Հիշել նախագիծը

Հայաuտանի Հանրապետության կառավարության 2018 թվականի ապրիլի 12-ի N 404-Ն որոշման մեջ փոփոխություններ կատարելու մասին

Նախագիծ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

ՙ       ՚ ----------- 2019 թվականի N       -Ն

 

 

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԱՊՐԻԼԻ 12-Ի

N 404-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

    Ղեկավարվով «Նորմատիվ իրավական ակտերի մասին» 34-րդ հոդվածի 1-ին մասով` Հայաստանի Հանրապետության կառավարությունը որոշում է.

  1. Հայաստանի Հանրապետության կառավարության 2018 թվականի ապրիլի 12-ի «Զինվորական ծառայության համար քաղաքացու կամ զինծառայողի պիտանիության աստիճանը որոշող հիվանդությունների ցանկը, ինչպես նաև քաղաքացու կամ զինծառայողի առողջական վիճակին հակացուցված զինվորական ծառայության պայմանները սահմանելու մասին» N 404-Ն որոշման մեջ կատարել հետևյալ փոփոխությունները.

     1) հավելված 1-ով սահմանված հիվանդությունների ցանկի 1-ին հոդվածի՝

     ա. «բ» կետի 2-րդ սյունակը շարադրել հետևյալ խմբագրությամբ.

     «բ) թեթև աստիճանի մտավոր հետամնացություն, մտավոր հետամնացության այլ ձևեր»,

      բ. «գ» կետի 2-րդ սյունակը շարադրել հետևյալ խմբագրությամբ.

     «գ) սոցմանկավարժական բարձիթողի վիճակներ»,

      գ. բացատրական մասի երկրորդ և երրորդ պարբերությունները շարադրել հետևյալ խմբագրությամբ.

  ««բ» կետին են վերաբերում թեթև աստիճանի մտավոր հետամնացությունները, ինչպես նաև այլ և չճշտված մտավոր հետամնացությունները` անկախ վարքի և հարմարվողականության խանգարումների առկայությունից:

     «գ» կետին են վերաբերում սոցմանկավարժական բարձիթողի վիճակները: Փորձաքննության ժամանակ նկատի են առնվում օրգանիզմի ֆիզիկական, հոգեկան, ինտելեկտուալ զարգացման հնարավորությունների առկայությունը, հարմարվողականությունը և անհրաժեշտ հմտությունների ձեռքբերումը:».

 

      2) հավելված 2-ով սահմանված՝

   ա. հիվանդությունների ցանկի 1-ին սյունակով փորձաքննվողների զինվորական ծառայության սահմանափակումների բնութագրերի աղյուսակի «1գ» տողի 2-րդ սյունակում նշված հակացուցումը հանել,

   բ. հիվանդությունների ցանկի 3-րդ սյունակով փորձաքննվողների զինվորական ծառայության սահմանափակումների բնութագրերի աղյուսակի «1գ» տողի 2-րդ և 3-րդ սյունակներում նշված հակացուցումները հանել:

  1. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
  • Քննարկվել է

    07.06.2019 - 22.06.2019

  • Տեսակ

    Որոշում

  • Ոլորտ

    Անվտանգություն

  • Նախարարություն

    Պաշտպանության նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 7049

Տպել

Առաջարկներ`

Արտակ Պողոսյան

09.06.2019

Ներկայացված նախագիծը անհրաժեշտ է ներկայացնել լիարժեք, ինչը հնարավոր կլինի համեմատել այն իրավական ակտի հետ որում կատարվում եմ համապատասխան փոփոխությունները կամ լրացումները: Բացի այդ, WORD տարբերակը հնարավոր չէ ներբերնել:

Shushanik Sahakyan

07.06.2019

Երկու տարբեր հարցեր դրել եք նույն քննարկման տակ? Երեխայի կարիքի գնահատման մեջ էլ է նույն թերությունը, որն էլ պատճառ է հանդիսանում ոչ լիարժեք գնահատման։

Տեսնել ավելին