Հիշել նախագիծը

ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ ՀՀ ՕՐԵՆՔԻ ԵՎ ՀԱՐԱԿԻՑ ՕՐԵՆՔՆԵՐԻ ՆԱԽԱԳԾԵՐ

Նախագծի ընդունումը նպատակ ունի վերականգնելու երթևեկության անվտանգության ապահովման ոլորտում վարչական պատասխանատվության արդարության սկզբունքը, տուգանային միավորների համակարգի ներդրումը, որպես ճանապարհային երթևեկության անվտանգության ապահովման իրավական գործիք, միտված կլինի վարչական իրավախախտումների ընդհանուր և անհատական կանխարգելմանը և վարչական պատասխանատվության միջոցների ուղղիչ գործառույթի ապահովմանը, տուգանքների չափերի վերանայման և վարչական պատասխանատվության նոր մեխանիզմների կիրառման արդյունքում կթեթևանա ՀՀ քաղաքացիների սոցիալական բեռը:

  • Տևողություն

    27.11.2018 12.12.2018
  • Տեսակ

    Օրենք

  • Ոլորտ

    Անվտանգություն, Քրեական օրենսդրություն, Սահմանադրական և վարչական օրենսդրություն, Հասարակական կարգի պահպանություն, հասարակական անվտանգության ապահովում և համայնքային ոստիկանություն, Ճանապարհային երթևեկության անվտանգություն

  • Նախարարություն

    Ոստիկանություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 276

Տպել

Առաջարկներ`

Գեւորգ Հայրապետյան

10.12.2018

Նախագծերով առաջարկվող բալային համակարգի դեպքում հաշվի առնված չեն հնարավոր ոչ իրավաչափ վարչարարության կամ ենթադրյալ անվավեր կամ առոչինչ վարչական ակտերի բողոքարկման արդյունքում բալերի կորուստը կասեցնելու կամ արդեն դուրս եկած բալերը վերականգնելու կարգավորումները: Մասնավորապես, եթե օրենքով սահմանված ժամկետում քաղաքացին բողոքարկել է (վարչական կամ դատական կարգով) իր նկատմամբ կիրառվող տուգանքը, ապա այն չի կիրառվում, մինչեւ բողոքարկման արդյունքում ստացված վերջնական ակտի ուժի մեջ մտնելը: Իսկ եթե քաղաքացին որեւէ պատճառով արդեն վճարել է տուգանքը կամ ԴԱՀԿ-ի միջոցով այն բռնագանձվել է (էական չէ), ապա բողոքարկելու եւ բարենպաստ ակտ ստանալու դեպքում վճարված գումարները վերադարձվում են: Նույնը մոտեցումն առաջարկում եմ բալերի դեպքում: Այսպես, գտնում եմ, որ եթե քաղաքացին բողոքարկել է իր նկատմամբ կիրառվող տուգանքը, ապա կոնկրետ դեպքում բալերի կորուստը կասեցվում է մինչեւ բողոքարկման արդյուքում ստացվի վերջնական ակտ: Կամ, եթե բալերը հանվել են, սակայն բողոքարկման արդյունքում իր նկատմամբ կիրառված վարչական ակտն անվավեր կամ առոչինչ է ճանաչվել, ապա բալերը պետք է վերականգնվեն: Վերոնշյալի համատեքստում առաջարկում եմ նաեւ, որ միավորները դուրս գան այն ժամանակ, երբ վարչական ակտը կդառնա անբողոքարկելի (նույն մոտեցումն է, ինչ տուգանքները հարկադիր կատարման ուղարկելու դեպքում): Սա մի կողմից կկանխի ոչ համաչափ միջամտությունը մարդու իրավունքներին, մյուս կողմից ոստիկանությանը կազատի բողոքարկված եւ քաղաքացու համար բարենպաստ ակտով ավարտված վարչական ակտերի կիրառման արդյունքում հասցրած վնասները հատուցելու ռիսկից:

Տեսնել ավելին

Թողնել առաջարկ

Դուք կարող եք թողնել մեկնաբանություն միայն կայքում գրանցվելուց և հետո:

Ձեր մեկնաբանությունը կհրապարակվի կայքի ադմինիստրատորի հաստատումից հետո 2 աշխատանքային օրվա ընթացքում:

Ներկայացված առաջարկները կարող եք տեսնել Ամփոփաթերթ բաժնում: