանկում ավելացվի նվազագույն աշխատավարձի օրենքը և դրա հետ կապված մյուս օրենքները, որպեսզի ստուգման հարցերից լինեն այն թե ստանում են սահմանված նվազագույնը, հավելումները, սոց.վճարները և այլն, 3. կառույցը պետք է արձագանքող լինի աշխատավարձերի, վերջնահաշվարկներին չվճարման դեպքերին արագ արձագանքող կառույց լինի, դատական մեխանիզմը նման հարցերի դեպքում ժամանակատար է, չհաշված եթե չեն հանդիսացել ձևակերպված կամ գոնե քաղիրավ. պայմանագրով աշխատողներ, բա էլ ինչու է կառույցը կոչվում նաև աշխատանքի տեսչություն,

Տեսնել ավելին