ՄՇԱԿՈՒԹԱՅԻՆ ԱՐԺԵՔՆԵՐԻ ԿՐԿՆԱԿԻ ՓՈՐՁԱՔՆՆՈՒԹՅԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

ՀԻՄՆԱՎՈՐՈՒՄ

 «ՄՇԱԿՈՒԹԱՅԻՆ ԱՐԺԵՔՆԵՐԻ ԿՐԿՆԱԿԻ ՓՈՐՁԱՔՆՆՈՒԹՅԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ

1. Իրավական ակտի ընդունման անհրաժեշտությունը, ընթացիկ իրավիճակը և խնդիրները.

Իրավական ակտի ընդունումը պայմանավորված է 2024 թվականի սեպտեմբերի 10-ի «Մշակութային արժեքների արտահանման և ներմուծման մասին» Հայաստանի Հանրապետության օրենքում փոփոխություններ և լրացումներ կատարելու մասին» ՀՕ-331-Ն օրենքի պահանջներից:

Մշակութային արժեքների արվեստաբանական և մշակութաբանական փորձաքննության դաշտը  ներկայումս ամբողջապես կարգավորված չէ:  Առաջարկվող նոր իրավական ակտով կկարգավորվի մշակութային արժեքների փորձաքննության ոլորտը: Այն հնարավորինս կբացառի լիազորված պետական մարմին խախտումներով և թերություններով փորձագիտական եզրակացության ներկայացումը, որը հիմք է հանդիսանում մշակութային արժեքների արտահանման թույտվության և ներմուծման դեպքում՝ հաստատման համար:

Կարգավորման առարկան, ակնկալվող արդյունքը.

Նախագծի նպատակն է ոլորտի օրենսդրական կարգավորումը և համապատասխանեցումը «Մշակութային արժեքների արտահանման և ներմուծման մասին» ՀՀ օրենքին:

Նախագծի ընդունման արդյունքում կկանխարգելվի արտահանման և ներմուծման համար ներկայացվող մշակութային արժեքների կեղծումը, ոչ հավաստի փորձագիտական եզրակացությունների շրջանառումը և կնպաստի մշակութային ժառանգության պահպանմանը:  

Նախագծի մշակման գործընթացում ներգրավված ինստիտուտները և անձինք.

        Նախագիծը մշակվել է ՀՀ կրթության, գիտության, մշակույթի և սպորտի նախարարության կողմից:

Լրացուցիչ ֆինանսական միջոցների անհրաժեշտության վերաբերյալ.

Նախագծի ընդունմամբ լրացուցիչ ֆինանսական միջոցների ներգրավման անհրաժեշտություն առկա չէ:

Պետական բյուջեի եկամուտներում և ծախսերում սպասվելիք փոփոխությունների վերաբերյալ

Նախագծի ընդունմամբ Հայաստանի Հանրապետության պետական բյուջեում եկամուտների և ծախսերի ավելացում կամ նվազեցում չի նախատեսվում։

 Նախագծի ընդունման առնչությամբ ընդունվելիք այլ իրավական ակտերի կամ դրանց ընդունման անհրաժեշտության բացակայության մասին տեղեկանք:

Նախագծի ընդունումն այլ իրավական ակտերում փոփոխություններ կատարելու անհրաժեշտություն չի առաջացնի: Միջազգային պայմանագրերով ստանձնած պարտավորությունների հետ համապատասխանեցված է:

Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ․

Նախագծի ընդունումը բխում է ՀՀ Կառավարության 2021 թվականի օգոստոսի 18-ի N 1363-Ա որոշմամբ հաստատված հավելվածի 4․9-րդ կետից՝  իրավական դաշտի կատարելագործում: Նախագծի ընդունմամբ կկատարելագործվի մշակութային արժեքների արտահանման և ներմուծման գործընթացների, արվեստաբանական և մշակութաբանական փորձաքննության դաշտի իրավական կարգավորումը, որը կհանգեցնի մշակութային ժառանգության պահպանությանը՝ ապահովելով մշակութային արժեքների շարժի օրինականության սկզբունքի իրացումը: