«Միջազգային զարգացման կազմակերպությունների ցանկը սահմանելու մասին» ՀՀ կառավարության որոշման նախագիծ

Հիմնավորում

«Միջազգային զարգացման կազմակերպությունների ցանկը սահմանելու մասին» ՀՀ կառավարության որոշման նախագծի վերաբերյալ

1. Իրավական ակտի անհրաժեշտությունը (նպատակը). Նախագծի նպա­տակը Հայաստանի Հանրապետության հարկային օրենսգրքի կիրարկումն ապա­հովելն է:
2. Կարգավորման հարաբերությունների ներկա վիճակը և առկա խնդիրները. 2016 թվա­­­­­կանի հոկտեմբերի 4-ին ընդունված՝ Հայաստանի Հանրապետության հարկային օրենս­գրքի 114-րդ հոդ­վածի 1-ին մասի 2-րդ կետի համաձայն, Հայաստանի Հանրապետության կառա­վա­րության սահմանած ցանկում ընդգրկված միջազգային զարգացման կազմակեր­պու­թյունների կողմից ստացված փոխառությունների գծով հաշվարկվող տոկոսների գումար­ների, ինչպես նաև պարտքային արժեթղթերի հրապարակային տեղաբաշխման միջոցով ներ­գրավ­ված միջոցների գծով հաշվարկվող տոկոսների գումարների մասով շահու­թա­հար­կով հարկման նպատակով համախառն եկամտից նվազեցման առավելագույն թույլատրելի նորմա չի կիրառվում:

Խնդիրը կայանում է նրանում, որ 2018 թվականի հունվարի 1-ից ուժի մեջ է մտնելու Հայաստանի Հանրապետության հարկային օրենսգիրքը, որի 114-րդ հոդ­վածի 1-ին մասի 2-րդ կետով սահմանված վերո­­նշյալ դրույթների կիրարկումն ապահովելու համար ՀՀ կառա­վա­րության որոշ­­մամբ միջազգային զարգացման կազմակերպությունների ցանկ ներկայումս սահ­մանված չէ:

3. Առկա խնդիրների առաջարկվող լուծումները. Նախագծով առաջարկվում է սահ­մա­նել միջազգային զարգացման այն կազմակերպությունների ցանկը, որոնց կողմից ստաց­ված փոխառությունների գծով հաշվարկվող տոկոսների գումար­ների, ինչպես նաև պարտ­քա­յին արժեթղթերի հրապարակային տեղաբաշխման միջոցով ներ­գրավ­ված միջոցների գծով հաշվարկվող տոկոսների գումարների մասով շահու­թա­հար­կով հարկման նպատակով համա­խառն եկամտից նվազեցման առավելագույն թույլատրելի նորմա չի կիրառվում:
4. Կարգավորման առարկան. Նախագծի կարգավորման առարկան միջազգային զարգացման կազմակերպությունների ցանկն է:
5. Նախագծի մշակման գործընթացում ներգրավված ինստիտուտները և անձինք. Նախագի­ծը մշակվել է ՀՀ ֆինանսների նախարարության կող­­մից:
6. Իրավական ակտի կիրառման դեպքում ակնկալվող արդյունքը. Նախագծի ընդուն­­­­­­­­­­­­­­­­­­­ման արդ­յուն­­քում ակնկալվում է սահմանել Հայաս­տանի Հան­րապետության հար­կա­յին օրենսգրքի վերո­նշյալ դրույթներով նախատեսված միջազգային զարգացման կազմա­կեր­պությունների ցանկը: