ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ 2022 ԹՎԱԿԱՆԻ ՕԳՈՍՏՈՍԻ 26-Ի N 21-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

<ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ 2022 ԹՎԱԿԱՆԻ ՕԳՈՍՏՈՍԻ 26-Ի N 21-Ն  ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ> ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԾԻ

     1.Անհրաժեշտությունը

       Նախագծի ընդունումը պայմանավորված է Հայաստանի Հանրապետության տարածքում շինարարական հրապարակներում շինարարական աշխատանքների կազմակերպման և անվտանգության ապահովման գործում ներգրավված ղեկավար, ինժեներական, տեխնիկական և աշխատանքային անձնակազմի պատասխանատվության բարձրացման,  ինչպես նաև պարտավորությունների պատշաճ կատարման վերաբերյալ գործնականում կիրառելի կարգագրերի և հաշվետվությունների կազմման (լրացման)  անհրաժեշտությամբ։

     2. Ընթացիկ իրավիճակը և խնդիրները

       Հայաստանի Հանրապետության քաղաքաշինության կոմիտեի նախագահի 2022 թվականի օգոստոսի 26-ի N 21-Ն հրամանով հաստատվել է ՀՀՇՆ 13-02-2022 «Անվտանգության տեխնիկա շինարարությունում» շինարարական նորմերը: Նորմերի Ձևաթերթ 1 –ի <ԿԱՐԳԱԳԻՐ-ԹՈՒՅԼՏՎՈՒԹՅՈՒՆ> -ով սահմանված լայն պահանջները գործնականում կիրառելի չեն  և անհարկի բարդացնում են աշխատանքների կատարման փաստաթղթավորման գործընթացը, հատկապես հաշվի առնելով, որ այն լրացվում է շինարարական հրապարակի պայմաններում։

Նոր <ԿԱՐԳԱԳԻՐ -ԹՈՒՅԼՏՎՈՒԹՅՈՒՆ>-ը պարունակում է պահանջներ, որոնք, հաշվի առնելով աշխատանքների գործառնական ճկունությունը /փոփոխելիությունը/, թույլ կտան կատարվող աշխատանքների նկարագիրը և պայմանները ներկայացնել ավելի մատչելի և հասկանալի ձևով, ինչը կդյուրացնի բոլորի աշխատանքը։

     3.Կարգավորման նպատակը և բնույթը

       Արդյունքում՝ Կոմիտեի նախագահի 2022 թվականի օգոստոսի 26-ի N 21-Ն հրամանի հավելվածում կատարվել է համապատասխան փոփոխություն՝ աշխատանքների կատարման պարզեցված կարգագրի օրինակելի ձևի սահմանման նպատակով:

Կապը ռազմավարական փաստաթղթերի հետ

«Քաղաքաշինության մասին» օրենք

Հոդված 10.1, 3-րդ մասի 5-րդ և 5.1-ին կետեր

Կոմիտեն՝

• օրենքով սահմանված կարգով կազմակերպում և համակարգում է նորմատիվ փաստաթղթերի (բացի ազգային ստանդարտներից) մշակման աշխատանքները.
• հաստատում է քաղաքաշինական նորմատիվատեխնիկական փաստաթղթերը:

4. Ակնկալվող արդյունքը

Ակնկալվում է համապատասխան իրավակարգավորման ընդունում: