«ՏԱՐԵՑ ԿԱՄ ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ ԽՆԱՄՔԻ ՏՐԱՄԱԴՐՄԱՆ ԿԱՐԳԵՐԻՑ ԵՎ ՊԱՅՄԱՆՆԵՐԻՑ ԲԽՈՂ ԸՆԹԱՑԱԿԱՐԳԵՐԸ ԵՎ ՕՐԻՆԱԿԵԼԻ ՁԵՎԱԹՂԹԵՐԸ ՀԱՍՏԱՏԵԼՈՒ ՄԱՍԻՆ» ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐԻ ՀՐԱՄԱՆԻ ՆԱԽԱԳԻԾ
Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում
| h/h | Առաջարկության հեղինակը, ստացման ամսաթիվը | Կարգավիճակ | Առաջարկության բովանդակությունը | Կցված փաստաթղթերը | Եզրակացություն | Դրույթ |
|---|---|---|---|---|---|---|
| 1 | 2 | 3 | 4 | 5 | 6 | |
| 1 | Արմինե Սահակյան 12.11.2025 00:24:58 | 1) Առաջարկում եմ շահառուի և ծառայություն մատուցող կազմակերպության միջև կնքվող պայմանագիրն ունենալ նաև պարզեցրած տարբերակով` մտավոր հաշմանդամություն ունեցող անձանց համար։ |
Առաջարկը չի ընդունվել: Պայմանագիրը պետք է լինի միասնական ձևաչափի, անհրաժեշտության դեպքում ցանկացած շահառու, ելնելով գնահատված կարիքի առանձնահատկություններից, կունենա մասնագետի կողմից օգնության և աջակցության հնարավորություն: Միաժամանակ հարկ է նշել, որ համաձայն նախագծի՝ տեսողական խնդիրներ ունեցող անձի պարագայում պետք է նախատեսվի բրայլյան գրերի միջոցով պայմանագիրը կնքելու հնարավորություն: |
|||
| 2 | Արմինե Սահակյան 12.11.2025 00:32:47 | Նախագծի 14 կետում` շահառուհի ինքնագնահատման հարցաթերթը կամ հարցաշարը մտավոր հաշմանդամոյթյուն ունեցող անձանց համար պարզեցված, մատչելի ձևաչափով լինի։ Գրելու կարդալու դժվարություն ունեցող անձանց համար ստեղծել պայմանագրերի այլընտրանքային տարբերակ։ |
Առաջարկը չի ընդունվել: Նախագծի Հավելված 2 և Հավելված 3-ի Ձև 10-ով, ինչպես նաև Հավելված 4-ի Ձև 11-ով սահմանված ինքնագնահատման թերթիկը լրացվում է համապատասխան մասնագետի կողմից՝ շահառուի ցանկությամբ և համաձայնությամբ: Հետևաբար, եթե շահառուն ցանկանա լրացնել այն, ապա մասնագետը նրան այդ հարցադրումները կհնչեցնի նրա համար մատչելի և հասկանալի ձևակերպումներով՝ կարիքի առկայության դեպքում: |
